Aposel 9:4 - Basef Buꞌwami Godi

⁴ Eaꞌ nowai nafeꞌ naꞌoh itap eaꞌ nameꞌ anagol malogol gaꞌipana gaꞌi, “Sol, Sol, deiꞌ maina inaꞌ nandaꞌ maola nagahambombaga aeꞌ?”

Aposel 9:4 Iomraidhean Croise

Matyu Nandaꞌafi 25:40

“Eaꞌ aeꞌ dembiwai king egwamasa basef iꞌi, Aeꞌ aꞌipipa endilisi! Maol buꞌwani mamahina ipaꞌ pandaꞌana pagatopalopa esis sahin owan aeꞌasi falafisi agof akasi, inimbai ipaꞌ ina pandaꞌmasan esis atis, owaꞌ. Pandaꞌmean aeꞌ wapani.

Luk Nandaꞌafi 10:41

Owaꞌ Dembinai nagwamaꞌwa basef naꞌi, “Marta, Marta, inaꞌ okom mandapoma mamimami ma nembel ineꞌimbili nafeꞌ aona ma hiahaom hiami.

Jon Nandaꞌafi 18:6

Jisas ataꞌ naꞌipam atin naꞌi, “Aeꞌ maꞌuwi.” Owaꞌ aꞌ mandahagas mowa motawa itap.

Jon Nandaꞌafi 20:16

Eaꞌ Jisas naꞌipaꞌw naꞌi, “Maria.” Eaꞌ kwandambema kwati anen kwaipana diga Hibrui kwaꞌi, “Rabonai.” Basef kofagefa faꞌi Dembinai Tisa.

Jon Nandaꞌafi 21:15

Afaꞌ waꞌ gwaꞌaisi ma eaꞌ, Jisas naꞌipa Saimon Pita naꞌi, “Saimon nogama Joni, inaꞌ okom maimaili aꞌowaꞌ nikilaꞌ anom alipumi amamba daiam, aꞌa owaꞌ?” Eaꞌ anen naꞌi, “Ahoꞌ, Dembinai. Inaꞌ negawa aeꞌ okom maimailina.” Eaꞌ Jisas naꞌipana naꞌi, “Inaꞌ neseꞌama gwaꞌaisi sipsip nogami aeꞌami.”

Aposel 5:10

Eaꞌ kwafalis atis akoꞌw kowa itap felefeleꞌma boꞌwagah Pitai afuꞌw. Eaꞌ amom saꞌumi mawisi nomon mati akoꞌw afuꞌw, aꞌ mofaꞌakw mafeꞌ mawaꞌw felefeleꞌma waulunamaꞌw akwaꞌunai.

Aposel 9:5

Eaꞌ Sol nahaliꞌana naꞌi, “Dembinai, inaꞌ ami?” Eaꞌ malagol agalemba gaꞌi, “Aeꞌ Jisas inaꞌ nandaꞌ maol nagahambombagai.

Basef Amama Pol Nandaꞌam Mafeꞌma Esis Romi 11:22

Eaꞌ ipaꞌ ukup pendandaꞌmam andeandeꞌ okom biafim Godi uwahipimi wandafumi wapani. Epes sagakwaha waf ananifii, naꞌipas dindinip. Apaꞌ ipaꞌ God nagaꞌi uwahipipai, iꞌi ipaꞌ pigaila uwahipimi amamba, daoꞌ andeandeꞌ. Apaꞌ iꞌi owaꞌ, anaf notopaꞌepa wapani.

1 Korin 12:12

Presen hiami fasimi mamimami siꞌi alop apaꞌ epesi. Alop apaꞌ epesi atifip, apaꞌ saꞌosaꞌopa hiapi eaꞌ alop apamba hiapi luꞌup saꞌop pafeꞌ pail alop siꞌip atotop. Krais wapani naꞌamba atin.

1 Korin 4:7

Alipipai, ipaꞌ pandaꞌas mama? Ami nandaꞌepa pape dembipai pikilaꞌ anis epes daias? Hiahawes isimba hiasi God atona naseꞌepas. Eaꞌ ipaꞌ ina pendaꞌ duꞌwaniga piꞌi ipaꞌ atipa dembipai banagipai, owaꞌi. Hiahawes isimba hiasi ipeꞌisi, God atona naseꞌepas.

Efesus 5:30

Deiꞌ main, apaꞌ epes waꞌawaꞌapa alop ananipi.