Hibrui 9:8 - Basef Buꞌwami Godi

⁸ Pris anamba nawis nandaꞌ maol inimbai ma Ambal buꞌunai Godi nigihimbaꞌmapa naꞌamba. Iꞌi ipat anamba nomon waꞌol nape nagaliꞌma ataꞌ anin maol nepe ma sondaꞌanai, daoꞌ ufiaꞌw akwamba ma apaꞌ mofeꞌ mugawis ganimba sagaꞌi, “Boꞌwagoma hililiꞌ aꞌowaꞌma”, akwamba ina kwataga kwandawalap alihiꞌw, ataꞌ owaꞌ.

Hibrui 9:8 Iomraidhean Croise

Luk Nandaꞌafi 1:80

Aꞌi owaꞌ main, awani inimba nataga luꞌwin banagona eaꞌ okom ananimi aꞌ nogawa. Anen nape itap wafigima epes akagoma nape nape ma nemaf afamba nataga nandawalap alihinama naep esis Israeli.

Jon Nandaꞌafi 10:7

Eaꞌ Jisas naꞌipas wapani naꞌi, “Endilisi aeꞌ aꞌipipa, aeꞌ siꞌi uta sipsip mugawisatai.

Jon Nandaꞌafi 10:9

Aeꞌ siꞌi uta, epen ami niwisi aeꞌ nomon, God nuwambilai anin nokwahoman waf awafi nepe andeandeꞌ. Anin nifiꞌi niwisi niwis nepe netaga nefeꞌ nefaꞌ gwaꞌaisi buꞌwasi.

Jon Nandaꞌafi 14:6

Eaꞌ Jisas naꞌipana naꞌi, “Aeꞌ atowe ufiaꞌw kofagewe ma basef endilisifi feloma ambal namili. Owaꞌ anin epen laꞌifina nefeꞌ negatagama Ahame anoꞌw ufiaꞌwa, owaꞌatin. Eaꞌ aeꞌ atowe.

Aposel 28:25

Eaꞌ nomonas sandapaom daindai aꞌ mandafeꞌ. Apaꞌ dokoꞌ liꞌ Pol naꞌipama anif basef naꞌamba naꞌi, “Ambal buꞌunai Godi naꞌi endilisi atisa amom akupapa apeꞌimi ma malogol profet Aisaiai. Fowaꞌ anen nagaꞌi naꞌamba naꞌi,

Galesia 3:8

Fowaꞌ basef Baibelifi faꞌias alihifa nogota owagama God nondaꞌ esis owaꞌ Judaisia sogahapifa anen, sogataga boꞌwes hililiꞌ ma naep ananipi. Fowaꞌ basef Baibelifi faꞌipa Abrahama basef buꞌwami Godi. Fihimbaꞌmana faꞌi, “Anaf owagama God nondaꞌ inaꞌ ma negatopalopa epes hiasi sagape itapi sogape boꞌwes.”

Efesus 2:18

Lagol Kraisi atogol apaꞌ miniꞌap biafip mape ufiaꞌw alihiꞌwa mogafeꞌma Ahamapa Goda Ambal buꞌunai ananinai atona.

Hibrui 10:15

Eaꞌ Ambal buꞌunai Godi wapani nawalapa basefa apaꞌ naꞌamba naliꞌ naꞌi,

Hibrui 3:7

Eaꞌ deiꞌ apaꞌ mondameꞌ basef Ambal buꞌunai Godi nagaꞌiefi andeandeꞌ. Anen nagaꞌi naꞌamba naꞌi, “Deiꞌ nemaf mamahefa ipaꞌ pegameꞌ malogol ananigili,

Hibrui 9:3

Apaꞌ waꞌol lowaf alafugifa sowaolaf fetaol fawalogon figiliꞌama ganimba waꞌol momoꞌw nomoneꞌwai, anamba sofalagon saꞌi, “Boꞌwagon hililiꞌ aꞌowaꞌma.” Hiahaom magaꞌoh naꞌamba nomoni amamba. Belita mandaꞌ gol mandaꞌatai, pris mondolalima Goda hiahawes nogoh ambul alogw fasigwi gwagasatai taloma anis bokis atitis basef God nagalaꞌ lapafi fagalasi. Bokis isimba sandaꞌ gol sandaꞌasi eaꞌ andeꞌesa siꞌisa gol atona. Bokis isimba nomonesa sala anol botol siꞌi malep sandaꞌ gol sandaꞌapi. Anis gwaꞌaisi esis Juda fowaꞌ sagaꞌas anamba wafigimai sofalas sagaꞌi manai sala botol alamba nomon. Botol alamba lala bokis isimba laloma kalamuta Erani fowaꞌ dahanamb kigalalamba soh hagatagambi. Saloma otamba biamba sagandondombamba hililiꞌi ma God fowaꞌ nandaꞌ basef ifimba nalaꞌ lap nagaloma esis Judafi fagailami. Isimba sala bokis isimba nomon.

2 Pita 1:21

Deiꞌ main? Fowaꞌ ina anin epen atitin naꞌi anif basef mogofaꞌefa Godi ma okom ananimi atom, owaꞌatin. Ambal buꞌwali Godi atona nasaꞌmai nomonas amom profeti nasindiꞌamonam eaꞌ mofaꞌ malagol ananigili maꞌi basef ifimba.