Jon Nandaꞌafi 8:6 - Basef Buꞌwami Godi

⁶ Amom maꞌi mogwambana iꞌi anen owaꞌ nogwamoma basef andeandeꞌa, mondaꞌ kotimana. Owaꞌ, Jisas nasisil notawa nandaꞌ faf ananifi nandaꞌ anif basef fail itap.

Jon Nandaꞌafi 8:6 Iomraidhean Croise

Matyu Nandaꞌafi 10:16

Eaꞌ Jisas naꞌipam wapani naꞌi, “Ipaꞌ pemeꞌ, aeꞌ esapaꞌepa pefeꞌ siꞌi anom sipsip pefeꞌ laꞌafena nombagw wandafugwi alupugwi. Naꞌamba ipaꞌ ukup pendandaꞌ andeandeꞌ pefeꞌ pila gawa siꞌi uguf fagafeꞌ. Eaꞌ pigiꞌma waf buꞌwafi siꞌi anal amil maꞌunai, ipaꞌ ina ukup pepe awepa pendaꞌ waf awafi, owaꞌ.

Matyu Nandaꞌafi 15:23

Owaꞌ Jisas ina nagwamaꞌwa anif basef akoꞌw, owaꞌ. Eaꞌ amom alipumi ananimi mafiꞌmai anen maꞌipana maꞌi, “Nemataꞌw akwamba kwandaꞌam falafala kwagiꞌmafai. Inaꞌ sapaꞌakw kotanima kofoꞌo!”

Matyu Nandaꞌafi 16:1

Eaꞌ anom dembami Farisi maloma anom dembami daiam Sadyusi mafiꞌmai Jisas maꞌi mogwambana ma anen ataꞌ nondaꞌ anom banagami siꞌi God nagape ilifi nandaꞌami ma ataꞌ motolom.

Matyu Nandaꞌafi 19:3

Eaꞌ anom dembami Farisi mafiꞌmai anen mahaliꞌana anif basef magwambana maꞌi, “Muꞌuli apeꞌini andeandeꞌma anona aman nondaiwaꞌma wauluꞌmana ananiꞌwi nogaliꞌamonaꞌwa okom ananimi atom aꞌa owaꞌ?”

Matyu Nandaꞌafi 22:18

Owaꞌ Jisas nogawa eaꞌ ma waf awafi amamifi eaꞌ naꞌi, “Ipaꞌ amam pagaꞌi malogof biagufi, deiꞌ maina ipaꞌ pagagwamba aeꞌ?

Matyu Nandaꞌafi 22:35

Eaꞌ anona nagaloma amomi nogogawa muꞌuli Godi naꞌi nogwamba Jisasa nigaꞌi anif basef owaꞌ andeandeꞌa ma nondaꞌmana basef sogowaꞌana siꞌi sogapaloꞌ agof anembeh. Eaꞌ nahaliꞌana naꞌi,

Matyu Nandaꞌafi 26:63

Owaꞌ Jisas ina naꞌi anif basef, owaꞌatin. Eaꞌ pris anamba naꞌipana naꞌi, “Aeꞌ aꞌipina endilisi ma agol Dembinai Godi nagape lifilafii, inaꞌ kipa apaꞌ. Inaꞌ Krais Nogama Godi nandandepena nasapaꞌena nagafiꞌii, aꞌa owaꞌ?”

Mak Nandaꞌafi 10:2

Eaꞌ anom dembami Farisi mafiꞌi mahaliꞌ Jisasa anif basef magwambana maꞌi, “Muꞌuli apeꞌini andeandeꞌma anona aman nondaiwaꞌma nemataꞌw ananiꞌwi nogaliꞌamonaꞌw aꞌa owaꞌ?”

Mak Nandaꞌafi 12:15

Muꞌuli apeꞌini naꞌi andeandeꞌma apaꞌ mogasoꞌana takis Sisar gavman dembinai esis Romi, aꞌa owaꞌ?” Owaꞌ Jisas aꞌ nogawa basoꞌam amamini naꞌipam naꞌi, “Deiꞌ maina ipaꞌ pagagwamba aeꞌ? Faꞌmai anin moni atitina ataꞌ itilin.”

Mak Nandaꞌafi 3:2

Eaꞌ anis salaꞌ solaoma basef kwamaifi ma sosapagana sondaꞌmana kot. Eaꞌ satolona naep paipailana ma siti nondaꞌ aman anamba boꞌona nemaf afamba sagapoma nomaꞌwafi aꞌa owaꞌ?

Mak Nandaꞌafi 8:11

Eaꞌ amom Farisi mafiꞌi maꞌi basef mandahihianamaef maloma Jisas. Amom maꞌi mogwambana ma mugati anen banagona aꞌa owaꞌ. Naꞌamba mofalana maꞌi anen nondaꞌ hiahaom banagami siꞌi God nandaꞌami. Amom maꞌi anen nihimbaꞌmama anen nagape banagami Godi ma deiꞌ nandaꞌ hiahaom amamba.

Luk Nandaꞌafi 10:25

Anona aman gawainai nagawalipasa muꞌuli Godii nosafel naꞌi nogwamba Jisas nememeꞌmana. Eaꞌ naꞌipana naꞌi, “Dembinai, aeꞌ endaꞌ maina atiasi egefaꞌ ambal namili egape andeandeꞌ lifilafi?”

Luk Nandaꞌafi 11:16

Apaꞌ anis epes saꞌi sogwambana sofalana saꞌi anen ataꞌ nondaꞌ anin maol banagani nagafiꞌi heveni ma sitilin sogogawa endilisi God natopalopana nasapaꞌana nagafiꞌii.

Jon Nandaꞌafi 8:2

Eaꞌ aꞌi owaꞌ kuhumbita atota notanima nafeꞌ ipat luꞌunai Godi. Esis amam nematawa hiasi safiꞌmai anen eaꞌ nape nawalipasa basef.

1 Korin 10:9

Eaꞌ apaꞌ ina mososaefa God mogwambana siꞌi isimba anis fowaꞌ sagagwambana ma uguf awagufi fahasa esis higilagalas, owaꞌi.