Luk Nandaꞌafi 10:8 - Basef Buꞌwami Godi

⁸ Iꞌi ipaꞌ pefeꞌ pigawis anin taun ama esis sofaꞌepa pegafeꞌ ifagw asasigwi, ipaꞌ pefaꞌ gwaꞌaisi esis sagatambeꞌmepas ipeꞌi.

Luk Nandaꞌafi 10:8 Iomraidhean Croise

Matyu Nandaꞌafi 10:40

“Epen ami neseꞌepa nembela nigaꞌi ipaꞌ aeꞌipai, anin aꞌ naseꞌe nembel aeꞌ wapani. Eaꞌ epen inimba nagaseꞌe nembela aeꞌi, anin nasoꞌana nembel God nasapaꞌe agafiꞌii.

Luk Nandaꞌafi 10:10

Apaꞌ ipaꞌ iꞌi pefeꞌ piwis anin taun, ama esis owaꞌ sofaꞌepa pefeꞌ ifagw asasigwia, ipaꞌ pefeꞌ pilutu ufiawa taun inimba piꞌi,

Luk Nandaꞌafi 9:48

Eaꞌ naꞌipam naꞌi, “Epen ami nesoꞌ opafa negatopalopa anin awani siꞌi iniꞌi ma okom ananimi mopoma aeꞌ, anin naseꞌe opaf aeꞌ wapani natopalope. Eaꞌ epen ami negatopalopa aeꞌi, anin natopalopa anen nasapaꞌe agafiꞌii wapani. Deiꞌ main? Epen ami nepe agol akana laꞌafena ipaꞌ hipai, anin nape dembeni naliꞌma ipaꞌ.”

Jon Nandaꞌafi 13:20

Aeꞌ aꞌipipa basef endilisi, epen ami negasoꞌan nembel anin epen aeꞌ agasapaꞌani, anin naseꞌe nembel aeꞌ. Eaꞌ epen ami negaseꞌe nembel aeꞌi, anin nasoꞌana nembel Ahame aeꞌanai wapani nasapaꞌe agafiꞌii.”

1 Korin 10:27

Iꞌi anin epen owaꞌ nogahapifa Kraisia nefalepa niꞌi pefeꞌ peloman pegaꞌ gwaꞌaisi ma piꞌi pegafeꞌma, daoꞌ andeandeꞌ. Pefeꞌ peaꞌ gwaꞌaisi hiasi anin nandandombasa nagasiꞌipasi. Ipaꞌ ina aꞌ nomonas sotagamepa hiahias pihahaliꞌanas naꞌanaꞌa, owaꞌi.

1 Korin 9:14

Eaꞌ naꞌamba atin Dembinai nandaꞌ muꞌuli inimba nape. Amam ami magawalapa basef buꞌwafi Godii, amom ataꞌ mondofaꞌ hiahawesa esis amam nematawa sogofaꞌ basef buꞌwafi ma sogatopalopa alop amamupi.