Jon Nandaꞌafi 11:41 - Basef Buꞌwami Godi

^41-42 Eaꞌ esis selefata owap anamba eaꞌ Jisas naniga nati ilif naꞌi, “Ahame, aeꞌ anifelina ma nagameꞌe. Aeꞌ egawa inaꞌ nameꞌe lifilafi apaꞌ aeꞌ aꞌias naꞌamba ma esis amam nematawa sagalutu naꞌai sogahapifa aeꞌ, inaꞌ nasapaꞌe agafiꞌii.”

Jon Nandaꞌafi 11:41 Iomraidhean Croise

Matyu Nandaꞌafi 11:25

Nemaf afamba Jisas naꞌias naꞌamba naꞌi, “O ahame, inaꞌ dembinai ma ilifi itapi. Inaꞌ nambahoꞌ hiahaom amamba ma esis epes gawaisi sogofaꞌ gawa luꞌwanii, eaꞌ nambemam nihimbaꞌmasam epes isimba gawa akasi falafisi.

Matyu Nandaꞌafi 11:26

Ahoꞌ ahame okom ineꞌimi magaꞌi eaꞌ amamba atom.

Matyu Nandaꞌafi 27:60

Eaꞌ naolaꞌana nawis matmat ananitai dambaitai, fowaꞌ nagwasana nagawis anom otam luꞌunai. Eaꞌ deiꞌ nambema anona otam luꞌunai nafeꞌ nowalo uta matmat atamba. Anen nandaꞌas naꞌamba ma main, aꞌ nafeꞌ.

Mak Nandaꞌafi 15:46

Fowaꞌ anis sandaꞌ anota matmat sagwasa otam luꞌunai nagal nawis nomon. Eaꞌ deiꞌ Josep naꞌi nowa Jisas matmat atamba. Eaꞌ nafeꞌ notala anona lowaf afitinai nafiꞌi natagwaha alop Jisasi nisilaꞌi ma nandaꞌ lowaf anamba nowaꞌana ma eaꞌ, nasapaꞌana nawis matmat atamba nalana nomon. Eaꞌ nambema anona otam luꞌunai nafeꞌ nowalo uta matmat atamba.

Luk Nandaꞌafi 10:21

Nogota atamba atota Ambal buꞌunai Godi nawalapa dagala nembel Jisasi eaꞌ naꞌi, “O ahame, inaꞌ Dembinai ma ilifi itapi. Aeꞌ asaꞌma agol ineꞌigili anifelina. Deiꞌ main? Inaꞌ nambahoꞌ hiahaom amamba ma esis epes gawaisi sogofaꞌ gawa luꞌwanii, eaꞌ nambemam nihimbaꞌmasam epes isimba gawa akasi falafisi. Ahoꞌ ahame, okom ineꞌimi magaꞌi, eaꞌ amamba atom.

Luk Nandaꞌafi 18:13

“Apaꞌ aman anamba nogofaꞌ takisi nalutuwi laogon nandaiwaꞌma niniga negati heven, owaꞌ. Naha mafata ananitai atapita naꞌi, ‘O God, aeꞌ aman andaꞌ waf awafii, inaꞌ niti aeꞌ owahipiwi netopalope.’ Eaꞌ notanima nafeꞌ ipat ananitai. Aeꞌ aꞌipipa endilisi, aman anamba nogofaꞌ takisi naꞌias naꞌamba, anen boꞌona ma naep Godi. Apaꞌ aman anamba naliꞌ nandabetani, owaꞌ. Deiꞌ main, epen ami negasaꞌma agol ananigili atigili, atiasi God nondaꞌ agol ananigili gowala. Apaꞌ epen ami nendaꞌ agol gigisilaꞌi, bola God nosaꞌma agol ananigili luꞌwagol.”

Luk Nandaꞌafi 24:2

Eaꞌ watologon owaꞌ, wati otam anamba ina ataꞌ mape mowalo uta, owaꞌ. Anin epen aꞌ nafeꞌ nawisiꞌam mafeꞌ maꞌoh waꞌoh.

Jon Nandaꞌafi 11:22

Owaꞌ akoꞌw kwaꞌipana wapani kwaꞌi, “Aeꞌ egawa inaꞌ nigahaliꞌ Goda hiahawes mais, anen nogasiꞌinasi.”

Jon Nandaꞌafi 17:1

Jisas naꞌi basef naꞌamba ma eaꞌ, aꞌ naniga nati heven nandabeten naꞌi, “Ahame, nogota atataga eaꞌ. Inaꞌ neseꞌe agol luꞌwagili aeꞌ Nogamena ineꞌiwai, ma atiasi laꞌifiwi ma egasaꞌma agol ineꞌigili luꞌwagol.

Jon Nandaꞌafi 20:1

Akot ataꞌ tail, felefeleꞌma kuhumbita nemaf Sande Maria Makdalaiꞌwi kosafel kwafeꞌ matmat. Eaꞌ kwati otam ina ataꞌ masopama uta matmati, owaꞌatin. Anin epen nelefatam aꞌ mafeꞌ maꞌoh waꞌol.

Aposel 7:55

Apaꞌ Ambal buꞌunai Godi nape siꞌinama anen, naniga nati heven naep doꞌ endilisi. Nati banagami mogogalaꞌi Godi eaꞌ nati Jisas nalutu waꞌol lagol kwahisigili Godi.

Filipai 4:6

Ipaꞌ ina aꞌ nomonas solasefeꞌma hiahaom hiami mogatagamipai, owaꞌi. Ipaꞌ piꞌipanam Goda hiahaom amamba. Pendandabetena anen pinifelona pihaliꞌana ma hiahaom ipaꞌ ukup pagaꞌiami.