Jon Nandaꞌafi 6:14 - Basef Buꞌwami Godi

¹⁴ Eaꞌ esis amam nematawa sati ametal inimba ma hiahaom banagami amamba Jisas nandaꞌami saꞌias saꞌi, “Endilisi atis, anen aman profet anamba nagafiꞌi itap apai.”

Jon Nandaꞌafi 6:14 Iomraidhean Croise

Matyu Nandaꞌafi 11:3

Eaꞌ mahaliꞌana maꞌi, “Inaꞌ aman maꞌwina aꞌ nafiꞌi, eaꞌ aꞌa ataꞌ mope mohafa anona daiana?”

Matyu Nandaꞌafi 21:11

Eaꞌ esis amam nematawa safeꞌ sagalomanai sandagalamana saꞌi, “Aman anamba anen Dembinai profet Jisas, aman nagape anambel wambel Nasareti bagape anep itap Galili.”

Luk Nandaꞌafi 24:19

Anen naꞌias naꞌamba, Jisas nahaliꞌam naꞌi, “Main daꞌim?” Eaꞌ maꞌipana maꞌi, “Hiahaom amamba magatagama Jisas Nasaretinai. Anen dembinai profet nagaꞌipa esis amam nematawa basef fasifi banagafi. Anen banagonai ma nawalipasa basef ifimba nandaꞌ maol banagani ma naep Godi naloma epes wapani.

Jon Nandaꞌafi 1:21

Eaꞌ mahaliꞌana maꞌi, “Deiꞌ ina anina profet fowaꞌinai agilinama Elaija?” Owaꞌ anen naꞌi, “Aeꞌ owaꞌ.” Eaꞌ maꞌi, “Deiꞌ inaꞌ aman anamba profet apaꞌ mape mogohafanai?” Owaꞌ nagwamama basef naꞌi, “Owaꞌ.”

Jon Nandaꞌafi 11:27

Eaꞌ kwaꞌipana kwaꞌi, “Ahoꞌ dembinai, aeꞌ ahapifa inaꞌ Krais, God nandandepena nasapaꞌena nagafiꞌii. Inaꞌ Nogamana ananinai, fowaꞌ anen naꞌi nigafiꞌi itap apaꞌi.”

Jon Nandaꞌafi 2:11

Amamba ametal banagami magaliꞌi siꞌi God nandaꞌami, dambadamba Jisas nandaꞌam Kana itap apamba luꞌupa Galili. Anen nihimbaꞌma esisa glori ananimi banagami mogogalaꞌi. Eaꞌ amom alipumi ananimi mahapifana.

Jon Nandaꞌafi 4:19

Eaꞌ kwaꞌipana kwaꞌi, “Aman Dembinai, deiꞌ aeꞌ egawaena, inaꞌ anina profet. Esis aꞌmes bafas apeꞌisi safeꞌ sogonaloꞌma halafuta anamba sandaꞌ lotuma. Eaꞌ ipaꞌ Juda paꞌi wambel esis sandaꞌ lotuwagoma anamba napani Jerusalem.”

Jon Nandaꞌafi 4:25

Nemataꞌw akwamba kwagwamana basef kwaꞌi, “Aeꞌ egawa aman anamba Mesaia sofalana sagaꞌi Kraisi, God nandandepana nosapaꞌana nugafiꞌii. Afamba anen nugafiꞌi, nowalapam niꞌipapa hiahaom hiami.”

Jon Nandaꞌafi 4:42

Eaꞌ saꞌipa akoꞌw saꞌi, “Deiꞌ apaꞌ ina mameꞌ basef ineꞌifi atif mahapilif, owaꞌatin. Apaꞌ mameꞌ basef aman anambai aꞌ mogawa anen atona nowambilai amam nematawa hiasi itapasi mokwaha waf awafi asasifi sogotanimai.”

Jon Nandaꞌafi 6:2

Eaꞌ amam nematawa hiasi safiꞌmai anen. Deiꞌ main, esis sati hiahaom amamba banagami anen nandaꞌam naꞌambai ma nandaꞌ isimba aowas naninani nandaꞌasi sagataga boꞌwes. Eaꞌ sailana.

Jon Nandaꞌafi 6:26

Owaꞌ Jisas nagwamasa basef naꞌi, “Aeꞌ aꞌipipa endilisi, ipaꞌ ina ukup pandandaꞌma banagami aeꞌ andaꞌami deiꞌ pafiꞌi paꞌi petolowe, owaꞌatin. Ipaꞌ ukup papoma bret atota pagaꞌatai ma nelelemb ipeꞌilimbi siꞌilimb, isimba atis deiꞌ palaꞌ pelaome pafiꞌi.

Jon Nandaꞌafi 6:30

Eaꞌ esis saꞌipana saꞌi, “Inaꞌ nihimbaꞌmapa hiahaom maim banagami ma apaꞌ mitilina mogahapifina? Inaꞌ nandaꞌ maol main?

Jon Nandaꞌafi 7:40

Eaꞌ anis amam nematawa sameꞌ basef ifimba saꞌi, “Endilisi, aman anamba anen dembinai Profet apaꞌ mape mogahafanai.”

Aposel 7:37

Moses aman anamba maꞌuna anen naꞌipa esis Israel nagaꞌi, ‘Atiasi owagama God nosapaꞌ anona sahomepa ipeꞌinai nondaꞌana nope profet siꞌi Aeꞌ.’