Kolosi 2:7 - Basef Buꞌwami Godi

⁷ Ipaꞌ pindalutu banagepama anen siꞌi lawag gogotawa banagoga itap eaꞌ siꞌi ipat tagatoma ilifa olaf banagafi. Ipaꞌ pindahapifif banagepa basef amamba buꞌwami pegelafami pikilaꞌ fowaꞌ paliꞌ pagahapifam eaꞌ pindanifela God dondol.

Kolosi 2:7 Iomraidhean Croise

Luk Nandaꞌafi 6:48

Epen inimba siꞌi anona aman nagalaꞌ ipati. Anen nandoma olalef fewala gani itap awin otamba mogotaoma. Eaꞌ nandaꞌ ipat tatoma ilifa otamba ambamba. Ama main, walemb nawisi embel koloꞌwalami mafeꞌ, ipat ina tandagwamba, owaꞌ. Deiꞌ main? Aman anamba nandaꞌata banagota.

Basef Amama Pol Nandaꞌam Mafeꞌma Esis Romi 16:25

Apaꞌ mondasaꞌma agol Godi luꞌwagol. Anen laꞌifinai ma nogowaꞌ banagaip ma basef buꞌwafi ananifi agawalapafi, ifimba basef buꞌwafi fagaꞌi Jisas Kraisi. Basef ifimba fowaꞌ nimaguf hiafi ataꞌ fape fandambahoꞌ, apaꞌ deiꞌ fataga alihifa basef ifimba fowaꞌ amom profet mandaꞌafi afaꞌ wawalapef alihif. God nagape namona atapinai naꞌi basef dindinipa basef ifimba buꞌwafi deiꞌ fataga fandawalap alihifa misiꞌah epes hiasi itap anamba hiagoma ma esis hiasi sogahapifana.

1 Korin 1:8

Jisas Krais atiasi nowaꞌ banagaepa ma pegape banagepa atipipa pefeꞌ pegatagama nemaf afamba Dembinai apeꞌinai Jisas Krais nogafiꞌafii ma diga basef kofagesa akepa nemaf afamba.

1 Korin 15:58

Eaꞌ deiꞌ ipaꞌ alipipai endilisi aeꞌipai, pendape banagepa andeandeꞌ. Ina ombal mehepa kwasakwasala pendahagas, owaꞌi. Dondol ipaꞌ banagepama pendaꞌ maol Dembinaii. Deiꞌ main, ipaꞌ pegawa maol inimba pandaꞌana Dembinaii, ina anaf newala dowaf, owaꞌatin.

2 Korin 1:21

God atona nowaꞌ banaga afaꞌ, ipaꞌ wapani, eaꞌ mape sisihipama Krais. Anen nandaꞌmapa ametal ananini apaꞌ nosahoꞌapa ma mogape ananipai atepa eaꞌ nasoꞌapa Ambal buꞌunai ananinai nape nomon opalef apeꞌilifi. Ambal anamba God nagasoꞌapani naliꞌ ma hiahaom duꞌwanim hiami fasimi God naꞌi anaf nogasoꞌapami.

Efesus 3:17

Aꞌi hapif ipeꞌini atin Krais nope ipeꞌilifi nomon atapina. Eaꞌ andabeten ahaliꞌ Goda waf ukup pagapagailasafi fegape siꞌifa ipaꞌ ma fegewaꞌ banagaepa pilutu banagepa pigaila waf afamba siꞌi nombalef lawag gahapila itap gogotawa banagoga.

Efesus 4:21

Aeꞌ egawa endilisi ipaꞌ pegawa basef Kraisi eaꞌ. Ipaꞌ pagape sisihipama anini, amom mawalipipa eaꞌ ma basef ifimba endilisifi Jisas nigihimbaꞌmapafi.

Efesus 5:20

Dondol pendanifela ahamapa Goda hiahaom hiami ma agol Dembinai apeꞌinai Jisas Kraisi atogol.

Kolosi 1:23

Apaꞌ ipaꞌ pindahapifa basef buꞌwafi Godi tatalaꞌif atapipa ma pigalutu banagepa endilisi siꞌi olaf fagaliꞌi fogowaꞌ banaga ipati. Naꞌamba ukup peseꞌepama pegegawa endilisi anaf pegefaꞌ hiahaom amamba fasimi basef buꞌwafi fagaꞌiami. Basef ifimba pagameꞌef eaꞌi sawalipasafa epes hiasi sagape itapi hiꞌalas. Basef ifimba aeꞌ Pol ataga aman andaꞌ maola agawalipasafi.

Kolosi 3:17

Hiahawes mamahisa ipaꞌ atiasi pigaꞌiasa basefi o pendaꞌ maolasi, isimba ipaꞌ pendandaꞌasa agol Jisasi. Ama agol ananigil ipaꞌ pendanifela God ahamapa.

1 Tesalonaika 5:18

Ipaꞌ pinifelona hiahawes hiasi. Ipaꞌ pagape sisihipama Krais Jisasi, God naꞌi ipaꞌ pendaꞌ waf fasifi pinifelonama hiahawes hiasi.

2 Tesalonaika 2:17

Eaꞌ deiꞌ afaꞌ waꞌi amom biam mowaꞌ banaga opalef ipeꞌilifi motopalopepa pendaꞌ waf fasifi hiafi ma pigaꞌipasa basef fasifi hiafi.

Hibrui 13:15

Isimba atis deiꞌ mosaꞌma agol Godi luꞌwagol mondasoꞌana dagala atapina ma agol Jisasi, mondandaꞌam naꞌamba siꞌi hiahaom buꞌwami mondolalimanami. Apaꞌ mondolalimana naꞌamba. Mondasoꞌana malogof apeꞌigufi anen a mogawalapa basefa agol ananigili.

Hibrui 13:9

Ipaꞌ solawaipa. Naꞌamba anif basef hiafi fafifafi fifiꞌi felamona opalef ipeꞌilifi eaꞌ pekwaha ufiaꞌw Godi. Iꞌi opalef apeꞌilifi fegape atapilifa waf God nagatopalopapa dowafafi numafiapa magape andeandeꞌi, naꞌambaifi andeandeꞌ. Opalef apeꞌilifi ina banagalefa mugaila muꞌuli epesi ma gwaꞌaimi mamimami, owaꞌatin. Waf afambai sagaila muꞌuli inimbafi ina fatopalopa amam nematawa sagailafi, owaꞌatin.

1 Pita 5:10

God anen kofagonama waf afamba hiafi hiꞌalaf nagatopalopapa dowafafi. Ipaꞌ sisihipama Krais, isimba atis deiꞌ God nofalepa ma pegape mogogalaꞌi banagami ananimi magape dondol lifilafii. Apaꞌ deiꞌ ipaꞌ pameꞌ akafimi nogota bandata. Ama main owaꞌ, anen atona nisindiꞌamonepa petaga beꞌepa, eaꞌ nowaꞌ banagaepa pilutu banagepa siꞌi olaf banagafi fogowaꞌ banaga ipati.

Basef Ifimba Jut Nandaꞌafi 1:12

Waf awafi amam amambai fagape naꞌamba. Nemaf afamba ipaꞌ Kristen ukup pandaima atin pandakolas pandaꞌ gwaꞌaisi ipeꞌisi aꞌa pandaꞌ gwaꞌaisi Jisasi, amom mape malomepa maꞌ gwaꞌaisi isimba wapani. Eaꞌ amom siꞌi alogw gwandahapil sisihigw gwail gwandaꞌ gwaꞌaisi isimba awes. Amom maꞌ gwaꞌaisi malomepa, apaꞌ ina ombal maham kwasakwasala ma waf awafi mandaꞌafi, owaꞌ. Ukup pandapoma amom atom. Ina matopalopa anis daias masoꞌasas, owaꞌ. Amom mawalipasa basef, apaꞌ basef amamifi ina fatopalopepa, owaꞌatin. Basef ifimba wafifi dowaf siꞌi otaga wafigai fufin nefaꞌaga gagafiꞌi ina gala asaf, owaꞌ. Amom mandahama lawah hogola gwaꞌaisii, apaꞌ owaꞌ nogota hagailatai ina hola gwaꞌaisi, owaꞌatin. Lawah agahemba aligah sagiagah nombalef fapomagah fataogah hagaꞌihi.

Basef Ifimba Jut Nandaꞌafi 1:20

Apaꞌ ipaꞌ alipipai endilisi, lifilafi ipaꞌ pewaꞌ banaga nelelemb ipeꞌilimbi pendahapifa God, anen kofagonama hapif ipeꞌinii. Eaꞌ dondol ipaꞌ pihaliꞌ Ambal buꞌunai Godi ma nowaꞌ banagaepa nugumafipa ma beten ipeꞌini.

Basef Ifimba Jut Nandaꞌafi 1:24

Aeꞌ aꞌi apaꞌ mondasaꞌma agol Godi luꞌwagol naꞌamba. Anen laꞌifinai ma nogalaꞌambemepa datima andeandeꞌma anaf ipaꞌ ina pewa ma waf awafi, owaꞌatin endilisi. Ama anaf nofaꞌepa nokolasepa pegape andeandeꞌ pendagala endilisi kofagema ma waf awafi akepa ma anamba anen nape nogogalaꞌma.