Luk Nandaꞌafi 17:4 - Basef Buꞌwami Godi

⁴ Apaꞌ iꞌi anen nondaꞌmepa waf awafi ipaꞌ lifilafi nil 7-pelaifa nemaf atetef, ama anen netanima nifiꞌmai ipaꞌ ma nohotagw agwamba 7-pelaigw niꞌi, ‘Aeꞌ aꞌ ambema nembel’, eaꞌ daoꞌ ipaꞌ ukup aꞌ peseꞌepa waf awafi ananifi.”

Luk Nandaꞌafi 17:4 Iomraidhean Croise

Matyu Nandaꞌafi 18:16

Apaꞌ iꞌi anin owaꞌ nemeꞌ basef ineꞌifia, inaꞌ nihaliꞌ anin epen o epes bias wapani eaꞌ pefeꞌ atin. Ama ipaꞌ bipa o wanipa pefeꞌma pegameꞌ basef epen inimbai ma pegawalegef.

Matyu Nandaꞌafi 18:35

“Iꞌi ukup ipaꞌ hipaii owaꞌ pekwaha waf awafi endilisima sahin owan ipeꞌisi ukup peseꞌepafa, bola naꞌamba atina Ahame aeꞌanai nagape heveni wapani nondaꞌmepas ipaꞌ naꞌamba atin siꞌi dembinai nandaꞌama aman anamba.”

Matyu Nandaꞌafi 5:44

Apaꞌ aeꞌ deiꞌ aꞌipipa anif basef daif aꞌi, ipaꞌ ukup pipila bousi ipeꞌisi peseꞌas nelelemb, pendabetena God nogatopalopas isimba sandaꞌmepa waf awafi.

Matyu Nandaꞌafi 6:12

Inaꞌ nekwahomasa waf awafi apeꞌifi okom moseꞌenaf siꞌi apaꞌ magakwahomasa waf awafi anis daias sandaꞌmapafi ukup pagasoꞌapaf.

Luk Nandaꞌafi 17:5

Amom aposel Jisasi maꞌipa Dembinai amamunai maꞌi, “Inaꞌ nendaꞌ afaꞌ ohapifina banagefa ukilaꞌ waliꞌ wagahapifina.”

Basef Amama Pol Nandaꞌam Mafeꞌma Esis Romi 12:20

Apaꞌ ipaꞌ pendaꞌas siꞌi Baibel nagaꞌi, “Iꞌi bousi ipeꞌisi nolomohas, daoꞌ peseꞌasa gwaꞌaisi esis. Iꞌi iap peseꞌas, peseꞌasa embel. Iꞌi ipaꞌ pendaꞌas naꞌamba, atiasi pendaꞌ esis ambagof awagofa waf awafi asasifi.”