Aposel 9:11 - Basef Buꞌwami Godi

¹¹ Eaꞌ Dembinai naꞌipana naꞌi, “Inaꞌ safel foꞌo ufiaꞌw akwamba sagaꞌi usiꞌiꞌwi. Nefeꞌ ipat Judasi a niti anona aman Tarsusinai, agilinama Sol. Deiꞌ nape nandabeten.

Aposel 9:11 Iomraidhean Croise

Jon Nandaꞌafi 4:10

Eaꞌ Jisas nagwamaꞌwa basef akoꞌw naꞌi, “Iꞌi inaꞌ okom mopaina ma negawa anin mae fasifasini God naꞌi nogasiꞌinaniai, inaꞌ aꞌ negawa aman anamba nagahaliꞌinai ma embeli, inaꞌ nihaliꞌanama anambel embel ambal namili lagapaimbeli anen aꞌ neseꞌenambel.”

Aposel 11:13

naꞌipafa ma nagati ensel nagalutumana nomon gani ipat ananitai naꞌipana naꞌi, ‘Inaꞌ nesapaꞌ anom amam mofeꞌ Jopa miꞌipa Saimon agol waꞌagol Pita ma nigafiꞌmai inaꞌ.

Aposel 11:25

Eaꞌ Barnabas nafeꞌ Tarsus nolaoma Sol.

Aposel 2:21

Felefeleꞌma nemaf afamba epes ami sogofala agol Dembinai, bola nemeꞌas nofaꞌas nokwahomas waf awafi sotanimai sope epes ananisi.’”

Aposel 21:39

Owaꞌ Pol naꞌi, “Owaꞌ. Aeꞌ aman Judaiwai. Wambel aeꞌambili Tarsus itap luꞌupa Silisia. Apaꞌ aeꞌ aman anambel wambel luꞌwambili agol luꞌwagili. Inaꞌ niꞌi awi, aeꞌ iꞌipasa anif basef esis amam nematawa.”

Aposel 22:3

Pol naꞌi, “Aeꞌ Juda. Maꞌme aeꞌakwi kolae Tarsus itap luꞌupa Silisia, apaꞌ aeꞌ ataga dambewe taun iniꞌi. Aeꞌ andaꞌ skula dembinai tisa Gameliel eaꞌ nawalipi andeandeꞌma muꞌuli inimba hiani amom bafapapa apeꞌimii. Naꞌamba aeꞌ okom mohafel banagem aꞌowaꞌ ma agaila God siꞌi ipaꞌ deiꞌ pagailana.

Aposel 8:22

Inaꞌ newaꞌ alafugama waf afamba awafi ineꞌifi nembema nembel nefeꞌma God. Eaꞌ nendabetena Dembinai ma nokwaha kofagema amamba ma okom ineꞌimi magapoma waf awafii.

Aposel 8:26

Eaꞌ anona ensel Dembinaii naꞌipa Filip naꞌi, “Inaꞌ nendendombola negafeꞌ gani waꞌol awin natopaꞌ negembaꞌma, ma ufiaꞌw kwaꞌwaha Jerusalem kwiliana kwagafeꞌ Gasama. Ufiaꞌw akwamba fowaꞌ esis sagafeꞌakwi. Deiꞌ aꞌ owaꞌ. Ufiaꞌw akwamba kwape anamba wafigima fataupigima.”

Aposel 9:30

Ama amom Kristen sahin owan mogawa isimba, eaꞌ mofaꞌ Sol mafeꞌ miliana Sisaria. Eaꞌ masapaꞌana nafeꞌ nape wambel Tarsus.