Luk Nandaꞌafi 2:1 - Basef Buꞌwami Godi

¹ Anef nemaf anona aman gavman dembinai esis Romi Sisar Ogastus nagape, nandaꞌ anin muꞌuli gavmani naꞌamba. Anen naꞌi nofaꞌ agofa esis amam nematawa hiasi hiꞌilasa fugail buk gavmani.

Luk Nandaꞌafi 2:1 Iomraidhean Croise

Matyu Nandaꞌafi 22:17

Eaꞌ daoꞌ inaꞌ niꞌipafa. Deiꞌ inaꞌ okom mandandaꞌ maꞌimama? Muꞌuli apeꞌini naꞌi andeandeꞌma apaꞌ mogasoꞌana takis Sisar gavman dembinai esis Romi aꞌa owaꞌ?”

Matyu Nandaꞌafi 24:14

Eaꞌ atiasi esis siꞌipasa basef ifimba buꞌwafi Godima epes hiasi sogawis nomona maol ananini nope Dembinai nugumafias. Esis siꞌipas ganimba itap hiagoma hiꞌilagon ama amam nematawa hiasi ganimba walemb hielimbi ataꞌ siliꞌ someꞌef. Ama main owaꞌ, nemaf akutaifi aꞌ fetaga.

Mak Nandaꞌafi 14:9

Endilisi aeꞌ aꞌipipa, ganimba itap walemb hiagoma anaf sigaꞌipasa basef buꞌwafi Godi, siꞌipasa basef akoꞌufi wapani ma ukup pegapoma, waf buꞌwafi akoꞌw kwandaꞌmeafi.”

Mak Nandaꞌafi 16:15

Eaꞌ naꞌipam naꞌamba naꞌi, “Ipaꞌ pefeꞌ walemb hiagoma piꞌipasa basef buꞌwafi Godi ma amam nematawa hiasi hiꞌilas.

Luk Nandaꞌafi 2:3

Isimba atis amam nematawa hiasi safeꞌ wambel kofagama asasimbili ma sondaꞌ agof asasigufi.

Luk Nandaꞌafi 2:5

Eaꞌ Josep nafeꞌ naloma anoꞌw nemataꞌw Maria, esis sandandepanaꞌw saꞌi nogasoꞌakwi ma esis bias sondaꞌ agof asasigufi. Eaꞌ akoꞌw opafuꞌw.

Luk Nandaꞌafi 3:1

Anagol afagol anona gavman dembinai esis Romi Taiberius Sisar nagape dembinai ma itap luꞌupa hiagoma esis Romi afagof 14-pelaiguf hiꞌalagofa anagol wapani, gagafeꞌma 15-pelaigufi, Pontius Pailat ataꞌ nape dembinai gavmana walemb hielimbi agol Judia. Anona aman Filip nape gavman dembinai numafi itap apamba luꞌupa Ituriai Trakonitis walemb hielimbi. Eaꞌ owamana ananinai Herot ataꞌ nape dembinai numafi walemb hielimbi agol Galili. Anona aman Lisanias nape dembinai gavman numafi hiagoma agol luꞌwagola Abileneai.

Aposel 11:28

Anona profeta amom sofalana saꞌi Agabus, anen nalutu banagonama Ambal buꞌunai Godi eaꞌ nawalapa basefa nemaf luꞌwafi nolomogahasafi atiasi fegataga itap walemb anamba hiagoma. Ama aꞌi owaꞌ main, aman anamba Klodius nataga nape gavman dembinai esis Romi, nogota atamba nolom luꞌunai aꞌ nataga siꞌi fowaꞌ Agabus nagaꞌias.

Aposel 25:11

Iꞌi aeꞌ anef waf awafi ma endaꞌ anin mae awani nendahama aeꞌ egagaꞌai, eaꞌ andeandeꞌma amom mohe egagaꞌ. Apaꞌ iꞌi basef ifimba amom mandakotima aeꞌafi owaꞌ endilisia, ina andeandeꞌma dembinai gavman neseꞌe egafeꞌma lagof amamugufi, owaꞌatin. Deiꞌ aeꞌ efala gavman dembinai Sisar nemeꞌ kot aeꞌatai.”

Aposel 25:21

“Owaꞌ Pol naꞌi anen nondape kalabus ama bola gavman dembinai apeꞌinai Sisar nemeꞌ basef ananifi. Aeꞌ aꞌi anen nondape kalabus ama main, esapaꞌana nefeꞌmago Sisar.”

Basef Amama Pol Nandaꞌam Mafeꞌma Esis Romi 1:8

Aeꞌ aꞌi ataꞌ iliꞌ igaꞌiesi isimba. Aeꞌ anifela God aeꞌanai ma agol Jisas Kraisi, anifelona ma ipaꞌ wapani. Deiꞌ main, esis itap ganimba hiagoma saꞌi basef ifimba ma ipaꞌ pagahapifana.

Filipai 4:22

Eaꞌ amam nematawa hiasi Godi sandagala sandaꞌ nemaf buꞌwafi ma ipaꞌ. Esis isimba sandaꞌ maol ipat Sisar gavman dembinai esis Romi, esis wapani sandagala ma sandaꞌmepago nemaf buꞌwafi ipaꞌ.