Luk Nandaꞌafi 2:9 - Basef Buꞌwami Godi

⁹ Owaꞌ anona ensel nafiꞌi nalumai mogogalaꞌi Dembinaii, mogalaꞌ malaꞌambema amom eaꞌ ombal maham endilisi.

Luk Nandaꞌafi 2:9 Iomraidhean Croise

Matyu Nandaꞌafi 1:20

Anen nape ataꞌ okom mandandaꞌma isimba atis, eaꞌ naꞌoh nandondoꞌah owaꞌ, anona ensel Dembinaii natagama anen naꞌipana naꞌi, “Josep, inaꞌ akunama Deviti, ina ombal mehenama negaoꞌwa wauluꞌmina ineꞌikwi Maria, owaꞌi. Deiꞌ main, awani inimba nagapauꞌwi, Ambal buꞌunai Godi nafiꞌmai akoꞌw.

Luk Nandaꞌafi 1:28

Eaꞌ ensel anamba nafeꞌma akoꞌw naꞌi, “Nemaf buꞌwafi, nemataꞌw. Dembinai God okom maimailina aꞌowaꞌ. Anen nofaloꞌmena nape nalomena dondol numafina.”

Luk Nandaꞌafi 2:8

Felefeleꞌma wambel ambalemba anom amam mugumafi sipsipi mape waꞌol otalef walol mogotaoma mumafi sipsip mape owamb.

Luk Nandaꞌafi 24:4

Eaꞌ awo nomonas salasafeꞌ hiahiasa isimba. Owaꞌ kwafalis atis wati anom amam biam malutu felefeleꞌ luwaguf amamifi mogalaꞌ aꞌowaꞌ.

Jon Nandaꞌafi 12:41

Fowaꞌ Aisaia nati banagami mogogalaꞌi Jisasi eaꞌ naꞌias naꞌamba ma anen atona.

Aposel 12:7

Eaꞌ kwafalis atis atef bif owaꞌ, ensel Dembinaii nataga naloma nogogalaꞌi nogalaꞌ nawis ipat sandaꞌ kalabusa nomon. Eaꞌ ensel napisi lambeh Pitai ninimbalana naꞌipana naꞌi, “Inaꞌ safel kwafalis.” Eaꞌ sen peleꞌatana dowaf lagof Pitai nowa naꞌoh itap.

Aposel 27:23

Deiꞌ maina aeꞌ egawa isimba? Aeꞌ aman Godi andaꞌ lotuma anini. Dokoꞌ owamb anona ensel ananinai nafiꞌi nalutu felefeleꞌma aeꞌ

Aposel 5:19

Ama aꞌi owamb, owaꞌ anona ensel Dembinaii nafiꞌi nawisiꞌ uta luꞌutai indalelemba kalabus eaꞌ nafelai amom aposel mawisi andoꞌ naꞌi,

2 Korin 3:18

Eaꞌ apaꞌ hiapai deiꞌ mape amagah wafigah, mogogalaꞌi buꞌwami Dembinai mogalaꞌma apaꞌ mogogaifa anis epes. Apaꞌ mape naꞌamba deiꞌ Ambal buꞌunai Godi nahoꞌofa waf apeꞌifi eaꞌ mandati siꞌi Dembinai ma mogogalaꞌi amamba mataga luꞌum atapim mafeꞌ atin mape. Amamba mataga Dembinai atona, anen Ambal buꞌunai Godi.

2 Korin 4:6

Fowaꞌ God nati akot atona naꞌi, “Lola aꞌ nendataga.” Deiꞌ eaꞌ anamba atona nandaꞌ mogogalaꞌi ananimi mataga ma afaꞌ eaꞌ mandaꞌ opalef afaꞌilifi fegalaꞌ aꞌowaꞌ. Mogogalaꞌi amamba mihimbaꞌmapa gawa ma mogogalaꞌi banagami Godi mape atapim mogalaꞌ. Apaꞌ mati amamba ma waf Jisas Kraisi fegalaꞌ fataga amaga ananigai.

1 Timoti 3:16

Endilisi atis, basef ifimba kofagefa luꞌwafi aꞌowaꞌ. Owaꞌ anin epen laꞌifina negegawefa, owaꞌ. Fandambahoꞌ fape fafeꞌ fafeꞌ deiꞌ God nihimbaꞌmafaef alihif. Basef ifimba naꞌamba. Anen nataga epen endilisi nofaꞌ alop epesi, nataga nandawalap. Ambal buꞌunai Godi nihimbaꞌmapana anen aman buꞌunai nagape hililiꞌi. Amom ensel Godi matolona. Basef ananifi fafeꞌma esis wambotagw amam nematawa hiasi sogololama Godi. Esis epes itapasi sahapifana. Eaꞌ God nofaꞌana nalota heven nape mogolalaꞌi ananimi.

Hibrui 12:21

Esis ombal mahas kwapeteꞌ endilisi ma hiahaom amamba sagatolomi. Hiahaom amamba luꞌwami aꞌowaꞌ mandaꞌ Moses ombal mahana kwapeteꞌa nogatolom. Eaꞌ naꞌi, “Aeꞌ bolale kwapeteꞌ ombal mahe ma egatolom.”

Revelesen 18:1

Magiꞌ magatagai amamba, ati anona ensel nakwaha heven nisilaꞌi. Anen banagami magapaunai endilisi, sosaf ananinai nogalaꞌ nandaꞌ itap hiagoma nogalaꞌ aꞌowaꞌ.

Revelesen 20:11

Eaꞌ ati sia luꞌunai kingi afitinai naꞌoh, aman natoma sia inimba. Itap paloma otaga ilif safaꞌma anen eaꞌ sogapoma aꞌowaꞌ anagona. Epes hiasi ina atiasi sotolom, owaꞌatin.