Jon Nandaꞌafi 12:19 - Basef Buꞌwami Godi

¹⁹ Eaꞌ amom Farisi mandaꞌipama maꞌi, “Maol afaꞌini ina laꞌifin, owaꞌ. Afaꞌ agof akafa. Piti amam nematawa hiasi safiꞌmai anen atona hiꞌalas.”

Jon Nandaꞌafi 12:19 Iomraidhean Croise

Matyu Nandaꞌafi 21:15

Owaꞌ amom pris dembami maloma anom dembami magawalipasa muꞌuli Godi mati anen nandaꞌ maol banagani fasini, eaꞌ mameꞌ esis awasi sondagalama anen gani ipat luꞌunai nomon saꞌi, “Apaꞌ maꞌi God aꞌ nondatopalopa Dembinai apeꞌinai akunamana Deviti!” Eaꞌ amom deiꞌ ukup awep kwapeteꞌa anen.

Jon Nandaꞌafi 12:18

Eaꞌ epes hiasi sameꞌ basefa Jisas nandaꞌ hiahaom banagami siꞌi God nandaꞌami. Eaꞌ deiꞌ safeꞌ satolona.

Jon Nandaꞌafi 12:20

Epes hiasi safeꞌ Jerusalem ama gwaꞌaisi isimba luꞌwasi sondaꞌ lotuma God. Eaꞌ anom Grik wapani mafeꞌ malomas.

Jon Nandaꞌafi 17:21

Ahame, aeꞌ andabetena esis isimba hiasi asondape ukup atifip siꞌi inaꞌ Ahame nape nagalome a aeꞌ ape agalomena. Eaꞌ naꞌamba atin, andaꞌ betena esis sogape afaꞌ biafa. Ama amam nematawa sagaila waf itapafi sogahapifa inaꞌ atina aꞌ nasapaꞌe agafiꞌii.

Jon Nandaꞌafi 3:26

Eaꞌ alipumi Joni mafeꞌma anen maꞌipana maꞌi, “Dembinai Tisa, aman fowaꞌ nape nagaloma inaꞌ gani waꞌol walemb Jordani ma inaꞌ nagawalapa basef nagaꞌifanai, aman anamba deiꞌ amam nematawa hiasi safeꞌma anen napisiꞌas embel.”

Aposel 17:6

Apaꞌ owaꞌ, esis ina sati amom biam, owaꞌatin. Eaꞌ sahokolai Jeson gagatoma ipat atambai naloma anis Kristen safeꞌma amom agufumi wambel ambalembaimi. Esis sandaꞌ ukup asasipi pandandaꞌ saꞌi, “Amam amamba biam mandaꞌ waf awafi fataga itap hiagoma eaꞌ deiꞌ mafiꞌi mape naꞌa.

1 Jon 2:2

Anen atona nahagofa okom numbutinai Godi nagaꞌ nakwaha waf awafi apeꞌifi. Apaꞌ ina nakwaha waf awafi apeꞌifi atef, owaꞌ. Anen nakwaha waf awafi ma epes hiasi itapasi okom masoꞌanaf.