Jon Nandaꞌafi 19:25 - Basef Buꞌwami Godi

^25-26 Maꞌma Jisasi kwaloma owamaꞌw akoꞌukwi waloma anoꞌw nemataꞌw Maria kwagasoꞌ Klopasi waloma Maria Makdalaiꞌwi awo biawai biawa walutu felefeleꞌma lawag Jisas nagailagai. Eaꞌ Jisas nati maꞌmana ananiꞌwi kwaloma aeꞌ ananiwai okom magamagailai, afaꞌ biafa walutu felefeleꞌma anen. Eaꞌ naꞌipa maꞌmana naꞌi, “Maꞌme, aman anamba nogamena ineꞌinai.”

Jon Nandaꞌafi 19:25 Iomraidhean Croise

Matyu Nandaꞌafi 12:46

Jisas ataꞌ naꞌipasa basef atin esis amam nematawa owaꞌ, maꞌmana kwafiꞌi kwaloma owapana ananimi safiꞌi salutu andoꞌ saꞌi siꞌipana anif basef.

Mak Nandaꞌafi 16:9

[Jisas notanima nosafel Sande kuhimbita atona, eaꞌ naliꞌ natagama Maria Makdalaiꞌwi, fowaꞌ nagatofamaꞌwa ambagof awami 7-pelaim magapauꞌwi.

Luk Nandaꞌafi 2:35

Awani inimba napoma negawalapa nomonas hiasi sape sandambahiꞌi sogataga alihis. Maria, inaꞌ atiasi aꞌ okom nimanim siꞌi anona bainat hikalinai nogatopaꞌ okom ineꞌimi.”

Luk Nandaꞌafi 23:49

Esis alipisi hiasi Jisasi saloma anowa nematawa wagafiꞌi itap luꞌupa Galilii wagiꞌma Jisas wafiꞌi, esis salutu laogon felefeleꞌ sati hiahaom amamba.

Luk Nandaꞌafi 24:18

Eaꞌ anona amom biam Kliopas nagwamana basef naꞌi, “Epes hiasi sagape Jerusalami sati hiahaom amamba magataga nemaf afaꞌii sogawam. Apaꞌ inaꞌ atina owaꞌ negawaia.”

Luk Nandaꞌafi 8:2

anowa nematawa safeꞌ salomana. Nematawa awamba fowaꞌ aowas nandaꞌawa Jisas natofamawa ambagof awami nandaꞌawa boꞌowa. Anoꞌw Maria sofalaꞌw saꞌi Makdalaiꞌwi, fowaꞌ nagatofamaꞌwa ambagof awami 7-pelaim magapauꞌwi.

Jon Nandaꞌafi 20:1

Akot ataꞌ tail, felefeleꞌma kuhumbita nemaf Sande Maria Makdalaiꞌwi kosafel kwafeꞌ matmat. Eaꞌ kwati otam ina ataꞌ masopama uta matmati, owaꞌatin. Anin epen nelefatam aꞌ mafeꞌ maꞌoh waꞌol.