Jon Nandaꞌafi 18:25 - Basef Buꞌwami Godi

²⁵ Saimon Pita tol nalutuma nif fahiꞌana, eaꞌ saꞌipana saꞌi, “Aꞌi inaꞌ alipunai ananinai?” Owaꞌ anen naꞌi, “Ahaeꞌ, aeꞌ owaꞌ.”

Jon Nandaꞌafi 18:25 Iomraidhean Croise

Matyu Nandaꞌafi 26:69

Pita tol nape indalelemb nomon nape ipat andeꞌetama. Eaꞌ anoꞌw nemataꞌw kwandaꞌ maoli kwafiꞌi felefeleꞌ ma anen eaꞌ kwaꞌipana kwaꞌi, “Inaꞌ wapani nape nagaloma Jisas ganimba itap luꞌupa Galilii.”

Mak Nandaꞌafi 14:66

Anoꞌw nemataꞌw kwandaꞌmana maol pris anamba dembinai kwafiꞌi kwati Pita napoma nif ipat andoꞌ. Eaꞌ kwalutu naep doꞌa anen, kogawana kwaꞌipana naꞌamba kwaꞌi, “Anina inaꞌ nape nagaloma Jisas Nasaretinai.”

Luk Nandaꞌafi 22:55

Esis sakata nif indalelemb ambalemba nomon ipat tagapoma mapomef. Eaꞌ Pita nape nalomam.

Luk Nandaꞌafi 22:56

Anoꞌw nemataꞌw kwandaꞌ maoli kwati anen napoma nif. Eaꞌ kwatotolona kwaꞌi, “Aman anamba wapani anen nape nagaloma Jisasi.”

Luk Nandaꞌafi 22:57

Apaꞌ Pita naꞌi, “Ahaeꞌ, aeꞌ owaꞌ.” Anen naꞌi, “Nemataꞌw, aeꞌ ina egawa anen, owaꞌ.”