Jon Nandaꞌafi 17:4 - Basef Buꞌwami Godi

⁴ “Maol inimba inaꞌ nasapaꞌe afiꞌi ma endaꞌani, aeꞌ andaꞌan ambifan eaꞌ. Eaꞌ deiꞌ asaꞌma agol ineꞌigili luꞌwagola nogohnaep esis amam nematawa itapasi.

Jon Nandaꞌafi 17:4 Iomraidhean Croise

Luk Nandaꞌafi 22:37

“Deiꞌ main, anif basefa aeꞌ felefeleꞌma fetaga fendawalap. Anif basef fagail Buk Baibeli fowaꞌ fagaꞌias naꞌamba faꞌi, ‘Esis nomonas sondandaꞌme siꞌi aeꞌ aman auwai atowe.’ Aeꞌ aꞌipipa endilisi! Basef ifimba felefeleꞌ fetaga endilisi ma nimanimi akafimi waf awafi atiasi mogataga ma aeꞌi.”

Jon Nandaꞌafi 12:28

Ahame, inaꞌ nendaꞌama epes hiasi sogasaꞌma agol ineꞌigili luꞌwagol.” Eaꞌ anogol malogol gaꞌi gatagai heven gaꞌi, “Aeꞌ andaꞌama sogasaꞌma agol aeꞌagili gogataga luꞌwagol, owaꞌ atiasi endaꞌagol gotaga luꞌwagol wapani.”

Jon Nandaꞌafi 14:13

Hiahawes hiasi ipaꞌ pendabeten pigahaliꞌanasa agol aeꞌagilii, atiasi aeꞌ indaꞌasi. Ama Ahame a nogofaꞌ agol luꞌwagilima maol aeꞌ Nogamana ananiwai atiasi indaꞌani.

Jon Nandaꞌafi 14:31

Apaꞌ aeꞌ aꞌi esis amam nematawa sagaila waf itapafi sondogawa aeꞌ okom maimaila Ahame endilisi eaꞌ deiꞌ andaꞌas naꞌamba atin siꞌi anen nandaꞌipi. Naꞌamba deiꞌ afaꞌ aꞌ ofeꞌ.

Jon Nandaꞌafi 15:10

Iꞌi ipaꞌ pila muꞌuli aeꞌani andeandeꞌ, atiasi apepe okom aeꞌami laꞌafima nomon siꞌi aeꞌ agaila muꞌuli ahamai andeandeꞌma agape okom ananimi laꞌafima nomon.

Jon Nandaꞌafi 19:28

Aꞌi owaꞌ main, Jisas nogawa maol hiani ananini ahiꞌalan, eaꞌ okom maꞌi anif basef fagape Buk Baibeli fetaga fendawalap. Eaꞌ naꞌi, “Aeꞌ iap paseꞌema embel.” Anen naꞌias naꞌamba nagiꞌma basef ifimba Baibelifi.

Jon Nandaꞌafi 19:30

Anen naꞌ wain embel ambalemba eaꞌ naꞌi, “Maol inimba ahiꞌalan.” Eaꞌ nindiwa balaga ambal aꞌ landahiꞌ lafeꞌana nagaꞌ dogw.

Jon Nandaꞌafi 4:34

Ama main Jisas nawalapef naꞌipam naꞌi, “Gwaꞌaisi aeꞌasi isimba. God nasapaꞌe afiꞌi. Deiꞌ aeꞌ aꞌi indaila okom ananimi atom endaꞌ maol ananini atin efeꞌ imbifan hiꞌindalan. Maol inimba siꞌi gwaꞌaisi aeꞌasi.

Jon Nandaꞌafi 5:36

Hiahaom amamba maol banagani ahame naseꞌean naꞌi imafian endaꞌan hiꞌigalani, inimba atin aeꞌ deiꞌ andaꞌan. Inimba maol banagani nikilaꞌ maol Joni nagawalapa basef kofagefa ma aeꞌi. Eaꞌ maol inimba aeꞌ andaꞌani nihimbaꞌma esis amam nematawa sogogawa Ahame nasapaꞌe deiꞌ afiꞌi.

Jon Nandaꞌafi 9:3

Jisas naꞌipam naꞌi, “Kofagema ma anen naep pagasoꞌana ina mamasana sandaꞌ waf awafi aꞌa anen nandaꞌ waf awafi, owaꞌ. Anen naep pasoꞌana ma maol Godi negataga luꞌwin. Isimba atis deiꞌ naep pasoꞌana.

Aposel 20:24

“Apaꞌ aeꞌ ina okom mapoma ambal aeꞌali atol logape, owaꞌ. Eaꞌ ina banagewe aꞌowaꞌ ma igahapila ambal aeꞌali tatalaꞌil, owaꞌatin. Aeꞌ aꞌi ila ufiaꞌw akwamba eaꞌ ailaꞌw agafiꞌi. Aꞌi endaꞌan hiꞌilan datima maol inimba Dembinai Jisas nagaseꞌeani. Maol inimba egawalapa basef buꞌwafi Godi natopalopapa dowaf nofaꞌapa mogotanimai.

2 Timoti 4:7

Aeꞌ endepambema asagih afaꞌ andeandeꞌ. Aeꞌ ahapifa Krais banagewe, asagih andeandeꞌ, deiꞌ ataga alol.