Jon Nandaꞌafi 13:13 - Basef Buꞌwami Godi

¹³ Ipaꞌ pefale tisa aꞌa Dembiwai, naꞌamba andeandeꞌ. Aeꞌ eaꞌ maꞌuwi, basef ifimba endilisifi atif.

Jon Nandaꞌafi 13:13 Iomraidhean Croise

Matyu Nandaꞌafi 20:28

Aeꞌ ataga epen egefaꞌ alop epesi, aeꞌ wapani naꞌamba atin. Ina afiꞌi ma esis sondaꞌme maola sogatopalope, owaꞌ. Aeꞌ afiꞌi endaꞌ maol egatapalopa ipaꞌ hipai ma waf awafi fagawasiꞌipai. Afiꞌi ma sehe egaꞌ etala ipaꞌ peloma epes hiasi igatagwahipama waf awafi ipeꞌifi.”

Luk Nandaꞌafi 10:28

Jisas naꞌipana naꞌi, “Isimba inaꞌ nagwa basef usiꞌif. Inaꞌ nendaꞌas naꞌamba ma atiasi negape ambal namili dondol lifilafi.”

Luk Nandaꞌafi 6:46

“Deiꞌ maina ipaꞌ pagaꞌi aeꞌ Dembiwai, Dembiwai, apaꞌ ipaꞌ owaꞌ pila malogol aeꞌagilia?

Luk Nandaꞌafi 7:43

Saimon nagwa basef naꞌamba naꞌi, “Aeꞌ aꞌi aman anamba nagasoꞌana wiaf luꞌwafii 100 kinai.” Jisas naꞌi, “Inaꞌ nawalogef andeandeꞌ.”

Jon Nandaꞌafi 11:28

Akoꞌw kwaꞌipana naꞌamba, kotanima kwafeꞌma owamaꞌw Maria kwaꞌipaꞌw saꞌosaꞌombel kwaꞌi, “Dembinai Tisa aꞌ nafiꞌi nataga nofalena.”

Jon Nandaꞌafi 11:3

Eaꞌ awo wasapaꞌ basef fafeꞌma Jisas waꞌi, “Dembinai, aman anamba inaꞌ okom magamagailanai aꞌ awasina naꞌoh.”

1 Korin 12:3

Eaꞌ ipaꞌ pendegawa epen mamahina Ambal buꞌunai Godi nasaꞌman nagaꞌi basefi, ina atiasi niꞌi basef niꞌi, “Jisas anaf higililana,” owaꞌatin. Eaꞌ epen ami Ambal buꞌunai Godi akani, anin ina atiasi niꞌi basef niꞌi, “Jisas anen Dembinai,” owaꞌatin.

1 Korin 8:6

eaꞌ diamamo hapaimi. God apaꞌ mandaꞌ lotumanai atotona nape. Anen God ahamapa, anen atona kofagonama hiahaom hiami. Kofagema apaꞌ magape itap apaꞌe, mandaꞌ maol ananini atin. Eaꞌ Dembinai atotona nape, anen Jisas Krais. Lagol ananigili atogol deiꞌ God nandaꞌ hiahaom hiami mataga mape. Krais atona nandaꞌ apaꞌ mataga mape namepa.

Efesus 6:9

Ipaꞌ agufipai pigimafi isimba agof akasi sandaꞌmepa maol dowafi, ipaꞌ pendaꞌas naꞌamba atina esis siꞌi pandaꞌasa Dembinai atona. Ipaꞌ pendkwahowa waf afamba sagaumbalisafi. Deiꞌ main, ipaꞌ pegawa Dembinai nagape heveni anen Dembinai ipeꞌinai, asasinai wapani. Anen ina nagawaloga agofa epesi ma naep ananipi, owaꞌatin. Anen nawaloga hiasi agufisi agof akasi hiꞌalasa ikwaf usiꞌifi atef.

Filipai 2:11

sowalapa basef siꞌif naꞌamba siꞌi, “Jisas Krais anen Dembinai.” Sondaꞌam naꞌamba sosaꞌma agol Ahamana Godi gogalota ilif endilisi.

Filipai 3:8

Aeꞌ ina aꞌi hiahaom amamba atom, owaꞌatin. Aeꞌ okom mandandaꞌ ma Jisas Krais atona Dembinai aeꞌanai ma hiahaom hiami aliꞌ andaꞌami. Gawa inimba endilisini nikilaꞌ. Eaꞌ ewaꞌ alafugama hiahaom amamba hiꞌalam aꞌi falafumi atom siꞌi alapita. Ahapila Krais atona tatalaꞌina, ape sisihiwi ma anen. Aeꞌ andaiwaꞌma egefaꞌ agol agalemba aman boꞌowe hililiꞌi ma muꞌuli esis Juda sagailani, owaꞌ. Aꞌi efaꞌ agol usiꞌigili ma waf naꞌambaifi. Aeꞌ ahapifa Krais deiꞌ God naꞌi aeꞌ aman buꞌuwai hililiꞌi.

Jems 2:19

Inaꞌ nagahapifana naꞌamba naꞌi, “God atotona nape.” Inaꞌ naꞌias naꞌamba, daoꞌ andeandeꞌ. Ambagof awami wapani magahapifana naꞌamba atin eaꞌ ombal maham bombol atin kwapeteꞌ.