Luk Nandaꞌafi 22:11 - Basef Buꞌwami Godi

¹¹ Eaꞌ pihaliꞌ ahama ipat atambai piꞌi, ‘Dembinai afaꞌinai naꞌipafa naꞌi, ipat atamba esis sagaꞌohotai totawa ani? Anen naꞌi noꞌwa afaꞌ atofa alipufai ope ondaꞌ gwaꞌaisi isimba luꞌwasi Pasova.’

Luk Nandaꞌafi 22:11 Iomraidhean Croise

Matyu Nandaꞌafi 21:3

Iꞌi anin epen niꞌi nigahaliꞌipa ma anif basefa, piꞌipan piꞌi, ‘Dembinai afaꞌinai naꞌipafa naꞌi nondaꞌ maolanam, ama bola nosapaꞌam mutanimipai kwafalis.’”

Luk Nandaꞌafi 19:31

Iꞌi anin epen nihaliꞌipa nigaꞌi, ‘Deiꞌ pagatagwahona ma main?’ Eaꞌ pegwaman piꞌipan piꞌi, ‘Dembinai afaꞌinai naꞌipafa naꞌi nondaꞌ maola.’”

Luk Nandaꞌafi 19:34

Amom maꞌipam maꞌi, “Dembinai naꞌi nondaꞌ anin maola.”

Luk Nandaꞌafi 19:5

Jisas nataga anamba nosaniga nati ilif naꞌipana naꞌi, “Sakius, deiꞌ aeꞌ efeꞌ epe ipat ineꞌitai. Inaꞌ silaꞌi kwafalis.”

Luk Nandaꞌafi 22:10

Eaꞌ naꞌipam naꞌi, “Pemeꞌ, ipaꞌ pefeꞌ piwis gani wambel luꞌwambili, atiasi piti anona aman nofaꞌ embel sospen luꞌunai nitilipa ufiaꞌw. Eaꞌ pigiꞌmana pefeꞌ piwis ipat atamba anen nefeꞌ nogawisatai.

Luk Nandaꞌafi 22:12

Eaꞌ anen nihimbaꞌmepa rum amamba luꞌwami mape ilif, tebol siaifah saꞌoh atifis. Ipaꞌ pendondomba gwaꞌaisi rum amamba.”

Jon Nandaꞌafi 11:28

Akoꞌw kwaꞌipana naꞌamba, kotanima kwafeꞌma owamaꞌw Maria kwaꞌipaꞌw saꞌosaꞌombel kwaꞌi, “Dembinai Tisa aꞌ nafiꞌi nataga nofalena.”

Revelesen 3:20

Ipaꞌ pemeꞌ, Aeꞌ aha uta alutu. Iꞌi anin epen nemeꞌ malogol aeꞌagili ma nusiꞌ uta, Aeꞌ iwis nomon epe eloman ope atogon weaꞌ gwaꞌaisi.