Jon Nandaꞌafi 1:24 - Basef Buꞌwami Godi

^24-25 Eaꞌ amom Farisi dembami Judai masapaꞌam mafiꞌi mogahaliꞌ anini mahaliꞌana maꞌi, “Inaꞌ Krais God nandandepena nasapaꞌena nagafiꞌii aꞌa, inaꞌ Elaija aꞌa, inaꞌ anona profet dembinai? Iꞌi inaꞌ owaꞌ Kraisa, a owaꞌ Ilaijaia, anona profeta, deiꞌ inaꞌ napisiꞌasa main?” Jon nagwamam naꞌipam naꞌi,

Jon Nandaꞌafi 1:24 Iomraidhean Croise

Matyu Nandaꞌafi 23:26

Ipaꞌ Farisi, naep pagasiꞌipai! Ipaꞌ ataꞌ piliꞌ pendombasa kap nomonepa puliꞌ, ma atiasi andeꞌepa wapani pogataga boꞌop.

Luk Nandaꞌafi 11:53

Eaꞌ nakwaha ipat atamba nawis andoꞌ, amom dembami magawalipasa muꞌuli Godi maloma amom Farisi aꞌ wandafum kwapeteꞌam aꞌowaꞌ ma mogasapagana basef anen. Amom maꞌi mogwamba malogol ananigili ma basef fafifafi.

Luk Nandaꞌafi 16:14

Ama amom Farisi magameꞌ basef ifimba hiafi Jisas nagaꞌiefi, amom mandaꞌmana waꞌap anen. Deiꞌ main, amom ukup pagapagaila moni atini.

Luk Nandaꞌafi 7:30

Apaꞌ amom Farisi maloma anom magawalipasa muꞌuli Godi ina mofaꞌ baptaisa Jon, owaꞌ. Amom mandaꞌas naꞌamba deiꞌ mandambema mowaꞌ alafugaha ufiaꞌw fasiꞌwi God nigihimbaꞌmamaꞌwi.

Jon Nandaꞌafi 1:23

Eaꞌ Jon nagwa basef siꞌi fowaꞌ profet Aisaia nagaꞌi naꞌi, “Aeꞌ anagol malogol dowaf goga gaꞌi anep itap fataupigima gagaꞌias naꞌamba gaꞌi, ‘Pendomba ufiaꞌw Dembinaii!’

Aposel 23:8

Deiꞌ main, amom Sadyusi mahapilif maꞌi epes sagagaꞌi anaf ina sotanima sosafel wapani, owaꞌ. Amom maꞌi ensel owaꞌatin a ambagof spirit, owaꞌatin. Apaꞌ amom Farisi mahapila ifimba ambagufi ensel saloma epes sagagaꞌi sogosafel wapani endilisifi.

Aposel 26:5

Fowaꞌ gani esis sogawa aeꞌ. Iꞌi ukup asasipi piꞌi ahoꞌ, aꞌ sowalapa basef ifimba ma waf aeꞌafi. Esis sogawa aeꞌ aila waf miniꞌap apaꞌ Farisi. Waf afamba ahifif aꞌowaꞌ, fikilaꞌ waf hiafi anef daiafa lotu apeꞌini.