Hibrui 12:5 - Basef Buꞌwami Godi

⁵ Aꞌi ipaꞌ ukup paseꞌepa ma basef ifimba God nandaꞌefa ipeꞌi ma nefela ukup ipeꞌipi nogowaꞌ banagaipa? Anen deiꞌ nofalepa batawis ananipai, naꞌi, “Awasi aeꞌipai, nemaf mamahefa Dembinai nogaseꞌepa akafimi ipeꞌma nogasindiꞌamonepama, ipaꞌ ina piꞌi akafimi amamba anen nagaseꞌepami falafumi, owaꞌ. Nemaf mamahefa niꞌi nogaseꞌepa nimanimi ma nigasindiꞌamonepa, ukup ipeꞌipi ina iwanip, owaꞌi.

Hibrui 12:5 Iomraidhean Croise

Luk Nandaꞌafi 24:6

Ipaꞌ ukup pendapoma basef ifimba fowaꞌ naliꞌ nagaꞌipipafi. Nemaf afamba ataꞌ nape nagalomepa ganimba itap apamba Galili naꞌipipa naꞌi,

Luk Nandaꞌafi 24:8

Eaꞌ awo ukup pandandaꞌma basef ifimba fowaꞌ nagaꞌiefi.

1 Korin 11:32

Apaꞌ iꞌi Dembinai nagahihiꞌ waf apeꞌifima nogagwa waf awafima apaꞌa, isimba anen nasaꞌapa bumbulita nasindiꞌamonapa ma anaf ina higililapa moloma epes sagaila waf itapafii, owaꞌatin.

Galesia 6:9

Isimba atis deiꞌ apaꞌ ina alaꞌuta tahapa ma mondaꞌ waf fasifi, owaꞌatin. Mondaꞌas dindinip. Iꞌi bihitagof apeꞌigufi fondaꞌ maol banagambel, anaf molaꞌas mofaꞌ gwaꞌaisi buꞌwasi endilisi.

1 Timoti 1:20

Epes hiasi sandaꞌ waf afambai, amam biam Himeneusi Aleksander hapif amamini aꞌ awen. Aeꞌ andaiwaꞌmam aliꞌamonam mafeꞌ lagof Seteni ma mogogawa gawa fasini. Andaꞌam naꞌamba amom ina aꞌ mondaꞌ basef findiwaefa agol Godi, owaꞌi.

Hibrui 12:7

Nemaf mamahefa akafimi luꞌwami mogatagamepa, ipaꞌ pindalutu banagepa piꞌi ahoꞌma God nogasindiꞌamonepa. Anen nondaꞌmepa waf afambai siꞌi awasi ananisi. Deiꞌ main, ahapa awasii ina mape matitilis sandaꞌ waf awafi, owaꞌatin.

Hibrui 13:22

Ipaꞌ alipipai, aeꞌ aꞌipipa dindinip, pembeꞌ aligah pendagahembeꞌma basef andaꞌafi ma efela ukup ipeꞌipi egewaꞌ banagaipa. Deiꞌ main, basef ifiꞌi aeꞌ andaꞌefa ipeꞌi, ifimba bandembandef.

Jems 1:12

Epen ami nalutu banagena gwamba nimanimi magatagamani, anin sonahan. Deiꞌ main, afamba anin nigikilaꞌ gwamba waf aunai naninani eaꞌ hiꞌigalanai, anaf anin nefaꞌ hiahaom fasimi siꞌi prais. Amamba naꞌamba. Ambal namili God nagalaꞌ lapali ma nogasoꞌasal epes mamahisa ukup pagapagaila anini.

Revelesen 3:19

Epes hiasi mamahisa Aeꞌ okom magamagailasi isimba Aeꞌ endaꞌ megah mohas ehas kalamuta ma endaꞌ waf asasifi fegataga usiꞌif. Eaꞌ ipaꞌ wapani ukup pendandaꞌma waf ipeꞌifi hiafi, pembema nelelemb pekwaha waf awafi pifiꞌmai.