Jon Nandaꞌafi 15:14 - Basef Buꞌwami Godi

¹⁴ Ipaꞌ pila muꞌuli agaꞌipipani andeandeꞌ, daoꞌ ipaꞌ alipipai aeꞌipai.

Jon Nandaꞌafi 15:14 Iomraidhean Croise

Matyu Nandaꞌafi 12:50

Epes mamahisa sigaila okom Ahamai nagape heveni, ma sondaꞌ waf ananifii, isimba atis siꞌi maꞌme owape hanitiame aeꞌasi.”

Luk Nandaꞌafi 12:4

“Ipaꞌ alipipai aeꞌipai, aeꞌ aꞌipipa naꞌamba. Ipaꞌ owaꞌi ombel mehepama anom amam moha alop atop pogagaꞌia ma anaf amom ina laꞌifima mondaꞌ anin mae wapani, owaꞌatin.

Jon Nandaꞌafi 13:17

“Deiꞌ ipaꞌ pegawa waf afamba eaꞌ. Iꞌi pigiꞌmaf andeandeꞌ, daoꞌ a pendagala.

Jon Nandaꞌafi 14:15

“Iꞌi ipaꞌ ukup piꞌi aeꞌ endilisi, daoꞌ ipaꞌ pindagiꞌma muꞌuli aeꞌani andeandeꞌ.

Jon Nandaꞌafi 14:21

Epen ami negefaꞌ muꞌuli aeꞌani nigiꞌmana nigailan andeandeꞌi, anin aꞌ okom maimaila aeꞌ endilisi. Atiasi Ahame aeꞌanai okom mila anin. Eaꞌ aeꞌ wapani okom mimilan anin eaꞌ etaga endawalapa anin alihiwi.”

Jon Nandaꞌafi 14:28

Ipaꞌ pameꞌef eaꞌ basef ifimba agasiꞌipafi. Aeꞌ ikwahipa efeꞌ. Bola itanimaimipai. Iꞌi ipaꞌ ukup pila aeꞌ endilisi, eaꞌ ipaꞌ asonendahepa ma aeꞌ egafeꞌma Ahame. Deiꞌ main? Ahame anen dembinai nikilaꞌ aeꞌ.

Jon Nandaꞌafi 2:5

Eaꞌ kwaꞌipa amom mandaꞌ maola anen nogasoꞌ nemataꞌwi kwaꞌi, “Iꞌi anen nigaꞌipipa anif basefa, ipaꞌ pihapifana.”

Jems 2:23

Eaꞌ basef ifimba fagail buk Baibeli fataga alihif fandawalap. Basef ifimba faꞌi, “Abraham nahapifa God, deiꞌ God nofalana naꞌi anen aman buꞌunai hililiꞌi.” Eaꞌ God nofalana naꞌi, “Anen alipunai aeꞌanai.”

1 Jon 5:3

Waf kofagefa ma apaꞌ ukup pigapigaila Godafi afamba. Apaꞌ mondaila basef lo banagafi ananifi, ina ahifif aꞌowaꞌ, owaꞌatin.