Luk Nandaꞌafi 16:8 - Basef Buꞌwami Godi

⁸ “Eaꞌ aman dembinai nasaꞌma agola aman anamba aunai nugumafi maoli. Deiꞌ main, anen nandaꞌ waf gawaifi siꞌi aman nomonas sagapaunai. Epes ukup asasipi pagapagaila hiahawes mais sagape itap apaꞌii esis sandaꞌ maola waf gawaifi siꞌi epes nomonas sagapaisi sikilaꞌ epes sagape nogogalaꞌmai owaꞌ sogogawa andeandeꞌia.”

Luk Nandaꞌafi 16:8 Iomraidhean Croise

Matyu Nandaꞌafi 12:32

Epen ami nendaꞌ anif basef awafi findiwaefa aeꞌ, ataga epen egefaꞌ alop epesi, bola God aꞌ nokwahomana awami amamba ananimi okom mosoꞌanam. Apaꞌ epen ami nendaꞌ basef findiwaefa Ambal buꞌunai Godi, God anaf owaꞌatin endilisi ma nogakwaha findiwa anamba aunai okom mogasoꞌanana epen inimbaia, owaꞌatin. Findiwa aunai atapina nopain, deiꞌ nogota ataꞌe nefeꞌ anaf nogota tigiꞌ togatagai wapani nope atapina.

Matyu Nandaꞌafi 17:26

Eaꞌ Pita naꞌi, “Ama anis amam nematawa daias.” Eaꞌ Jisas naꞌipana naꞌi, “Naꞌamba esis miniꞌap kingi ina satala takis, owaꞌ. Sape dowaf.

Luk Nandaꞌafi 16:10

Ami nimafi hiahawes saꞌwisi andeandeꞌ datima, anaf nimafi hiahawes luꞌwasi andeandeꞌ wapani. Apaꞌ epen ami nembasoꞌam, owaꞌ nendaꞌ maol andeandeꞌma hiahawes saꞌwisaꞌwisia, anaf anin ina nendaꞌ hiahawes luꞌwasi andeandeꞌ wapani, owaꞌatin.

Luk Nandaꞌafi 16:4

Owaꞌ aeꞌ nomonas sandandaꞌma anis hiahawes eaꞌ ma endaꞌasa atiasi epes sofaꞌe efeꞌ ifagw asasigwi ma nemaf afamba dembinai nigaliꞌamone ma maol inimba deiꞌ andaꞌani.’

Luk Nandaꞌafi 16:7

Ama main, anona nataga nahaliꞌana naꞌi, ‘Wialef ineꞌimi maꞌufim?’ “Anen naꞌi, ‘Begah witigah 100-pelaigah.’ “Eaꞌ naꞌipana naꞌi, ‘Inaꞌ nefaꞌ tiket atamba wiaf ineꞌifi fagailatai eaꞌ nendaꞌ 80-pelaigah.’

Luk Nandaꞌafi 18:6

Eaꞌ Dembinai naꞌipam naꞌi, “Ipaꞌ pemeꞌ basefa jas anamba aunai.

Luk Nandaꞌafi 20:34

Eaꞌ Jisas naꞌipam naꞌi, “Amam nematawa nogota ataꞌaisi deiꞌ sandasoꞌama.

Luk Nandaꞌafi 20:35

Apaꞌ epes mamahisa God naꞌi andeandeꞌma sotanima sogosafel wapanima sogape namisi nemaf afamba, ina sondasoꞌama, aꞌ owaꞌatin.

Jon Nandaꞌafi 12:36

Aeꞌ ape siꞌi nagwapin ipeꞌini. Ipaꞌ pindahapifa nagwapin inimba ma pegataga awasi nagwapin nogogalaꞌi.” Jisas naꞌipas eaꞌ, nakwaha esis aꞌ nafeꞌ nandambahoꞌmas.

1 Korin 3:18

Naꞌamba anin epen nembasoꞌma anin atin. Iꞌi epen ipeꞌini okom mondandaꞌ niꞌi anin gawaini siꞌi epes itapasi sogofalasi, epen inimba andeandeꞌma nendambema ataꞌ netaga okom mosoꞌan niliꞌ ma atiasi negataga epen gawaini endilisi.

Efesus 5:8

Deiꞌ main, fowaꞌ ipaꞌ ataꞌ pagape waf awafi siꞌi owamb. Apaꞌ deiꞌ pape sisihipama Dembinai, isimba atis deiꞌ nahaponepa papoma mogogalaꞌi. Ipaꞌ pendafeꞌ siꞌi epes sogape alip haugumai.

Filipai 3:19

Ukup asasipi pagapoma alop atona asasinai amamba siꞌi god asasinai. Esis saꞌi esis atis agufisi sandagala ma waf naninani aunai ambagof awagufunai. Eaꞌ ukup pandapoma hiahaom itapami atom. Epes isimba anaf higililas wambel awambili hel.

1 Tesalonaika 5:5

Ipaꞌ epes hipai pagape lagala alipi. Ina siꞌi epes sagape owamb akuti, owaꞌatin.

1 Pita 2:9

Apaꞌ ipaꞌ pape wambota Godi nogosaheꞌepa eaꞌi. Ipaꞌ pandaꞌ maola dembinai king Jisas Krais pindilalimana siꞌi pris. Eaꞌ pape amam nematawa Godi atipa miniꞌap hiasi ma ganimba hiagoma. God nosaheꞌepa eaꞌ ananipai atipa ma pegewalapa banagami fasimi moloma agol luꞌwagili ananigili. Anen nofalepa eaꞌ nandaꞌepa pakwaha owamb akot pagafiꞌmai mogogalaꞌi fasimi ananimi.

1 Jon 3:10

Iꞌi apaꞌ miꞌi mogawa epen mamahina, nogamana Satani a mamahina Godi, apaꞌ mogogawas naꞌamba. Epen ami owaꞌ nendaꞌ waf usiꞌifia ma owaꞌ okom mogamogaila alipisi ananisia, anin ina epen Godi, owaꞌatin.