Filipai 1:4 - Basef Buꞌwami Godi

⁴ Aeꞌ sonahe ma nemaf mamahefa andabetena ipaꞌ hipai.

Filipai 1:4 Iomraidhean Croise

Mak Nandaꞌafi 5:5

Dondol owamb alip nape nafeꞌ wandelef halafutagw, nagafeꞌ nandaꞌam wiwa nafeꞌ. Nasaꞌma otamba hikalimi natotopaꞌ alop ananipi.

Luk Nandaꞌafi 15:10

Deiꞌ aeꞌ aꞌipipa eaꞌ naꞌamba atin siꞌi amom ensel Godi sonogahama anin epen nandaꞌ waf awafii nembema nembel negafeꞌma God.”

Luk Nandaꞌafi 15:7

Deiꞌ Jisas naꞌipas naꞌi, “Aeꞌ aꞌipipa eaꞌ naꞌamba atina esis amam nematawa sagape heveni sandagala kwasakwasala ma epes isimba 99-pelais amboꞌwes, ina sandaꞌ waf awafi ma sotanima sogambema nelelemb, owaꞌ. Apaꞌ iꞌi anin epen nendaꞌ waf awafii niꞌi negambema nembel, atiasi esis sagape heveni sondagala aꞌowaꞌ ma anin.

Basef Amama Pol Nandaꞌam Mafeꞌma Esis Romi 1:9

God nogawa nemaf mamahefa andabetenafi okom aeꞌami mandandaꞌ ma ipaꞌ andaꞌmepa beten. Aeꞌ andaꞌ maol Godi aloma okom aeꞌami siꞌima agawalipasa basef buꞌwafi ma Nogamana ananinai. Beten aeꞌani nagape naꞌamba. Fowaꞌ dondol nimaguf hiafi ahaliꞌana ma efoꞌo igatilipa. Owaꞌ, owaꞌatin. Deiꞌ wapani ahaliꞌana ma anen niꞌi awiai, nondaꞌme anoꞌw ufiaꞌwa efoꞌo igatilipa.

Filipai 2:2

Iꞌi naꞌambaiai, daoꞌ pendaꞌ dagala aeꞌani nendataga luꞌwin endilisi ma waf naꞌambaifi. Pepe opalef atifilif ukup atifip, pipila God noloma sahin owan eaꞌ pendape opalef atelef endilisi.

Filipai 3:18

Nimaguf hiafi aꞌipipa basef ifimba ma bousi Kraisi eaꞌ. Deiꞌ naꞌamba atin aꞌipipaef wapani aloma embif fetah naep aeꞌapi. Epes hiasi saila waf awafi eaꞌ sataga bousi ma basef buꞌwafi Krais nagagaꞌ lawag usiꞌigai tiꞌwanaegai.

Filipai 4:1

Deiꞌ ipaꞌ alipipai aeꞌipai, aeꞌ okom maimailipa aꞌi itilipa apaꞌ owaꞌ, pape laogona aeꞌ. Kofagesa ma andagala, andagalama ipaꞌ atipa siꞌi agol luꞌwagili hiahawes fasisi anaf egefaꞌasi. Ipaꞌ pindalutu banagepa ma Dembinai siꞌi basef aliꞌ agaꞌipipafi.

Kolosi 2:5

Endilisi aeꞌ deiꞌ ina ape alomepa, apaꞌ nomonas aeꞌasi a siꞌi ape agalomepa andagalama sati ipaꞌ pagalutu banagepa ma pagahapifa Krais andeandeꞌ.

1 Tesalonaika 1:2

Nimaguf hiafi danda afaꞌ wanifela God lifilafi ma ipaꞌ. Eaꞌ waꞌi agof ipeꞌigufi wandaꞌ betenepa.

Filemon 1:7

Owame aeꞌinai, inaꞌ okom maimaila amam nematawa Godi ma negewaꞌ banaga opalef asasilifi. Eaꞌ aeꞌ sonahemena aꞌowaꞌ ma waf afamba ineꞌifi eaꞌ fewaꞌ banaga opaf aeꞌafi awanef aꞌowaꞌ.

2 Jon 1:4

Aeꞌ andagala aꞌowaꞌ ma egegawa anis awasi ineꞌisi sagaila basef buꞌwafi endilisifi siꞌi Ahamapa nagaꞌipapa dindinipa mogailif.