Jon Nandaꞌafi 14:2 - Basef Buꞌwami Godi

² Ipat Ahame aeꞌanai alihinai satopaꞌ ilalef hielifi fape fandandapa. Iꞌi owaꞌai, fowaꞌ aeꞌ iꞌipipa. Apaꞌ owaꞌ, endilisi atis aeꞌ aꞌ efeꞌ endondomba wambel ipeꞌimbili.

Jon Nandaꞌafi 14:2 Iomraidhean Croise

Luk Nandaꞌafi 14:22

“Aꞌi owaꞌ main, aman anamba nandaꞌ maoli naꞌi, ‘Dembinai, aeꞌ aila basef ineꞌifi eaꞌ, apaꞌ owaꞌ ati ipat ina deiꞌ siꞌita, ataꞌ owaꞌ. Anis siaifah ataꞌ wafis sotawa dowaf. Ipat ina deiꞌ siꞌita, ataꞌ owaꞌ.’

Jon Nandaꞌafi 13:33

Ipaꞌ saꞌupai, aeꞌ elomepa ope nogota bandata aꞌ efeꞌ. Ipaꞌ atiasi pewandoꞌme apaꞌ ina atiasi petolowe, owaꞌ. Anamba aeꞌ egafeꞌma, ipaꞌ ina laꞌifipama atiasi pegafeꞌagono, owa. Basef ifimba atif fowaꞌ agaꞌipa amom Judafi, deiꞌ aꞌipipaef wapani.

Jon Nandaꞌafi 13:36

Eaꞌ Saimon Pita nahaliꞌana naꞌi, “Dembinai, inaꞌ aꞌ nefeꞌ ani?” Jisas nagwamana naꞌi, “Anamba deiꞌ aeꞌ egafeꞌma, ina atiasi nigiꞌmi nefeꞌagono, owaꞌ. Apaꞌ anaf owagama daoꞌ, inaꞌ aꞌ nigiꞌmi nefoꞌo.”

Jon Nandaꞌafi 14:28

Ipaꞌ pameꞌef eaꞌ basef ifimba agasiꞌipafi. Aeꞌ ikwahipa efeꞌ. Bola itanimaimipai. Iꞌi ipaꞌ ukup pila aeꞌ endilisi, eaꞌ ipaꞌ asonendahepa ma aeꞌ egafeꞌma Ahame. Deiꞌ main? Ahame anen dembinai nikilaꞌ aeꞌ.

Jon Nandaꞌafi 16:4

Apaꞌ deiꞌ aꞌipipa eaꞌ ma hiahawes isimba. Ama nogota atiasi togataga ma esis sondaꞌepa naꞌamba, ipaꞌ ukup pendandaꞌma basef ifimba deiꞌ agaꞌipipafi.

Jon Nandaꞌafi 17:24

“Ahame, aeꞌ okom maꞌi esis amam nematawa inaꞌ nagaseꞌeas aeꞌi sope solome wambel ambalemba. Aeꞌ okom maꞌi esis siti hiahaom banagami fasimi mogogalaꞌi aeꞌami, mogogalaꞌi amamba inaꞌ nagaseꞌeam aeꞌi. Fowaꞌ itap ataꞌ owaꞌ petagaea, nogota atamba inaꞌ okom maila aeꞌ. Eaꞌ naseꞌe mogogalaꞌi amamba.

Aposel 9:16

Atiasi aeꞌ ihimbaꞌmana akafimi mamimami hiami moloma nimanimi ma nogawalapa agol aeꞌagili. Naꞌamba inaꞌ deiꞌ foꞌo netelona.”

2 Korin 5:1

Deiꞌ afaꞌ ogawa naꞌamba. Nemaf afamba ipat atamba sogowaloꞌ selitai sagalaꞌata itap apaꞌii tondatal aota ma, eaꞌ hapaitai. Afaꞌ anota God naꞌi nogasoꞌafatai dambaitai. Ipat atamba epes ina sandaꞌata salaꞌata lagof asasigufi, owaꞌ. Atamba tapani heven eaꞌ totawa lifilafi dondol.

1 Tesalonaika 5:9

Dembinai God ina nosahoꞌapa ma mogofaꞌ okom wandafunai ananinai nogahambombagapa, owaꞌatin. Anen nosahoꞌapa ma Jisas Krais Dembinai apeꞌinai nowambelapa mogotanimai.

Taitus 1:2

Aeꞌ andaꞌ maola agatopalopa hapif asasini ma esis sogawa ma sonohas sope sogohafa ambal alamba namili sogape andeandeꞌ lifilafi. Fowaꞌ gani God ataꞌ owaꞌ nondaꞌ anin mae netaga itap apaꞌea, anen aꞌ naliꞌ naꞌias eaꞌ ma nogasoꞌapa ambal alamba apaꞌ. Anen ina nagambasoꞌami, owaꞌatin.

Hibrui 11:10

Dondol Abraham okom maꞌi ataꞌ niti wambel taun inimba pohawa mais banagasini wambel banagambili gani ilif. God atona gawainai anen okom mandandaꞌma nondaꞌ wambel ambalemba, eaꞌ nandaꞌambel.

Hibrui 13:14

Deiꞌ main, apaꞌ mogawa itap apaꞌe apaꞌ ina anambel wambel taun nagape atapini, owaꞌatin. Apaꞌ deiꞌ mape mandaꞌas mowandoꞌma wambel taun inimba anaf naꞌi nigatagai.

Hibrui 6:20

Anamba Jisas naliꞌapa nafeꞌ nawis ipat anamba nomon ma nogatopalopapa. Anen nataga pris dembinai deiꞌ nape atapina dondol lifilafi naꞌamba atin siꞌi Melkisedek.

Hibrui 9:8

Pris anamba nawis nandaꞌ maol inimbai ma Ambal buꞌunai Godi nigihimbaꞌmapa naꞌamba. Iꞌi ipat anamba nomon waꞌol nape nagaliꞌma ataꞌ anin maol nepe ma sondaꞌanai, daoꞌ ufiaꞌw akwamba ma apaꞌ mofeꞌ mugawis ganimba sagaꞌi, “Boꞌwagoma hililiꞌ aꞌowaꞌma”, akwamba ina kwataga kwandawalap alihiꞌw, ataꞌ owaꞌ.

Revelesen 21:2

Eaꞌ ati taun wambel buꞌwambili hililiꞌi, anamba Jerusalem dambaigima. Ati anamba nape naloma God, nakwaha heven nisilaꞌi. Wambel anamba nandaꞌ sosaf buꞌunai atona nandandombol siꞌi nemataꞌw kwaꞌi kogasoꞌ amani kwandaꞌ sosaf buꞌwinai atona ma kogasoꞌ aman akwaꞌunai.

Revelesen 3:12

Epen ami nilutu banagena nelefata wandafa nigaliꞌamona waf awafii, bola Aeꞌ endaꞌan nilutu banagen siꞌi olaf fogombaloꞌ ipat luꞌunai Godi aeꞌanai. Eaꞌ epen inimba ina atiasi nekwaha ipat anamba luꞌunai netanima nuwisi andoꞌ wapani, owaꞌatin. Nepe andeandeꞌ nomon atapin. Atiasi endaꞌ agol Ahame Godi gila anin goloma agol wambel ambalemba luꞌwambili God aeꞌanaii, Jerusalem wambel namimbili fasimbili. Wambel ambalemba atiasi bekwaha heven God aeꞌanai nagapoma bisilaꞌi. Eaꞌ agol namigili aeꞌagili wapani endaꞌagol gila anin.

Revelesen 3:21

Epen ami nilutu banagena nelefata wandafa nigaliꞌamona waf awafii, Aeꞌ atiasi iꞌi ahoꞌma anina nepe negalome ma negape Dembinai sia king aeꞌanai. Eaꞌ naꞌamba atin siꞌi fowaꞌ Aeꞌ agalutu banagewe ma egelefata wandafa waf awafi. Eaꞌ deiꞌ ape aloma Ahame aeꞌanai ape dembiwai sia king ananinai.