Jon Nandaꞌafi 12:3 - Basef Buꞌwami Godi

³ Eaꞌ Maria kwahapila anop kap siꞌipa sanda buꞌwani agilina nad sagatalin otamba hiambaii. Eaꞌ kwahapilan kwakoloꞌwan kwandisamana boꞌwagah Jisasi kwandaꞌ auf balaga akoꞌugai kopatiꞌmanan. Eaꞌ ipat atamba asiꞌitama alogw buꞌwagwi ma sanda inimbai.

Jon Nandaꞌafi 12:3 Iomraidhean Croise

Luk Nandaꞌafi 10:42

Apaꞌ hiahawes fasisi atifis inaꞌ ataꞌ akena. Maria kwaꞌi kofaꞌ hiahawes isimba fasisi sikilaꞌ anis daias. Ina anin epen laꞌifinama negelefata hiahawes isimba buꞌwasi ma akoꞌw, owaꞌ.”

Luk Nandaꞌafi 7:46

Inaꞌ owaꞌ nendaꞌ wel nefame balaga aeꞌagaia. Apaꞌ akoꞌw kwaofame boꞌwagah aeꞌagahi embel sanda.

Jon Nandaꞌafi 11:28

Akoꞌw kwaꞌipana naꞌamba, kotanima kwafeꞌma owamaꞌw Maria kwaꞌipaꞌw saꞌosaꞌombel kwaꞌi, “Dembinai Tisa aꞌ nafiꞌi nataga nofalena.”

Jon Nandaꞌafi 11:32

Eaꞌ Maria kwafeꞌma anamba Jisas nagapoma kwatolona kundiwa nembawa felefeleꞌma boꞌwagah ananigahi kwaꞌipana kwaꞌi, “Dembinai, iꞌi inaꞌ nepe nelomapa ai, hanitiname aeꞌanai ina nogaꞌ, owaꞌatin. Apaꞌ owaꞌ napani laogon deiꞌ anen nagaꞌ.”

Jon Nandaꞌafi 19:39

Anen Josep nafeꞌ naloma Nikodemus, anamba fowaꞌ nafeꞌ nagati Jisas anomb owambi. Anen nofaꞌi anin marasin buꞌwani sandaꞌan ifat lawahi, agilima mer naloma alos. Marasin inimba hiani nimanin aꞌowaꞌ, 75 paun. Eaꞌ amom biam mafeꞌ mofaꞌ alop Jisasi mandaꞌ luwaguf afitifi faloma marasin inimba mombafana, maila waf esis Judai.