Filipai 2:21 - Basef Buꞌwami Godi

²¹ Amom hiami mape magaloma aeꞌi mundumafi hiahaom amamumi atom eaꞌ ina ukup paipaila mugumafi maol Jisas Kraisi, owaꞌ.

Filipai 2:21 Iomraidhean Croise

Matyu Nandaꞌafi 16:24

Deiꞌ Jisas naꞌipa alipumi ananimi naꞌi, “Aeꞌ efaꞌ akafimi andaꞌ maol Godi sehe egaꞌ lawag usiꞌigai tiꞌwanaegai. Iꞌi anin epen niꞌi nila aeꞌ, anin nendaꞌas naꞌamba atin siꞌi aeꞌ ma nigaili. Eaꞌ nitalogofa okom ananimi ma maol main anin naꞌi nendaꞌani.

Luk Nandaꞌafi 14:26

“Epen ami nifiꞌmai aeꞌ, ma anin owaꞌ nesambala mamasan wauluꞌman batawis ananisi soloma sahin owan wambota ananisi, eaꞌ ambal ananili wapani, anin ina atiasi nepe banagen miniꞌap aeꞌapi nepe alipini aeꞌani, owaꞌ.

Aposel 13:13

Pol naloma amom magalumanai makwaha wambel Pafos eaꞌ sip pofaꞌam mafeꞌ anambel wambel Perga bagape anep itap luꞌupa Pamfilia. Owaꞌ aman anamba Jon nakwaha amom notanima nafeꞌ Jerusalem.

1 Korin 10:24

Ipaꞌ ina aꞌ ukup pepoma ipaꞌ atipa pindumafuma pepe andeandeꞌ, owaꞌ. Ipaꞌ ukup pendapoma anis daias wapani ma petopalopas sogape andeandeꞌ.

1 Korin 10:33

Siꞌi aeꞌ wapani, andaꞌ hiahawes hiasi ma egatopalopa epes hiasi ma ukup pigaꞌi waf buꞌwafi hiafi aeꞌ andaꞌafi. Aeꞌ ina andaꞌas atopalopa aeꞌ imafi aeꞌ atowe, owaꞌ. Andaꞌasa agatopalopa amam nematawa hiasi ma God nofaꞌas nokwahomas waf awafi sogotanimai.

1 Korin 13:5

Anin saisailan atin nagape andeandeꞌi. Anin ina okom magapoma hiahawes ananisi aꞌowaꞌi, owaꞌatin. Anin ina okom numbutim kwafalisi, owaꞌ. Eaꞌ ina okom magapoma waf awafi anis daias sandaꞌmanafi, owaꞌatin.

2 Korin 1:5

Akafimi luꞌwami Krais naliꞌ nogofaꞌami deiꞌ apaꞌ wapani mofaꞌam. Eaꞌ naꞌamba atin opaf awanifi luꞌwafi ananifi deiꞌ fasoꞌalepa.

Filipai 2:4

Ipaꞌ ina ukup pepoma ipaꞌ atipa, owaꞌ. Ukup pindapindaila anis epes daias wapani soloma hiahawes mais esis ukup pagaꞌiasi.

2 Timoti 1:15

Inaꞌ negawa epes hiasi sagape itap luꞌupa Asiai, saloma amom biam Figelusi Hermogenes sakwahowe safeꞌ.

2 Timoti 3:2

Nimaguf ifimba epes aꞌ ukup pepoma esis atis, eaꞌ ukup pindatiti moni mais asasisi aꞌowaꞌ, sosaꞌma agof asasigufi atogof, sondaꞌ duꞌwaniga, sondaꞌ epes findiwasa God. Eaꞌ sosambala basef mamasasi ahasas asasisi. Ina atiasi sinifela Goda waf fasifi, aꞌ owaꞌatin. Sosambala waf fasifi hililiꞌi.

2 Timoti 4:10

Deiꞌ main, Demas okom maꞌimaꞌi waf itapafi isimba atis aꞌ nakwahowe nafeꞌ Tesalonaika. Kresens nafeꞌ itap luꞌupa Galesia, eaꞌ Taitus nafeꞌ itap luꞌupa Dalmesia.

2 Timoti 4:16

Aliꞌ agwa basefa kot atamba esis sandaꞌmeatai, eaꞌ ina anin epen atitin nalutu nalome nemaf afamba natopalope, owaꞌatin. Epes aeꞌasi hiasi sakwahowe. Eaꞌ andabetena God naꞌamba, aꞌi ina aꞌ okom mopoma waf afamba awafi asasifi ma sagakwahowe nemaf afamba andaꞌ kotefi, owaꞌ.