Hibrui 2:4 - Basef Buꞌwami Godi

⁴ Eaꞌ God nowaꞌ banaga basef amamba ma ufiawa hiawai wawiwawi. Anoꞌw nihimbaꞌmasa ametal naninani hiani banagani. Apaꞌ anoꞌw nandaꞌ banagami luꞌwami mamimami siꞌi anen atona nandaꞌami. Eaꞌ anoꞌw akwamba nawalogamasi hiahaom fasimi dowaf Ambal buꞌunai ananinai nagasoꞌasami, naila okom ananimi atom nandahamam dindiꞌi dondoꞌ naꞌamba ma nigihimbaꞌmapa basef amamba endilisimi atom.

Hibrui 2:4 Iomraidhean Croise

Mak Nandaꞌafi 16:20

Eaꞌ alipumi ananimi aꞌ mafeꞌ ganimba walemba hiagoma mawalapa basef Godi. Anen nowaꞌ banagama mandaꞌ maol banagani siꞌi God nandaꞌani. Anis daias sati maol inimba saꞌi, “Endilisi atis, God natopalopama basef buꞌwafi endilisi.” Basef ifimba eaꞌ maꞌuf.]

Mak Nandaꞌafi 6:14

Deiꞌ anona gavman king dembinai Herot nameꞌ basefa maol inimba Jisas naliꞌ nandaꞌani. Eaꞌ agol Jisasi gataga luꞌwagol gafeꞌagon hiꞌalagon. Eaꞌ anis amam nematawa saꞌi, “Jon nagapisiꞌas embeli deiꞌ nosafel wapani nape banagona nandaꞌ maol siꞌi God nandaꞌani.”

Jon Nandaꞌafi 15:26

“Apaꞌ anen natopalopepa nogowaꞌ banagaipai, anen napani naloma Ahame. Eaꞌ aeꞌ esapaꞌana nifiꞌmai ipaꞌ. Anen Ambal buꞌunai nawalapa basef nagaꞌi endilisii. Anamba nafiꞌi ma nogawalapa basefa aeꞌ.

Jon Nandaꞌafi 4:48

Eaꞌ Jisas naꞌipana naꞌi, “Iꞌi ipaꞌ hipai pigati banagami mamimami siꞌi God nandaꞌamima, ipaꞌ pihapifi. Iꞌi owaꞌ, owaꞌatin.”

Aposel 14:3

Amom biam mapani nogota lautai Aikoniam eaꞌ mawalapa basef Dembinaii banagambel alihif. Amom ina ombal maham, owaꞌ. Maꞌipasa basefa Dembinai natopalopa esis dowaf nogowaꞌ banagas. Eaꞌ Dembinai nowaꞌ banaga amom biam, mandaꞌ maol banagani naninani siꞌi God nandaꞌani. Eaꞌ deiꞌ esis sogawa basef ifimba endilisifi atif.

Aposel 4:10

Iꞌi aꞌ naꞌamba ma, daoꞌ. Ipaꞌ hipai aꞌ pendegawa, esis miniꞌap Israel hiasi wapani asondogawa, ma banagami agol Jisas Krais Nasaratinaii atogol deiꞌ alop aman anambai banagep amboꞌona nosafel nagalutu naep ipeꞌipi. Ipaꞌ pandola Jisas lawag usiꞌigai tiꞌwanaegai pahana afuna, apaꞌ deiꞌ God nasaꞌmana nosafili matmat wapani.

Aposel 5:32

Fowaꞌ deiꞌ wapani afaꞌ waloma Ambal buꞌunai Godi wagawalapa basefa hiahawes isimba hiasi afaꞌ watilis ogogawasi. God nasoꞌasa Ambal buꞌunai ananinai eaꞌ ma amam nematawa sagaila basef ananifii.”

Efesus 1:5

Anen okom maimailapa aꞌowaꞌ. Isimba atis anen naliꞌ okom mandandaꞌ nosahoꞌapa nofaꞌapa nalagapa mataga siꞌi awasi ananipai. Anen naila okom ananimi atom nandaꞌasa lagol Jisas Kraisi atogol.

Efesus 1:9

Okom ananimi atom naꞌi notopalopapa eaꞌ nihimbaꞌmapa basef ananifi faliꞌ fandambahoꞌ fagape okom ananimi atumi. Basef ifimba fagape naꞌamba. Anen naliꞌ okom mandandaꞌma Krais nogape dembinai ma hiahaom hiami magape ilif itapi hiꞌigalam epes wapani. Nogota atamba anen atona okom magaꞌiatai togataga, God nosoꞌana hiahaom amamba mofeꞌ lagol Kraisi atogol ma anen atona nogape dembinai ma hiahaom amamba hiꞌigalam.

Efesus 4:7

Apaꞌ hiapai atona atin hiꞌalapa mofaꞌ anom hiahaom fasimi eaꞌ, dondoꞌma ikwaf Krais nawalogaf nagasoꞌapaf eaꞌi.

Hibrui 6:4

Epes isimba sowa ma waf awafi sogowaꞌ alafugaha Godi, ina anoꞌw ufiaꞌwa esis sotanima sifiꞌi sogambema nelelemb wapani, owaꞌatin. Esis saliꞌ sofaꞌ nogogalaꞌi Godi, sofaꞌ presen hiahaom fasimi magafiꞌi heveni eaꞌ, a sofaꞌ Ambal buꞌunai Godi napais.