Jon Nandaꞌafi 7:12 - Basef Buꞌwami Godi

¹² Amam nematawa hiasi esis atis sandaꞌipama anen saꞌosaꞌombel saꞌi, “Anen aman buꞌunai.” Apaꞌ anis saꞌi, “Owaꞌ, anen nagambasoꞌma epes hiasii.”

Jon Nandaꞌafi 7:12 Iomraidhean Croise

Matyu Nandaꞌafi 10:25

Apaꞌ iꞌi esis sandaꞌ skuli sogape naꞌamba atin siꞌi aeꞌ tisa asasiwai, esis aꞌ ukup pendegawa andeandeꞌ piꞌi, ‘Andeandeꞌma afaꞌ ogameꞌ akafimi siꞌi tisa afaꞌinai.’ Apaꞌ iꞌi anin epen agol akani nandaꞌ maol dowafi negape siꞌi dembinai ananinai, isimba wapani daoꞌ aꞌ andeandeꞌma negameꞌ akafimi siꞌi dembinai ananinai. Aeꞌ dembiwai ahamepa ma wambota aeꞌatai esis saꞌi basef awafi ma agol aeꞌagili saꞌi aeꞌ Belsebul. Anaf esis siꞌipipa sondaꞌmepa agof awogufi endilisi fikilaꞌ agol Belsebul sandaꞌmeagol aeꞌi.

Matyu Nandaꞌafi 21:46

Eaꞌ maꞌi mombaloꞌana owaꞌ ombal bahama esis amam nematawa. Esis hiasi sogawana saꞌi Jisas anona profet.

Matyu Nandaꞌafi 27:63

Eaꞌ maꞌipana maꞌi, “Dembinai, afaꞌ aꞌ ukup papoma anif basef aman anamba nagambasoꞌami nagaꞌiefi fowaꞌ anen ataꞌ nagape. Anen nagaꞌias naꞌamba naꞌi, ‘Nimaguf wanif aꞌ fefeꞌma hiꞌilif owaꞌ, aeꞌ aꞌ itanima esafel wapani.’

Luk Nandaꞌafi 18:19

Eaꞌ Jisas naꞌipana naꞌi, “Deiꞌ maina nagaꞌi aeꞌ buꞌuwai? God atona buꞌunai.

Luk Nandaꞌafi 23:47

Eaꞌ kepten nugumafi amom soldiai nalutu nati hiahaom amamba eaꞌ nasaꞌma agol Godi naꞌi, “Endilisi atis, aman anamba buꞌunai.”

Luk Nandaꞌafi 23:50

Anona aman agilinama Josep anen Arimateainai itap luꞌupa Judia. Anen aman buꞌunai, kaunsel dembinai ma amom mugumafi esis Juda hiasii.

Luk Nandaꞌafi 6:45

Epes naꞌamba atin. Epen buꞌwani, anin nomonas fasisi sapain nembel ananimbili, eaꞌ nawalapa waf buꞌwafi. Apaꞌ epen awani waf hiafi awafi awasi hiasi fapain nembel ananimbili. Eaꞌ nawalapa waf awafi atefi. Deiꞌ main, waf maif buꞌwafi awafi fape siꞌifa nembel ananinai, afamba deiꞌ malogol gawalapafi.

Jon Nandaꞌafi 6:14

Eaꞌ esis amam nematawa sati ametal inimba ma hiahaom banagami amamba Jisas nandaꞌami saꞌias saꞌi, “Endilisi atis, anen aman profet anamba nagafiꞌi itap apai.”

Jon Nandaꞌafi 7:32

Amom Farisi mameꞌ esis amam nematawa hiasi saꞌi basef fafifafi ma Jisas. Eaꞌ amom pris dembami maloma amom Farisi masapaꞌ anom plisman amamumi mafiꞌi mogowaꞌana.

Jon Nandaꞌafi 7:47

Amom Farisi magwamama basef maꞌi, “Anen nambasoꞌmepa wapani, aꞌamon?

Jon Nandaꞌafi 7:52

Amom maꞌipana maꞌi, “Inaꞌ wapani Galilinai aꞌa? Owaꞌatin. Inaꞌ ataꞌ niti basef fagail Buk Baibeli eaꞌ nitalifif. Ama atiasi negegawa ina anona profet nataga itap luꞌupa Galili, owaꞌatin.”

Jon Nandaꞌafi 9:16

Eaꞌ anom Farisi maꞌi, “Aman anamba ina nagiꞌma muꞌuli ma nemaf afamba sabat, owaꞌ. Eaꞌ anen ina aman Godi, owaꞌatin.” Owaꞌ anom Farisi daiam maꞌi, “Anona aman nandaꞌ waf awafii ina laꞌifina nondaꞌ maol banagani siꞌi God nandaꞌani, owaꞌatin.” Eaꞌ amom Farisi mandawal biafim.

Aposel 11:24

Barnabas anen aman buꞌunai, Ambal buꞌunai Godi nape siꞌinama anen, nagahapifana datimai. Eaꞌ natopalopa esis amam nematawa miniꞌap laupi ma sagahapifa Dembinai eaꞌ sawisi miniꞌap ananipi.

Basef Amama Pol Nandaꞌam Mafeꞌma Esis Romi 5:7

Ipaꞌ ukup pandandaꞌ paꞌimama? Anin epen naꞌi negaꞌma negatopalopa epen ami naꞌi nigaila muꞌuli Godi, aꞌa owaꞌ? Aꞌi atiasi ina anis siꞌi ahoꞌ, owaꞌatin. Apaꞌ iꞌi anin epen boꞌwen hililiꞌi, daoꞌ anin ila ma negaꞌ negatopalopa epen inimba buꞌwani.

Filipai 2:14

Hiahawes ipaꞌ paꞌi pindaꞌasi, pekwaha basef dahihianamaefi feloma waf dowambaꞌifi, daoꞌ pendaꞌam.