Jems 1:10 - Basef Buꞌwami Godi

¹⁰ Apaꞌ Kristen mamahina hiahaom hiamini, anin aꞌ sonondahana God nandaꞌan nagafeꞌ lafela nagahapifa Krais. Deiꞌ main, epes hiahaom hiamisi atiasi sogaꞌ siꞌi afis sagataga otalefi sagape nogota bandata ma eaꞌ salaꞌof sogowa.

Jems 1:10 Iomraidhean Croise

Matyu Nandaꞌafi 5:3

Anen naꞌi, “Ipaꞌ mamahipama pegawa eaꞌ ipaꞌ atipa owaꞌ laꞌifipama pendaꞌ maol buꞌwani Godia, deiꞌ daoꞌ ipaꞌ apandagala. Deiꞌ main, ipaꞌ pawis eaꞌ nomona maol Godi nope Dembinai nugumafipa.

Matyu Nandaꞌafi 6:30

Ahoꞌ, otalef afalemba deiꞌ ataꞌ fetawa aof ama naman atef sotopaꞌalef sokwahelef fefeꞌ nif. Otalef afalemba falafilifi God nofaloꞌmalef. Apaꞌ ipaꞌ amam nematawa pikilaꞌ otalef afalemba. Eaꞌ deiꞌ ipaꞌ pagahapifa basef Godi kwasakwasalai, pendegawa endilisi anen nugumafipa wapanii.

1 Korin 7:31

Epes isimba sandaꞌ maola hiahaom itapamii, sondape siꞌi isimba owaꞌ ukup pigapigaila hiahaom itap apaꞌimia. Deiꞌ main, apaꞌ mogawa, itap apaꞌe atiasi petaga pendahoꞌof higililap.

Filipai 3:8

Aeꞌ ina aꞌi hiahaom amamba atom, owaꞌatin. Aeꞌ okom mandandaꞌ ma Jisas Krais atona Dembinai aeꞌanai ma hiahaom hiami aliꞌ andaꞌami. Gawa inimba endilisini nikilaꞌ. Eaꞌ ewaꞌ alafugama hiahaom amamba hiꞌalam aꞌi falafumi atom siꞌi alapita. Ahapila Krais atona tatalaꞌina, ape sisihiwi ma anen. Aeꞌ andaiwaꞌma egefaꞌ agol agalemba aman boꞌowe hililiꞌi ma muꞌuli esis Juda sagailani, owaꞌ. Aꞌi efaꞌ agol usiꞌigili ma waf naꞌambaifi. Aeꞌ ahapifa Krais deiꞌ God naꞌi aeꞌ aman buꞌuwai hililiꞌi.

1 Timoti 6:17

Inaꞌ niꞌipa epes isimba hiahaom hiamisi ma itap anaꞌe ina sondaꞌ duꞌwaniga sohapifa hiahaom amamba mamimami hiami awasim kwafalisi, owaꞌatin. Inaꞌ niꞌipa epes isimba ma sogahapifa God endilisi, daoꞌ andeandeꞌ. Anen atona nagasoꞌapai hiahaom hiami fasimi mandaꞌ ukup apeꞌipi pagataga sonogahapi.

Jems 4:14

Ipaꞌ ina pegawa atiasi hiahawes mais sotagamepa naman, owaꞌatin. Ambagof ipeꞌigufi ataꞌ pagape namipa fandahama siꞌi main? Ipaꞌ siꞌi nogoh gwataga gwagape nogota bandata dowafa hiꞌagalagw atetef.

1 Pita 1:24

Siꞌi Baibel naꞌias nagaꞌi, “Amam nematawa hiasi hiꞌalas siꞌi otalef eaꞌ sosaf asasifi siꞌi afis sagataga dowaf itapi. Otalef alilifi afis wapani malaꞌof mogowai,

1 Jon 2:17

Waf itapafi feloma hiahaom hiami epes ukup pigahafemami owagama aꞌ higililam, apaꞌ epen mamahina nigaila basefa okom Godi, epen inimba aꞌ nepe lifilafi dondol.