Galesia 4:8 - Basef Buꞌwami Godi

⁸ Fowaꞌ ipaꞌ owaꞌ ataꞌ pegawa Goda, pape pandaꞌ maol aunai pape sisihipa lafela ambagof awami. Amom ina endilisimi, owaꞌatin.

Galesia 4:8 Iomraidhean Croise

Jon Nandaꞌafi 1:10

Fowaꞌ gani anen nandaꞌ itap apaꞌe pataga, deiꞌ nafiꞌi nape itap apaꞌe. Apaꞌ esis amam nematawa sagape itap apaꞌii ina sogawana, owaꞌ.

Aposel 14:12

Barnabas sofalana saꞌi anona dembinai Sus. Eaꞌ Pol anen aman nandaꞌ basef atumi. Eaꞌ sofalana saꞌi anona dembinai Hermes.

Aposel 17:23

Dokoꞌ aeꞌ afoꞌo owaꞌ ati hiahaom amamba ipaꞌ pandaꞌ lotumami eaꞌ ati anom otam ipaꞌ pandaꞌ ofa pandaꞌ lotumami wapani, esis sandaꞌ anif basef fail otam amamba fagaꞌi naꞌamba faꞌi, ‘God anamba apaꞌ owaꞌ mogogawa agilinamaia.’ Apaꞌ owaꞌ owaꞌatin, ipaꞌ pandandaꞌ lotumana falafuna, deiꞌ awalapa basef alihif aꞌipipana.

Basef Amama Pol Nandaꞌam Mafeꞌma Esis Romi 1:23

Eaꞌ sasoꞌana alafugah God owaꞌ nogagaꞌia, ina sandaꞌ lotumana sanifelona, owaꞌatin. Sandomba lawah otamba maim falafumi atom mataga god basoꞌamunai mandati siꞌi amiguf, mafis uguf maim maloma epes owaꞌ sogape namis atapisia, eaꞌ sandaꞌ lotumam sanifelom.

Basef Amama Pol Nandaꞌam Mafeꞌma Esis Romi 1:28

Ukup asasipi atip pandaiwaꞌma sogahapifa God nomonas asasisi. Isimba atis deiꞌ nape natitilis saila nomonas awami asasimi atoma sandaꞌ waf naninani aunai owaꞌ andeandeꞌma epes sondaꞌanaia.

1 Korin 1:21

Deiꞌ main, epes itapasi ina laꞌifisa sogogawa Goda gawa inimba asasini atin, owaꞌatin. God anen gawainai eaꞌ nasopamasa ufiaꞌw asasiꞌwi. Eaꞌ anen okom mandandaꞌ naꞌi nofaꞌai amam nematawa sogahapifanai sotanimai. Esis sahapifa basef ifimba wagaꞌipasafi epes itapasi sagaꞌi wafifi gawa akafi.” Eaꞌ God nofaꞌas sotanimai.

1 Korin 12:2

Ipaꞌ pegawa eaꞌ ma fowaꞌ ipaꞌ ataꞌ pagape aopama waf awafi pegelelama God, nogota atamba ipaꞌ ukup paila wale basoꞌamumi maim magahondoꞌipai, mememi owaꞌ mugaꞌi kwasakwasalaia.

1 Korin 8:4

Waf sagaꞌ mafis saham sondolali sagasoꞌ wale basoꞌamunai ina endilisinai, owaꞌatin. Anen ikwaf atona wafinai. Ina aꞌ wale endilisinai nape, owaꞌatin. God endilisinai anen atona nape.

Galesia 4:3

Apaꞌ wapani mape naꞌamba atin siꞌi nogamana anamba. Fowaꞌ apaꞌ ataꞌ owaꞌ mohapifa basef Godi andeandeꞌa, nogota atamba ataꞌ mandaꞌ maol mape lafela ambagof awami dembami mugumafi hiahaom hiami magape ilif itapi.

Efesus 4:18

Gawa ma ukup asasipi siꞌi akot atona. Esis sololama gawa fasini, sandaꞌ duꞌwaniga, opalef asasimi masoꞌas. Isimba atis deiꞌ sape andoꞌ laogona ambal namili Godi.

1 Tesalonaika 1:9

Deiꞌ esis atis saꞌi basefa ipaꞌ pandagala paꞌi nemaf buꞌwafi ma afaꞌ eaꞌ pameꞌ basef afaꞌifi fowaꞌ afaꞌ wanofa wagafeꞌmago ipaꞌ. Esis saꞌi ipaꞌ apakwaha hiahaom amamba ambagof awami fowaꞌ ipaꞌ pandaꞌ lotumami. Eaꞌ pambema opalef pafeꞌma God. Eaꞌ deiꞌ pandaꞌ maola God endilisinai, owaꞌ nogagaꞌia, nagape atapinai.

1 Tesalonaika 4:5

Waf afamba naꞌamba. Nelelemb ipeꞌilimbi owaꞌi usihilimba waf awafi sandaꞌ soꞌa waulafia, siꞌi isimba sogololama God sandaꞌafi, owaꞌi. Hapaifi.

2 Tesalonaika 1:8

Nemaf afamba God nohambombaga esis isimba sogololama anini soloma isimba owaꞌ sigaila basef buꞌwafi Dembinai apeꞌinai Jisasia.

1 Pita 4:3

Fowaꞌ ipaꞌ pape nogota launai eaꞌ pafeꞌ paila waf naninani aunai esis sogololama Godi ukup magaꞌianai. Waf afamba naꞌamba, waf soꞌa waulafi, ukup pegehafela waf awafi a sagaꞌ embel banagimbeli ma ukup magaolas a safeꞌ sagape anamba sandaꞌ gwaꞌaimi sagaꞌ embel banagimbeli nogota lautaima a sandakolas sagaꞌ embel banagami mamimami a sogosambala basef Godi ma sandaꞌ waf awafi a safeꞌ sandaꞌ lotuma god basoꞌamunai. Nogota tatumba pafeꞌ pagaila waf anambai deiꞌ ahiꞌalata.

1 Jon 3:1

Awasi! Ahamapa God okom maimailapa aꞌowaꞌ. Eaꞌ anen nofalapa awasi ananipai. Endilisi atis, apaꞌ awasi ananipai atepa. Isimba sandaiwaꞌma Godi sagape itap apaꞌi, esis ina sogawa God, owaꞌatin. Isimba atis deiꞌ esis ina sogawa apaꞌ wapani.