Luk Nandaꞌafi 23:42 - Basef Buꞌwami Godi

⁴² Eaꞌ nandambema naꞌipa Jisas naꞌi, “Jisas, anaf inaꞌ negataga dembinai king, nemaf afamba inaꞌ okom mondandaꞌma aeꞌ.”

Luk Nandaꞌafi 23:42 Iomraidhean Croise

Luk Nandaꞌafi 12:8

“Aeꞌ aꞌipipa, aeꞌ ataga epen egefaꞌ alop epesi. Epen ami newalapa agol aeꞌagili ma amam nematawa hiasi, anaf aeꞌ ewalapa agol epen inimbai ma naep amom ensel Godi.

Luk Nandaꞌafi 18:13

“Apaꞌ aman anamba nogofaꞌ takisi nalutuwi laogon nandaiwaꞌma niniga negati heven, owaꞌ. Naha mafata ananitai atapita naꞌi, ‘O God, aeꞌ aman andaꞌ waf awafii, inaꞌ niti aeꞌ owahipiwi netopalope.’ Eaꞌ notanima nafeꞌ ipat ananitai. Aeꞌ aꞌipipa endilisi, aman anamba nogofaꞌ takisi naꞌias naꞌamba, anen boꞌona ma naep Godi. Apaꞌ aman anamba naliꞌ nandabetani, owaꞌ. Deiꞌ main, epen ami negasaꞌma agol ananigili atigili, atiasi God nondaꞌ agol ananigili gowala. Apaꞌ epen ami nendaꞌ agol gigisilaꞌi, bola God nosaꞌma agol ananigili luꞌwagol.”

Luk Nandaꞌafi 23:41

Amom soldia maha afaꞌ ogaꞌ andeandeꞌ wandahama waf awafi afaꞌ wandaꞌafi. Apaꞌ aman anamba ina nandaꞌ waf awafi, owaꞌatin.”

Luk Nandaꞌafi 23:43

Eaꞌ Jisas naꞌipana naꞌi, “Aeꞌ aꞌipina endilisi, inaꞌ deiꞌ aꞌ nepe nelome wambel buꞌwambili Paradais.”

Luk Nandaꞌafi 24:26

Krais anen ataꞌ niliꞌ nofaꞌ akafimi ma main, aꞌ nofaꞌ banagami mogogalaꞌi ananimi migiꞌ. Deiꞌ maina ipaꞌ owaꞌ pegegawaea?”

Jon Nandaꞌafi 1:49

Nataniel nagwamana naꞌi, “Tisa Dembinai, inaꞌ Nogamana Godi endilisi. Inaꞌ dembinai King apaꞌ Israeli.”

Jon Nandaꞌafi 20:28

Eaꞌ Tomas naꞌipana naꞌi, “O, Dembinai aeꞌinai, God aeꞌinai.”

Aposel 16:31

Amom maꞌipana maꞌi, “Inaꞌ nihapifa Dembinai Jisas, ama atiasi God nofaꞌena nitanimai nogakwaha waf awafi ineꞌifi. Eaꞌ neloma wambota ineꞌisi wapani naꞌamba atin.”

Aposel 20:21

Aeꞌ aꞌi basef dindinipa esis Juda saloma isimba owaꞌ Judaisia wapani ma sowaꞌ alafugaha waf awafi sombema nelelemb sofeꞌma God, sogahapifa Dembinai apeꞌinai Jisas.

1 Pita 1:11

Ambal buꞌunai ananinai nagape nomona amomi naꞌi basef alihifa anaf Krais nogofaꞌ akafimi hiami mamimami ma nogofaꞌ agol luꞌwagili. Eaꞌ amom ukup pandandaꞌ mahahaliꞌ maꞌi, “Nemaf mamahefa amamba mifiꞌi motaga?”

1 Jon 5:1

Epen mamahina nagahapifa Jisas anen Krais God nasapaꞌana nagafiꞌii, epen inimba awani Godi. Eaꞌ epes mamahisa ukup pagapagaila ahamas atotonai, esis ukup paipaila awasi ananisi wapani.