Jon Nandaꞌafi 1:45 - Basef Buꞌwami Godi

⁴⁵ Eaꞌ Filip nafeꞌ nolaoma Nataniel naꞌipana naꞌi, “Aman anamba fowaꞌ Moses nandaꞌ basefa muꞌuli God nagaꞌianai, eaꞌ amom profet wapani mandaꞌ basef magaꞌianai, aman anamba maꞌuna afaꞌ eaꞌ watolona. Anen aman Nasaretinai, Josep nogamana.”

Jon Nandaꞌafi 1:45 Iomraidhean Croise

Matyu Nandaꞌafi 10:3

Filip naloma Bartolomyu, Tomas naloma aeꞌ Matyu andaꞌ basef ifiꞌi egefaꞌasa takisi. A Jems Alfius nogamana, a Tadius,

Matyu Nandaꞌafi 13:55

Aꞌi aman anamba nogama aman nagalaꞌ ifagwi Maria kogolanai aꞌa? Apaꞌ mogawa owapana ananimi Jems Josep Saimoni Judas mape naꞌa.

Matyu Nandaꞌafi 2:23

Eaꞌ nafeꞌ nape anin taun saꞌuni sofalagon Nasaret siꞌi anif basef amom profet fowaꞌ magaꞌiefi maꞌi, “Owagama esis sofalana siꞌi Nasaretinai.” Basef ifimba deiꞌ fataga fandawalap endilisi.

Matyu Nandaꞌafi 21:11

Eaꞌ esis amam nematawa safeꞌ sagalomanai sandagalamana saꞌi, “Aman anamba anen Dembinai profet Jisas, aman nagape anambel wambel Nasareti bagape anep itap Galili.”

Mak Nandaꞌafi 6:3

Apaꞌ magawa aman anamba fowaꞌ nandaꞌ kamda nagalaꞌ ifagwi. Anen Maria nogamaꞌw, nagape wambel atimbili. Anen sahoma Jemsi Joses, a Judasi Saimon. Hanitiamana ananiwai wape walomapa naꞌa.” Esis saꞌias naꞌamba opalef aꞌ awelefa anen, sowaꞌ alafugahana.

Luk Nandaꞌafi 18:37

Eaꞌ saꞌipana saꞌi, “Jisas Nasaretinai anamba deiꞌ nafiꞌi nikilaꞌena nafeꞌ.”

Luk Nandaꞌafi 2:4

Josep anona aman anamba anep ambep esimbel Deviti. Anen nakwaha Nasaret nagape anep itap luꞌupa Galilii, eaꞌ nondowasaꞌ nafeꞌ wambel Deviti Betlehem. Wambel ambalemba bagape anep itap luꞌupa Judia.

Luk Nandaꞌafi 2:48

Eaꞌ mamasana satolona nape laꞌafena amom dambedambena nalomam mape eaꞌ gogolalasis kwapeteꞌ. Eaꞌ maꞌmana kwaꞌipana kwaꞌi, “Nogame, deiꞌ maina nandaꞌ isimbai ma afaꞌ? Ahamena naloma aeꞌ opalef afaꞌilifi aꞌ nimanilif aꞌowaꞌ ma ogolaomena.”

Luk Nandaꞌafi 24:27

Eaꞌ naliꞌ nasefela basef hiafi Baibelifi amom profet maloma Moses mandaꞌafi nawalipamef. Naꞌipam basef ifimba hiafi fagaꞌi anini nawalipamef kofagefa hiꞌalef.

Luk Nandaꞌafi 24:44

Eaꞌ naꞌipas naꞌi, “Fowaꞌ aeꞌ ataꞌ ape agalomepa, aꞌipipa eaꞌ ma basef hiafi fagail buk Baibeli ma muꞌuli God nagasoꞌ Mosesani. Buk akwamba amom profeti faloma buk Sami, basef ifimba hiafi fagaꞌi aeꞌi. Basef ifimba hiafi deiꞌ fataga endilisi fandawalap hiꞌalef.”

Luk Nandaꞌafi 3:23

Afamba Jisas nagasefela maol, afagof ananigufi fataga 30-pelaiguf. Esis amam nematawa ukup pandandaꞌ dowaf paꞌi Jisas nogama Josepi.

Luk Nandaꞌafi 4:22

Eaꞌ esis sasaꞌma agol ananigili luꞌwagol saꞌi anen aman buꞌunai eaꞌ gogolalasisa basef buꞌwafi fagataga malogol ananigili. Eaꞌ esis sandahaliꞌma saꞌi, “Aman anamba Josep nogamana aꞌa?”

Jon Nandaꞌafi 1:44

Filip nafiꞌi wambel ambalemba atembel Pitai Andru magafiꞌima, Betsaida.

Jon Nandaꞌafi 12:21

Anona aman alipunai Jisasi Filip anen Betsaidainai itap luꞌupa Galili. Amom Grik mafiꞌmai gwaꞌaisi isimba eaꞌ mafiꞌmai Filip maꞌipana maꞌi, “Dembinai, afaꞌ waꞌi uti Jisas.”

Jon Nandaꞌafi 14:8

Filip naꞌipana nahaliꞌana naꞌi, “Dembinai, inaꞌ himbaꞌmafa Ahamena ineꞌinai afaꞌ ma isimba eaꞌ sondahama afaꞌ.”

Jon Nandaꞌafi 18:5

Eaꞌ magwamana maꞌipana maꞌi, “Jisas Nasaretinai.” Eaꞌ Jisas naꞌi, “Aeꞌ maꞌuwi.” Owaꞌ Judas naꞌi nigihimbaꞌmam Jisasi, anen nalutu nalomam wapani.

Jon Nandaꞌafi 18:7

Eaꞌ Jisas nahaliꞌam wapani naꞌi, “Ipaꞌ pewandoꞌma ami?” Eaꞌ maꞌi, “Jisas Nasaretinai.”

Jon Nandaꞌafi 19:19

Gavman Dembinai Pailat nandaꞌ anif basef nofaꞌef nandaꞌef fail lawag agamba ilif. Basef fagaꞌias naꞌamba faꞌi, “Jisas Nasaretinai, anen Dembinai King esis Judai.”

Jon Nandaꞌafi 6:42

Esis saꞌias naꞌamba saꞌi, “Deiꞌ siꞌi main? Aman anamba Jisas anen Josep nogamana. Ahamanai maꞌmana ananisi apaꞌ mogawas. Deiꞌ maina anen nagaꞌi, ‘Aeꞌ akwaha heven isilaꞌi?’”

Jon Nandaꞌafi 6:5

Jisas natologon ganigani nati amam nematawa hiasi safiꞌmai anen. Eaꞌ naꞌipa Filip naꞌi, “Afaꞌ ataꞌ otala bret ani ma ogasoꞌ amam nematawa isimba sogaꞌata?”

Jon Nandaꞌafi 6:7

Eaꞌ Filip nagwamana basef naꞌi, “Afaꞌ iꞌi ogatala bret 200 kina, ina atiasi dondoꞌma epes isimba hiasi seaꞌata kwasakwasala, owaꞌatin.”

Aposel 10:38

Basef ifimba, basef Jisas Nasaratinai. God aꞌ nandandepana naꞌamba. Anen nasoꞌana Ambal buꞌunai Godi naloma banagami luꞌwami. Eaꞌ nafeꞌ walemb hiagoma ganigani natopalopa esis amam nematawa. Eaꞌ deiꞌ God nape nalomana nandaꞌ epes hiasi Satan nagahambombagasi amboꞌwes wapani.

Aposel 2:22

Eaꞌ Pita naꞌipas wapani naꞌi, “Ipaꞌ epes Israelipai, ipaꞌ pemeꞌ anif basef deiꞌ igaꞌipipa aman anamba Jisas Nasaratinai. Ipaꞌ pegawa eaꞌ ma maol inimba banagani naloma banagami amamba God nandaꞌam laꞌafena ipeꞌi ma lagol aman anambai. Amamba mihimbaꞌmepa andeandeꞌ aman anamba God nasapaꞌana nagafiꞌii.

Aposel 22:8

“Eaꞌ aeꞌ agwa basef aꞌi, ‘Dembinai, inaꞌ ami?’ “Eaꞌ naꞌipi naꞌi, ‘Aeꞌ Jisas Nasaratiwai inaꞌ nagahambombagai.’

Aposel 26:9

“Fowaꞌ aeꞌ wapani okom mandandaꞌ maꞌi aeꞌ endaꞌ hiahaom hiami ma egatalogofa agol Jisas Nasaratinaii.

Aposel 3:6

Owaꞌ Pita naꞌi, “Aeꞌ moni ake, apaꞌ hiahawes buꞌwasi aꞌi atiasi igasiꞌinasi isimba. Aeꞌ aꞌi banagami Jisas Krais Nasaratinai atom aꞌipina, deiꞌ safel aꞌ nilutu nefeꞌ.”