Hibrui 10:25 - Basef Buꞌwami Godi

²⁵ Apaꞌ ina ukup peseꞌapama waf mondakolas mogaloma esis alipisi siꞌi anis epes sandaꞌas, owaꞌi. Apaꞌ mondowaꞌ banagama atin eaꞌ mondandaꞌas atin atapis mindikilaꞌ fowaꞌ mandaꞌas. Deiꞌ main, ipaꞌ eaꞌ pegawa nemaf Dembinai nogafiꞌafii aꞌ fafiꞌi felefeleꞌ.

Hibrui 10:25 Iomraidhean Croise

Matyu Nandaꞌafi 10:15

Aeꞌ aꞌipipa endilisi, nemaf afamba luꞌwafi anaf God nogawaloga epesafi, niti esis fowaꞌ sagape Sodomi Gomora uwahipis kwasakwasala. Apaꞌ epes isimba wambel ambalembaisi ina niti uwahipis, owaꞌ. Akafimi luꞌwami awami endilisii anaf aꞌ motagamas.”

Matyu Nandaꞌafi 18:20

Ahoꞌ, iꞌi epes bias aꞌa wanis ukup pepoma agol aeꞌagili ma sunduwaꞌanima anamba atogon, aeꞌ ape alomas.”

Jon Nandaꞌafi 12:48

Epen ami negaseꞌe alafuga aeꞌi ma anin owaꞌ nihapifa aeꞌa, anaf anona dembinai jas aꞌ nowaloga anin. Nemaf afamba akutaifi basef ifimba atif aeꞌ agaꞌiefi ifimba fendaꞌ anin aꞌ fewawalogon.

Aposel 16:16

Anef nemaf afaꞌ wafeꞌ anagon esis sape sandabetenagoma, wati anoꞌw nemataꞌw kwafiꞌi kwatolofa ufiaꞌw. Akoꞌw agol akaꞌw kwape lafela anom amam kwandaꞌ maolam. Nemataꞌw akwamba anona ambal aunai napaoꞌw eaꞌ ambal anamba nagawalapa basefa hiahawes atiasi sogatagai. Akoꞌw kwahaliꞌ ambal anamba ma basef mamimami eaꞌ nagwamaꞌwef. Eaꞌ deiꞌ amam amamba dembami akwaꞌumi mofaꞌ otamba hiambai ma akoꞌw kwandaꞌam naꞌamba.

Aposel 2:1

Nemaf afamba luꞌwafi Pentikos afagataga, esis hiasi sagahapifanai sandakolas sape ipat atotota.

Aposel 2:42

Amam nematawa isimba sagataga Kristen dambaisi esis banages aꞌowaꞌ ma sagameꞌ basef amom aposel magawalipasafi asandatopalopa atina anis sahin owan sape atogon atin saꞌ gwaꞌaisi sandabeten sahaliꞌ God atogon atin.

Aposel 20:7

Nemaf Sarere owamb afaꞌ wandakolas waloma esis Kristena mogaꞌ gwaꞌaisi atogon eaꞌ mofaꞌ komunion gwaꞌaisi Jisasi. Naman Pol naꞌi aꞌ nefeꞌ. Naꞌamba nawalipasa basef nafeꞌ nafeꞌ aꞌ akita amanota.

Basef Amama Pol Nandaꞌam Mafeꞌma Esis Romi 12:8

Eaꞌ epen ami negegawa ma negafela ukup esis epesi, daoꞌ anin nendandaꞌ maol inimba endilisi negasaꞌma ukup asasipi. Epen negasoꞌan hiahawes anin alipinii, anin aꞌ nendasoꞌan hias. Epen nigimafi anin maoli, okom ananimi mondohafel endilisi ma maol inimba. Epen nigati anin alipini uwahipini ma netopalopan nigimafiani, anin sonohan nendatopalopan.

1 Korin 11:20

Afamba ipaꞌ hipai pandakolasa, ipaꞌ ina pefaꞌ gwaꞌaisi Dembinaii, owaꞌatin.

1 Korin 14:23

Eaꞌ iꞌi esis amam nematawa sios hiasi sondakolas atogona ama ipaꞌ hipai aꞌ piꞌi basefa anoga diga daiagama anis epes owaꞌ sogofaꞌ presen inimbaia o anis owaꞌ sogahapifa Kraisia sifiꞌi sope sogalomepa, atiasi asiꞌi, “Ipaꞌ ukup magahipai.”

1 Korin 14:3

Apaꞌ epen ami Ambal Godi nasaꞌmana nagaꞌi basef Godi siꞌi profeti, epen inimbai naꞌipasef nowaꞌ banaga hapif asasini eaꞌ fasaꞌmasa sondaꞌ waf fasifi fendaꞌ opalef asasilifi awanelef.

1 Korin 3:13

Nemaf afamba Krais nogafiꞌafii, maol inimba hiasi sondaꞌani netaga nondawalap alihin nepe boꞌwen aꞌa awen. Nemaf afamba fetaga feloma nif luꞌwafi. Eaꞌ nif ifimba fendo maol inimba hiani epes hiasi atona atini hiꞌilana sogogawa maol asasini boꞌwen aꞌa awen.

1 Korin 5:4

Deiꞌ aꞌias eaꞌ naꞌamba. Nemaf afamba ipaꞌ pendakolasafi ma agol Dembinai Jisasi, ambal aeꞌali loloma banagami Dembinai apeꞌinai Jisasi amamba mope molomepa nemaf afamba.

Filipai 4:5

Pendandaꞌ waf saꞌumbilifi ma epes hiasi sitilipa sogogawa ipaꞌ paila waf buꞌwafi afambai. Deiꞌ main, Dembinai felefeleꞌ nifiꞌi.

1 Tesalonaika 4:18

Isimba atis deiꞌ pendewaꞌ banagama atina nelelemb ipeꞌilimbi ma basef ifimba.

1 Tesalonaika 5:11

Deiꞌ ipaꞌ hipai pewaꞌ banaga nelelemb ipeꞌilimbi pendatopalopa atin siꞌi deiꞌ pape pandaꞌas.

Hibrui 10:24

Apaꞌ mondasaꞌma ukup esis sahin owani, ma ukup pigapigaila esis amam nematawa sondaꞌ waf fasifi.

Hibrui 10:37

Ahoꞌ, ina ataꞌ nogota laota. Nogota kwasalaꞌuta dowaf, “Ama aman anamba naꞌi nogafiꞌi, anen atiasi aꞌ nifiꞌi. Anen ina atiasi nupani halehale, owaꞌatin.

Hibrui 13:22

Ipaꞌ alipipai, aeꞌ aꞌipipa dindinip, pembeꞌ aligah pendagahembeꞌma basef andaꞌafi ma efela ukup ipeꞌipi egewaꞌ banagaipa. Deiꞌ main, basef ifiꞌi aeꞌ andaꞌefa ipeꞌi, ifimba bandembandef.

Hibrui 3:13

Naꞌambai owaꞌi. Apaꞌ ipaꞌ pendewaꞌ banagama atina waf awafi ina fembasoꞌma anin epen atitin ipeꞌini nindaꞌima opaf ananifi sisihif. Pendaꞌas naꞌamba atin nimaguf danda nogota ataꞌe God nagaꞌi, “Deiꞌi” pendaꞌas pilas pendape atapipa.

Jems 5:8

Ipaꞌ wapani pendewaꞌ banaga nelelemb ipeꞌilimbi pepe opalef awanelef. Deiꞌ main, nemaf Dembinai nogotanimafi felefeleꞌma fegataga.

1 Pita 4:7

Nogota hiahaom maꞌi hiꞌigalamatai eaꞌ tafiꞌi felefeleꞌ. Isimba atis ipaꞌ aꞌ ukup pindapaipa andeandeꞌ peleleꞌ kilikalaꞌ eaꞌ pindimafi alop ipeꞌipi andeandeꞌma ipaꞌ laꞌifipa ma pendabeten.

2 Pita 3:11

Endilisi hiahaom amamba anaf higililam hiꞌilam naꞌamba. Apaꞌ ipaꞌ atiasi pendaꞌ main? Ipaꞌ pepe pindaila waf usiꞌifi buꞌwafi hililiꞌi atef eaꞌ pila waf hiafi Godi.

2 Pita 3:14

Alipipai aeꞌipai endilisi, ipaꞌ ukup dag pape pegehafa hiahawes isimbai. Eaꞌ ipaꞌ pendandaꞌ maol banagambel pindimafi ipaꞌ pegape beꞌepa hililiꞌ andeandeꞌma waf awafi akepa ma naep Godi, pape opaf atof pegalomana.

2 Pita 3:9

Dembinai ina nandaꞌ maol lalag atina nogawalapai hiahaom anen okom mandandaꞌ naꞌi endilisi atisa nondaꞌami siꞌi anis epes ukup pandandaꞌma maol sandaꞌan lalag atin, owaꞌatin. Anen nandaiwaꞌma anin epen atitin higiligalan. Anen okom maꞌi epes hiasi hiꞌilas sombema nelelemb sondafeꞌma anen. Isimba atis deiꞌ anen okom mapoma ipaꞌ deiꞌ nape nasasaipa palomas.

Basef Ifimba Jut Nandaꞌafi 1:19

Amom amambai atom mandaꞌ ipaꞌ Kristen pandawal. Amom magaila ukup epes itapasi atisi, Ambal buꞌunai Godi akam.