Filipai 2:19 - Basef Buꞌwami Godi

¹⁹ Iꞌi Dembinai Jisas niꞌi ahoꞌ, aꞌi atiasi ina nogota laota esapaꞌ Timoti nefeꞌmago ipaꞌ. Ma notanima nifiꞌi nigaꞌipi ipaꞌ pagape andeandeꞌma sogowaꞌ banagae.

Filipai 2:19 Iomraidhean Croise

Matyu Nandaꞌafi 12:21

Eaꞌ esis amam nematawa hiasi owaꞌ sogogawa aeꞌia sila basef ananifi sope sohafana.”

Aposel 16:1

Pol nafeꞌ nataga Derbai Listra wapani wambel ambalemba anona aman alipunai nagahapifa Jisasi nape, agilinama Timoti. Anen nogama anoꞌw nemataꞌw Judaiꞌwi, akoꞌw wapani Kristen. Apaꞌ ahamana esis Griki.

Basef Amama Pol Nandaꞌam Mafeꞌma Esis Romi 15:12

Eaꞌ Aisaia wapani naꞌias naꞌi, “Anaf anona aman notaga wambota Jesii. Aman anamba aꞌ notaga nope Dembinai ma esis sogololama Godi numafias eaꞌ sohapifana siꞌi endilisi atis anaf anen notopalopas.”

Basef Amama Pol Nandaꞌam Mafeꞌma Esis Romi 16:21

Wandaoꞌoma wandaꞌ maol atini Timoti anen nasapaꞌago dagala nemaf buꞌwafi ma ipaꞌ. Lusius naloma Jeson a Sosipater, amom Juda wapani siꞌi aeꞌ, amom wapani masapaꞌ nemaf buꞌwafi ma ipaꞌ.

1 Korin 4:17

Eaꞌ asapaꞌ Timoti nafeꞌmago ipaꞌ. Anen nogame aeꞌanai wandaꞌ maol Dembinaii. Anen nugumafi maol inimba datima andeandeꞌi. Aeꞌ okom mailana aꞌowaꞌ, deiꞌ asapaꞌana ma atiasi nogasaꞌma nomonas ipeꞌisi ma basefi feꞌ poe aeꞌasi agaila waf Kraisi. Aeꞌ agawalipa esis Kristen sios walemb anamba hiagoma ma basefi waf eaꞌ isimba atis.

Efesus 1:13

Eaꞌ deiꞌ ipaꞌ wapani, afamba pegameꞌ basef endilisifi ifimba basef buꞌwafi Godi, nofaꞌepa petanimai pahapifa Krais pape sisihipama anen. Nogota atamba ipaꞌ pahapifa Krais, God nasoꞌepa Ambal buꞌunai ananinai nosaheꞌepa. Ambal buꞌunai anamba siꞌi anin ametal God nandaꞌmepani ma nigihimbaꞌmepa naꞌamba.

Filipai 1:1

Aeꞌ Pol aloma Timoti afaꞌ biafa Krais Jisasi atofa wandaꞌ maol ananinii. Wandaꞌ basef ifimba fafeꞌmago ipaꞌ amam nematawa Godi pagape Filipaii. Basef ifimba fafeꞌma ipaꞌ pape sisihipa pagaloma Jisasi paloma agufumi ipeꞌimi maloma amom magatopalopami wapani.

Filipai 2:18

Eaꞌ naꞌamba atin ipaꞌ wapani pendagala pelome.

Filipai 2:28

Eaꞌ aeꞌ okom maꞌi aꞌowaꞌ ma esapaꞌana nogafeꞌmago ipaꞌ maꞌ petolona pendagala ma opaf aeꞌafi awanef.

1 Tesalonaika 3:5

Aeꞌ ina ataꞌ epe esasa wapani, owaꞌ. Aꞌi aꞌ efoꞌo. Eaꞌ asapaꞌ anona amana nafoꞌo nogogawa hapif ipeꞌini ma nogatopalopepa. Naꞌamba aman anamba aunai Satan nandaꞌ kikipai niꞌiꞌipipa ma waf awafi, eaꞌ maol afaꞌ wandaꞌani nenalo dowaf.

2 Tesalonaika 1:3

Ipaꞌ Kristen alipipai afaꞌipai, afaꞌ waꞌi andeandeꞌma dondol waganifela Goda ipaꞌ. Waf afambai usiꞌifi. Deiꞌ main, hapif ipeꞌini nataga banagen aꞌowaꞌ eaꞌ ipaꞌ hipai atona atin ukup pindaima atin. Eaꞌ waf afamba fetaga fendafeꞌ luꞌuf aꞌowaꞌ.

2 Timoti 1:12

Isimba atis deiꞌ efaꞌ akafimi amamba. Apaꞌ aeꞌ ina ambal aola amamba, owaꞌatin. Aeꞌ egawa aman anamba agahapifanai. Aeꞌ egawana endilisi anen banagonai ma nugumafi hiahaom hiami moloma epes hiasi ananisi hiꞌilas aeꞌ agasoꞌanas lagof ananigufi. Eaꞌ isimba sope boꞌwes andeandeꞌ sefeꞌ sotagama nemaf afamba luꞌwafi fegataga.

Jems 4:15

Ipaꞌ aꞌ ukup pendandaꞌ piꞌi, “Iꞌi okom Godi miꞌi ahoꞌai, atiasi ope namofa ondaꞌ maol inimba aꞌa anin daian.” Pigaꞌias naꞌambai, daoꞌ andeandeꞌ.

1 Pita 1:21

Anen atona natopalopepa deiꞌ pahapifa God anen nasaꞌma Krais nosafel matmata nagasoꞌana agol luꞌwagili anen. Isimba atis deiꞌ pahapifa God atona pegawa endilisi anaf anen atona nofaꞌepa pitanimai.