Luk Nandaꞌafi 1:6 - Basef Buꞌwami Godi

⁶ Esis bias Sekaraiai Elisabet sape usiꞌisa naep Godi saila muꞌuli ananini hiani hiꞌalan. Eaꞌ saila basef Godi andeandeꞌ datima, kofagema akas.

Luk Nandaꞌafi 1:6 Iomraidhean Croise

Luk Nandaꞌafi 1:7

Apaꞌ Elisabet asaꞌw eaꞌ esis bias awasi akas, ahages eaꞌ.

Luk Nandaꞌafi 16:15

Owaꞌ anen naꞌipam naꞌi, “Ipaꞌ pandaꞌ ipaꞌ patagama epes sandaꞌ waf usiꞌifi ma nogohnaep epesi. Apaꞌ God nogawa ukup ipeꞌimi nomon. Hiahaom epes sagasaꞌma agofami sagatalom otamba hiambaii, amamba falafumi atoma naep Godi.

Luk Nandaꞌafi 2:25

Eaꞌ anona aman nagape Jerusalami agilinama Simeon. Anen nagagiꞌma waf fasifi Godi nagape hililiꞌi. Anen nape nasasa nogota atamba God nifiꞌi notopalopa esis Israel nogakwaha akafimi asasimi. Eaꞌ Ambal buꞌunai Godi nape okom ananimi nihimbaꞌmana anen ina atiasi nogaꞌ ulal, owaꞌ. Anen ataꞌ nope niti Krais, Dembinai nandandepana nosapaꞌana nogafiꞌii.

Aposel 2:25

“Ahoꞌ, fowaꞌ gani Devit nagaꞌi basefa Jisas naꞌi, ‘Aeꞌ ati Dembinai aeꞌanai nape nalome waꞌol lagol aeꞌagili kwahisigilima dondol lifilafi. Eaꞌ anis epes ina sandaꞌme anom nimanimi akafimi, owaꞌ.

Aposel 23:1

Pol natiti amom Juda dembami mugumafi koti dindinip eaꞌ naꞌi, “Ipaꞌ sahope, aeꞌ afeꞌ naep Godi, eaꞌ okom aeꞌami andeandeꞌma feꞌ aeꞌani ma nogohnaep Godi, afiꞌi ataga deiꞌ. Malogol gagape opaf aeꞌ nomoni ina gihimbaꞌme anef waf awafi aeꞌ andaꞌafi, owaꞌ.”

Aposel 24:16

Eaꞌ dondol aeꞌ andaꞌ maol luꞌwani ma egape andeandeꞌ hililiꞌ ma malogol gagape opaf aeꞌ nomoni ina gihimbaꞌme anef waf awafi aeꞌ andaꞌafi, owaꞌ. Aꞌi waf awafi ake ma naep Godi noloma nogohnaep epesi wapani.

Aposel 8:21

Inaꞌ owaꞌ boꞌwenama nigawisa maol inimba Godi afaꞌ wandaꞌania, owaꞌatin endilisi! Deiꞌ main, okom ineꞌinai ina usiꞌinama naep Godi, owaꞌatin.

Basef Amama Pol Nandaꞌam Mafeꞌma Esis Romi 8:4

Anen nandaꞌam naꞌamba ma apaꞌ mofeꞌ mogaila waf beꞌef usiꞌifi fagape muꞌuli inimbai. Deiꞌ main, apaꞌ deiꞌ ina mafeꞌ maila feꞌ inimba opalef apilifi, owaꞌ. Mafeꞌ maila feꞌ dambaini Ambal Godi.

1 Korin 11:2

Lifilafi ipaꞌ ukup pandandaꞌma aeꞌ paila basef ifimba hiafi agasiꞌipafi. Basef ifimba egefaꞌafi deiꞌ aꞌipipaef ipaꞌ. Isimba atis deiꞌ anifelipa aꞌi pandaꞌ waf buꞌwafi endilisi.

2 Korin 1:12

Afaꞌ wandagala ma hiahawes isimba. Malagof fagape opalef apaꞌ nomoni fawalapa basef ifimba faꞌipafa wagafeꞌ waf usiꞌif hililiꞌi ma waf opalef buꞌwalififi God nagasoꞌafaf afaꞌi. Gawa epes itapasi ina nawalapa waf afambai ma afaꞌ, owaꞌatin. God nati uwahipifa aꞌowaꞌ natopalopafa dowaf deiꞌ wafeꞌ naꞌamba. Wafeꞌ waf afambai laꞌafena epes hiasi sagape itap apaꞌii eaꞌ wandaꞌas naꞌamba hiafi ma ipaꞌ.

Filipai 2:15

Pendaꞌas naꞌamba ma pegape awasi Godi usiꞌipa ma basefa waf awafi akepa. Deiꞌ pape paloma epes miniꞌap sagape itap apaꞌi, esis sakwaha waf usiꞌifi asandaꞌ waf awafi. Ipaꞌ pape palomas pihimbaꞌmasa basef ambal namilifi siꞌi ondowa ogotawa ilifi ogogalaꞌma epes. Pendaꞌas naꞌamba ma nemaf akutaifi Kraisi aeꞌ sowenegahema ipaꞌ ma egegawa ina andaꞌ maol dowadowaf akwaha pepel aeꞌani dowaf, owaꞌatin.

Kolosi 1:22

Apaꞌ Krais nataga epen nofaꞌ alop epesi sahana nagaꞌ, amamba atom God nandaꞌepa pataga alipipai opaf atof palomana ma gaꞌ Nogamanai atin. Nandaꞌas naꞌamba ma nofaꞌepa pifiꞌmai anen pegape beꞌepa hililiꞌ, kofagema akepa ma naep ananipi.

1 Tesalonaika 3:13

Waꞌi ipaꞌ pendaꞌ waf afambai ma God nogowaꞌ banaga opalef ipeꞌilifi. Ama anaf Dembinai apeꞌinai netambel nifiꞌi nogalumai esis hiasi sagahapifanai sagape hililiꞌi ma ipaꞌ pegape beꞌepa hililiꞌ diga basef akepa ma naep Godi ahamapa apeꞌinai.

2 Pita 3:14

Alipipai aeꞌipai endilisi, ipaꞌ ukup dag pape pegehafa hiahawes isimbai. Eaꞌ ipaꞌ pendandaꞌ maol banagambel pindimafi ipaꞌ pegape beꞌepa hililiꞌ andeandeꞌma waf awafi akepa ma naep Godi, pape opaf atof pegalomana.

1 Jon 2:29

Ipaꞌ pegawa Krais anen buꞌunai hililiꞌ endilisi. Eaꞌ pegawa anif basef wapani, epes mamahisa sagaila waf buꞌwafi hililiꞌi, esis awasi Godi.

1 Jon 2:3

Iꞌi apaꞌ mila basef Godi banagafi, apaꞌ mogawana endilisi.

1 Jon 3:7

Ipaꞌ alipipai aeꞌipai, solawaipa andeandeꞌ! Naꞌamba anin epen aꞌ nembasoꞌmepa. Epen ami nendaꞌ waf usiꞌifii, anin nape hililiꞌ siꞌi Krais nagape.