Jon Nandaꞌafi 8:43 - Basef Buꞌwami Godi

⁴³ Deiꞌ maina ipaꞌ owaꞌ pemeꞌ basef aeꞌafia? Ipaꞌ ina laꞌifipama pegameꞌ basef aeꞌ agaꞌiefi, owaꞌ.

Jon Nandaꞌafi 8:43 Iomraidhean Croise

Matyu Nandaꞌafi 13:15

Deiꞌ main, ukup amam nematawa isimbai masoꞌas aꞌowaꞌ, aligah asasigahi hasoꞌas ukup iwanipa sogameꞌ basef. Eaꞌ sasopama naep asasipi ma sogati hiahawes. Eaꞌ aligah asasigahi hasoꞌasa sogameꞌ basef. Ukup asasipi pasoꞌ ma sogogawa basef kofagefa. Ama esis sombema opalef sigagiꞌma aeꞌ ma endaꞌas boꞌwes wapani. Apaꞌ owaꞌ, owaꞌatin.’

Jon Nandaꞌafi 5:25

Endilisi atis aeꞌ aꞌipipa, nemaf afamba faꞌi figatagai, deiꞌ fataga eaꞌ ma esis sagagaꞌi atiasi sogameꞌ lagol aeꞌagili Nogamana Godi. Epes ami sogameꞌ aeꞌi, atiasi asofaꞌ ambal namili ma sogape boꞌwes endilisi.

Jon Nandaꞌafi 5:43

Aeꞌ afiꞌi agol ahame aeꞌanai, apaꞌ ipaꞌ ina paseꞌe opalef aeꞌ, owaꞌatin. Apaꞌ anaf anona aman daiana nogafiꞌi ma agol ananigili atogili, ipaꞌ aꞌ piꞌi ahoꞌ peseꞌana opalef anen.

Jon Nandaꞌafi 6:60

Anis alipisi Jisasi hiasi sameꞌ basef ifimba eaꞌ saꞌi, “Basef ifimba ahihifa apaꞌ. Atiasi ami nilif? Owaꞌ owaꞌatin.”

Jon Nandaꞌafi 7:17

Iꞌi anin epen okom miꞌi nendaꞌ maol Godi siꞌi anen nagaꞌiani, atiasi epen inimba aꞌ negawa basef aeꞌ agawalipasafi fataga God aꞌa fataga aeꞌ atowe.

Jon Nandaꞌafi 8:27

Amom ina mogawa anen nagaꞌipama ahamana ananinai, owaꞌ.

Jon Nandaꞌafi 8:33

Owaꞌ esis sagwamana basef saꞌi, “Apaꞌ akupana Abrahami. Apaꞌ ina agof akapa mape lafela anis epes, owaꞌatin. Deiꞌ maina inaꞌ naꞌipapa nagaꞌi basef endilisifi fatagwahepa magape wahifipa?”

Jon Nandaꞌafi 8:39

Esis Juda sagwamana basef saꞌi, “Ahamapa apeꞌinai Abraham.” Eaꞌ Jisas naꞌi, “Iꞌi ipaꞌ Abraham batawisanaiai, ipaꞌ aꞌ pendaꞌ maol Abrahami. Owaꞌ, owaꞌatin. Ipaꞌ paꞌi dindinipa pehe egagaꞌ. Aeꞌ aꞌipipa basef endilisifi atif ameꞌ God nagaꞌipiefi. Abraham ina nandaꞌ waf afambai siꞌi ipaꞌ paꞌi pehe egagaꞌ, owaꞌatin.

Aposel 7:51

“Ipaꞌ epes pandaꞌ duꞌwanigai. Ipaꞌ epes pegelelama basef Godi siꞌi anis daias owaꞌ sogogawa Godia. Ipaꞌ pandaiwaꞌ ma pegameꞌ basef Godi ma nelelembi aligah ipeꞌisi. Dondol ipaꞌ pegesambala Ambal buꞌunai Godi. Ipaꞌ pandaꞌam naꞌamba atin siꞌi fowaꞌ aꞌmesepa ipeꞌisi sandaꞌam.

Basef Amama Pol Nandaꞌam Mafeꞌma Esis Romi 3:11

Ina anin epen negawa waf buꞌwafi. Ina anin epen nandaꞌ maol nelaoma God, owaꞌatin.