Jon Nandaꞌafi 1:14 - Basef Buꞌwami Godi

¹⁴ Basef fataga epen eaꞌ nape laꞌafena afaꞌ, eaꞌ wati glori mogogalaꞌi banagami ananimi. Glori amamba mogogalaꞌi banagami nogamanai atom, ahamana nasapaꞌana nagafiꞌii. Anen natopalopapa dowaf nowaꞌ banagapa ma nigihimbaꞌmapa waf endilisifi fape siꞌifa anen.

Jon Nandaꞌafi 1:14 Iomraidhean Croise

Matyu Nandaꞌafi 1:16

Josep anamba nagasoꞌ Mariai. Eaꞌ Maria deiꞌ kola Jisas, deiꞌ esis sagaꞌi anen Krais Dembinai God nandandepana nasapaꞌana nagafiꞌii.

Luk Nandaꞌafi 2:11

Deiꞌ nemaf afaꞌe anoꞌw nemataꞌw kwagape Betlehem wambel Deviti kola anin awani aman. Anen aman anamba nokwahomepa waf awafi nofaꞌepa pigitanimai. Anen Krais, God nandandepana nasapaꞌana nagafiꞌii, Dembinai.

Luk Nandaꞌafi 2:7

Eaꞌ kwaliꞌ kola awani aman akoꞌuni nagaliꞌi. Ipat esis hiasi sakolata sagapautai asiꞌita aꞌowaꞌ. Eaꞌ deiꞌ kwandaꞌ lowaf kwasalaꞌuf kwala anin naꞌoh nomon bokis gwaꞌaisi bulmakauwi sagalama.

Luk Nandaꞌafi 9:32

Pita naloma alipumi biam Jisasi amom naep nimanip aꞌowaꞌ maꞌi moꞌoh atin. Owaꞌ mosafel mati mogogalaꞌi Jisasi maloma amam amamba biam malutu magalumanai.

Jon Nandaꞌafi 1:1

Fowaꞌ gani dambadamba anif Basef epen nape. Eaꞌ Basef epen anamba nape naloma God. Eaꞌ epen anamba agilinama Basef anen atona God.

Jon Nandaꞌafi 11:40

Owaꞌ Jisas naꞌipaꞌw naꞌi, “Fowaꞌ aliꞌ aꞌipina deiꞌ iꞌipina wapani, iꞌi inaꞌ nihapifa aeꞌ, atiasi niti mogogalaꞌi banagami Godi.”

Jon Nandaꞌafi 14:6

Eaꞌ Jisas naꞌipana naꞌi, “Aeꞌ atowe ufiaꞌw kofagewe ma basef endilisifi feloma ambal namili. Owaꞌ anin epen laꞌifina nefeꞌ negatagama Ahame anoꞌw ufiaꞌwa, owaꞌatin. Eaꞌ aeꞌ atowe.

Jon Nandaꞌafi 14:9

Eaꞌ Jisas naꞌipana naꞌi, “Filip, nogota eaꞌ lautai ape agalomepa, inaꞌ owaꞌ ataꞌ negawa eaꞌ? Epen ami nagati aeꞌ eaꞌi, anin aꞌ nati Ahame aeꞌanai wapani. Deiꞌ maina inaꞌ ataꞌ nagaꞌi, aeꞌ igihimbaꞌmepa Ahame ipaꞌ?’

Jon Nandaꞌafi 17:22

Fowaꞌ inaꞌ nasaꞌma agol aeꞌagili luꞌwagol eaꞌ deiꞌ asaꞌma agof asasigufi luꞌwagofa sogape nembel atotombel siꞌi afaꞌ biafa wagape.

Jon Nandaꞌafi 17:24

“Ahame, aeꞌ okom maꞌi esis amam nematawa inaꞌ nagaseꞌeas aeꞌi sope solome wambel ambalemba. Aeꞌ okom maꞌi esis siti hiahaom banagami fasimi mogogalaꞌi aeꞌami, mogogalaꞌi amamba inaꞌ nagaseꞌeam aeꞌi. Fowaꞌ itap ataꞌ owaꞌ petagaea, nogota atamba inaꞌ okom maila aeꞌ. Eaꞌ naseꞌe mogogalaꞌi amamba.

Jon Nandaꞌafi 18:37

Eaꞌ Pailat naꞌi, “Naꞌamba inaꞌ anina king dembinai.” Jisas nagwamana basef naꞌi, “Inaꞌ naꞌi aeꞌ anawe dembiwai king. Basef ifimba endilisifi. Maꞌme kolae ma egape king dembiwai. Aeꞌ afiꞌi itap apaꞌe ma igawalipasa basef endilisifi. Epen ami nendaꞌ waf endilisifi, inimba negameꞌ basef aeꞌafii.”

Jon Nandaꞌafi 2:11

Amamba ametal banagami magaliꞌi siꞌi God nandaꞌami, dambadamba Jisas nandaꞌam Kana itap apamba luꞌupa Galili. Anen nihimbaꞌma esisa glori ananimi banagami mogogalaꞌi. Eaꞌ amom alipumi ananimi mahapifana.

Jon Nandaꞌafi 3:16

Ahoꞌ endilisi, God nogamana aman ananinai atotona nape. Owaꞌ, owaꞌatin. Anen okom maimaila amam nematawa hiapai magape itapi hiꞌalapa. Eaꞌ nasoꞌapai Nogamana ananinai atotona ma epes ami sogahapifanai sogape andeandeꞌ, ina sogaꞌma waf awafi, owaꞌatin. Sofaꞌ ambal namili sope andeandeꞌ lifilafi.

Jon Nandaꞌafi 3:18

Epen ami nigahapifa anini, anin atiasi basef akana kot luꞌutai. Apaꞌ epen ami owaꞌ nigahapifanaia, epen inimba aꞌ lamonan higililan eaꞌ ma kot anamba luꞌunai aunai. Deiꞌ main? Anin nandaiwaꞌma nigahapifa Nogamana atotona Godi, naꞌamba epes isimbai aꞌ lamonas hiꞌilas.

Jon Nandaꞌafi 6:51

Aeꞌ gwaꞌaisi ambal namili lagapauwai akwaha heven nepe andeandeꞌ lifilafi. Gwaꞌaisi isimba aeꞌ atiasi igasiꞌinasi, isimba alop aeꞌapi eseꞌ amam nematawa itapasi ma sogofaꞌ ambal namili sogape andeandeꞌ lifilafi.”

Jon Nandaꞌafi 8:32

Eaꞌ ipaꞌ atiasi pegawa basef endilisifi eaꞌ ifimba atif fetagwahepa pepe wahifipa.”

Aposel 13:33

eaꞌ maꞌwis isimba deiꞌ God nasoꞌ apaꞌ awasi ananipai ma nasaꞌma Jisas nagape namona. Nasaꞌma Jisas siꞌi basef fagape buk Baibel Sam nagafeꞌma bifi fagaꞌias naꞌamba God naꞌi, ‘Inaꞌ Nogame aeꞌinai. Nemaf deiꞌifi aeꞌ ataga ahamena ineꞌiwai.’

Basef Amama Pol Nandaꞌam Mafeꞌma Esis Romi 8:3

Maol mamahina muꞌuli inimba God nagasoꞌ Mosesani owaꞌ banagena nendaꞌania, God nandaꞌan. Deiꞌ main, opalef apaꞌ epesi pupulim, owaꞌ banagema. Deiꞌ God nandaꞌ maol inimba naꞌamba. Nasapaꞌi Nogamana ananinai atona nafiꞌi nataga siꞌi apaꞌ epes mandaꞌ waf awafii. Ama nokwahomapa waf awafi hiꞌilaf okom mogasoꞌanaf dogw. Anen nafiꞌima nogokwaha waf awafi apaꞌ epesi feloma akafimi ma waf afamba eaꞌ God nasoꞌanam mapoma anen atona.

Basef Amama Pol Nandaꞌam Mafeꞌma Esis Romi 9:5

Bafapapa akupapa dembami apeꞌimi mamumba magaliꞌi amamba apeꞌimi atom. Eaꞌ esimbel apeꞌimbeli atembel Krais nataga epen, anen God nandandepana nasapaꞌana nagafiꞌii, nape naliꞌma epes saloma hiahaom hiami numafiam. Anen God endilisinai eaꞌ mondasaꞌma agol ananigili dondol lifilafi. Endilisi.

1 Korin 15:47

Aman nagaliꞌi, God nandaꞌ itap nandaꞌana nataga ambal lapaona. Apaꞌ aman nagiꞌ nagatagai, anen aman heveninai.

2 Korin 12:9

Owaꞌ anen naꞌipi naꞌamba naꞌi, “Aeꞌ atopalopena dowaf, waf afamba banagefa inaꞌ. Deiꞌ main, banagami aeꞌami amamba mandaꞌ maol banagambel endilisi ma epes owaꞌ banagasia.” Eaꞌ aeꞌ deiꞌ ina ataꞌ okom iwanim, owaꞌatin. Aeꞌ sonahe aꞌowaꞌ ma amamba ma banagami Kraisi mogapaowe.

Galesia 4:4

Owaꞌ nogota atamba God nagaꞌiatai tataga, anen nasapaꞌ Nogamana ananinai nafiꞌi itap apaꞌe. Anoꞌw nemataꞌw kolana nataga epen nape lafela muꞌuli esis Juda sagailani.

Efesus 3:8

Endilisi atis aeꞌ ape falafuwai agagiꞌ endilisi ma amam nematawa hiasi Godi hiꞌalas. Owaꞌ anen okom maimaili natopalope dowafa andaꞌ maol awalipa esis sogololama Godi basef fasifi ma Krais. Basef ifimba faloma waf afamba boꞌwes aꞌowaꞌ sikilaꞌ gawa epes hiasi hiꞌalan, eaꞌ ina laꞌifisa sogogawa isimba kofagesa, owaꞌ.

Kolosi 1:19

Deiꞌ main, okom Godi naꞌi waf faloma gawai banagami ananimi hiꞌalam mape nogamana atona. Deiꞌ nasoꞌana amamba hiꞌalam anen mapomana atapim.

Kolosi 2:3

Anen atona nandaꞌ gawa buꞌwani naloma nomonas fasisi Godi hiasi hiꞌalas mataga mandawalap alihim. Amamba fowaꞌ maliꞌ mape mandambahoꞌ siꞌi epes sambeꞌam maꞌoh mandambahiꞌi sagatalom otamba hiambai, deiꞌ mandawalap alihima lagol Kraisi atogol.

Kolosi 2:9

Ipaꞌ solawaipa andeandeꞌ. Deiꞌ main, ipaꞌ apegawa waf Godi faloma gawai banagami ananimi hiami hiꞌalam mape Krais atona atapim, fowaꞌ gani nafiꞌi nafiꞌi nataga afamba nagape itap apaꞌe mopaona atapim.

1 Timoti 3:16

Endilisi atis, basef ifimba kofagefa luꞌwafi aꞌowaꞌ. Owaꞌ anin epen laꞌifina negegawefa, owaꞌ. Fandambahoꞌ fape fafeꞌ fafeꞌ deiꞌ God nihimbaꞌmafaef alihif. Basef ifimba naꞌamba. Anen nataga epen endilisi nofaꞌ alop epesi, nataga nandawalap. Ambal buꞌunai Godi nihimbaꞌmapana anen aman buꞌunai nagape hililiꞌi. Amom ensel Godi matolona. Basef ananifi fafeꞌma esis wambotagw amam nematawa hiasi sogololama Godi. Esis epes itapasi sahapifana. Eaꞌ God nofaꞌana nalota heven nape mogolalaꞌi ananimi.

Hibrui 1:3

Nogamana atona nogogalaꞌi luꞌunai Godi nahihimapa aꞌowaꞌ, anen eaꞌ naꞌamba atin siꞌi God endilisi. Basef ananifi banagafi ifimba atif nowaꞌ banaga hiahaom amamba hiami hiꞌalam. Anen atona nandaꞌ apaꞌ epes mataga beꞌepa hililiꞌ nandaꞌasa eaꞌ, deiꞌ nape lagol banagagili Godi waꞌol, God banagonai nugumafi hiahaom hiamii.

Hibrui 1:5

Deiꞌ main, fowaꞌ God ina naꞌipa anona ensel ananinai naꞌi, “Inaꞌ nogame aeꞌinai, aeꞌ Ahamena ineꞌiwai endilisi,” owaꞌ. Basef ifimba naꞌipa Nogamana ananinai atona. Eaꞌ God naꞌias wapani naꞌi, “Aeꞌ atiasi etaga ahamana ananiwai, anen nope Nogame aeꞌanai.” God ina naꞌipa anona ensela basef ifimba, owaꞌatin. Naꞌipa nogamana ananinai atona.

Hibrui 10:5

Eaꞌ afamba Krais nagafiꞌi itap apaꞌe anen naꞌipa God naꞌi, “Inaꞌ nandaiwaꞌma esis soha mafis sofaꞌai hiahawes mais sifiꞌi sondolalima inaꞌ, owaꞌ. Apaꞌ inaꞌ nandondomba anop alopa negaseꞌeap aeꞌ.

Hibrui 2:11

Anen atona nandaꞌapa amam nematawa mataga beꞌepa hililiꞌ malomana wambota atotota ahamapa atotona. Isimba atis deiꞌ anen ina ambal aola nofalapa nagaꞌi sahin owan ananipai, owaꞌatin.

Hibrui 5:5

Krais wapani naꞌamba atin. Anen ina nasaꞌma agol ananigili atogol nataga pris dembinai, owaꞌatin. God atona nandandepana nandaꞌ maol inimba, eaꞌ naꞌipana naꞌi, “Inaꞌ Nogame aeꞌinai. Deiꞌ awalapena alihina asaꞌma agol ineꞌigili luꞌwagol.”

1 Jon 4:14

Eaꞌ apaꞌ mogawa Ahamapa nasapaꞌ Nogamana ananinai ma nowambilai epes hiasi sagape itapi nokwahomas waf awafi sogotanimai ma anen. Apaꞌ mati hiahawes isimba ma anen nowambilai epes sogotanimai maꞌipasas.

1 Jon 4:9

God aꞌ nihimbaꞌmapa anen okom maimailapa naꞌamba. Anen nasapaꞌ Nogamana ananinai atotona nafiꞌi itap apaꞌe ma apaꞌ mogofaꞌ ambal namili ma anen.

2 Jon 1:7

Anis epes sagambasoꞌami safeꞌ ganigani itap hiagoma. Esis ina sawalipasa Jisas Krais saꞌi nogamana Godi aꞌ nataga aman nogofaꞌ alop epeni, owaꞌatin. Esis sagambasoꞌami, isimba bousi Kraisi.

Revelesen 19:13

Esimbel masaꞌopa klos ananimi laumi nalam. Eaꞌ esis sofala agol ananigili saꞌi, “Basef Godi.”

Revelesen 21:3

Eaꞌ ameꞌ anagol malogol gatagai sia kingi gaꞌi mehip naꞌamba gaꞌi, “Pemeꞌ! Deiꞌ ipat Godi totawa taloma epes. Ama anen atiasi nogape laꞌafena esisa sogape amam nematawa ananisi. Ahoꞌ, God anen atona nape nalomas.