Luk Nandaꞌafi 2:4 - Basef Buꞌwami Godi

⁴ Josep anona aman anamba anep ambep esimbel Deviti. Anen nakwaha Nasaret nagape anep itap luꞌupa Galilii, eaꞌ nondowasaꞌ nafeꞌ wambel Deviti Betlehem. Wambel ambalemba bagape anep itap luꞌupa Judia.

Luk Nandaꞌafi 2:4 Iomraidhean Croise

Matyu Nandaꞌafi 1:20

Anen nape ataꞌ okom mandandaꞌma isimba atis, eaꞌ naꞌoh nandondoꞌah owaꞌ, anona ensel Dembinaii natagama anen naꞌipana naꞌi, “Josep, inaꞌ akunama Deviti, ina ombal mehenama negaoꞌwa wauluꞌmina ineꞌikwi Maria, owaꞌi. Deiꞌ main, awani inimba nagapauꞌwi, Ambal buꞌunai Godi nafiꞌmai akoꞌw.

Matyu Nandaꞌafi 2:23

Eaꞌ nafeꞌ nape anin taun saꞌuni sofalagon Nasaret siꞌi anif basef amom profet fowaꞌ magaꞌiefi maꞌi, “Owagama esis sofalana siꞌi Nasaretinai.” Basef ifimba deiꞌ fataga fandawalap endilisi.

Luk Nandaꞌafi 2:3

Isimba atis amam nematawa hiasi safeꞌ wambel kofagama asasimbili ma sondaꞌ agof asasigufi.

Luk Nandaꞌafi 2:5

Eaꞌ Josep nafeꞌ naloma anoꞌw nemataꞌw Maria, esis sandandepanaꞌw saꞌi nogasoꞌakwi ma esis bias sondaꞌ agof asasigufi. Eaꞌ akoꞌw opafuꞌw.

Luk Nandaꞌafi 4:16

Jisas nafeꞌ Nasaret taun inimba kofagama, fowaꞌ anen ataꞌ aonama nagapoma. Aꞌi owaꞌ nemaf afamba sabat esis Juda sagapoma nomaꞌwafi, nafeꞌ nawis ipat Juda sandakolasatai siꞌi dondol nandaꞌas. Anen nalutu natalifa basef Godi,

Jon Nandaꞌafi 1:46

Eaꞌ nahaliꞌ Filip naꞌi, “Deiꞌ anis hiahawes fasisi sataga safiꞌi Nasaret?” Filip naꞌipana naꞌi, “Inaꞌ fiꞌi netelona.”

Jon Nandaꞌafi 7:42

Basef fagail Baibeli fagaꞌi naꞌamba faꞌi, ‘Krais owagama notaga wambota Deviti wambel Betlehem, Devit fowaꞌ nagapoma.’”