Aposel 8:35 - Basef Buꞌwami Godi

³⁵ Eaꞌ Filip naꞌi basef nawalapefa aman anamba. Nasumbai basef ifimba duꞌwanif Godi aman anamba nagaꞌiefi fafeꞌ fafeꞌ eaꞌ nawalapai basef buꞌwafi Jisasi.

Aposel 8:35 Iomraidhean Croise

Matyu Nandaꞌafi 5:2

Eaꞌ anen aꞌ nosafela basef ifimba laufi nawalipamef.

Luk Nandaꞌafi 24:27

Eaꞌ naliꞌ nasefela basef hiafi Baibelifi amom profet maloma Moses mandaꞌafi nawalipamef. Naꞌipam basef ifimba hiafi fagaꞌi anini nawalipamef kofagefa hiꞌalef.

Aposel 10:34

Eaꞌ Pita naꞌias naꞌi, “Endilisi atis, deiꞌ aeꞌ egawa okom Godi anen ina okom maꞌi wambota miniꞌap esis Judai atis, owaꞌatin.

Aposel 11:20

Apaꞌ anom amam Saiprusimi maloma anom Sairinimi mafeꞌ Antiok mawalapa basef ifimba ma esis Grik wapani. Amom mawalapa basef buꞌwafi ma Dembinai Jisas Krais.

Aposel 17:18

Anom amam tisa gawaimi anom Epikurian maloma anom Stoik maꞌi basef mandahihianama maloma Pol maꞌi, “Aman anamba okom magahanai, nagaꞌi basef mamimamii, anen naꞌi niꞌi main?” Pol nawalapa basef buꞌwafi Jisasi naꞌipasa Jisas nogosafel matmat. Eaꞌ anom maꞌi, “Anen naꞌi nowalapa basefa anom god dembami anambel wambili aꞌa?”

Aposel 18:28

Anen banagona endilisi aꞌowaꞌ ma nagagwa basef esis Judai ma nogohnaep esis amam nematawai. Anen banagona nalomas nandaꞌ hihianama natalogofas nikilaꞌas. Ama nigihimbaꞌmasa basef alihifa buk Baibela Jisas Krais God nasapaꞌana nagafiꞌii.

Aposel 19:13

Eaꞌ anom Juda mafeꞌ ganigani mandaꞌ bisnisa maol inimba matofa ambagof awami. Mati maol Pol nandaꞌani mandaꞌ soꞌwale mopehafa agol Dembinai Jisas maꞌi motalogofa ambagof awami ma waf afambai. Maꞌias naꞌamba atona atin maꞌi, “Agol Jisas anamba Pol nagawalapa basefanai, apaꞌ maꞌipipa dindinip aꞌowaꞌ ma pekwaha epes isimba pigawisi andoꞌ.”

Aposel 28:23

Eaꞌ amam mandandepa anef nemafa amam hiami mugafiꞌmai Pol ipat ananitai. Eaꞌ mafiꞌi kuhimbita mape mape mataga wambomota, anen naꞌi basef kofagefa nawalapefa amom. Eaꞌ nawalapa basef alihifa epes sogawis nomona maol Godi nope Dembinai nugumafias. Anen nawalapa anif basefa muꞌuli fowaꞌ God nagasoꞌ Mosesafi faloma basef Godi amom profet fowaꞌ magaꞌiefi. Ama basef ifimba anen naꞌif banagambela nagasaꞌma ukup amamipi ma mogahapifa Jisas.

Aposel 3:20

Ipaꞌ iꞌi pendaꞌas naꞌamba, atiasi Dembinai God neseꞌepa banagami namumi ma ambagof ipeꞌigufi. Ama atiasi nogasapaꞌ Krais nogafiꞌmai ipaꞌ. Aman anamba fowaꞌ God nandandepana ma ipaꞌ eaꞌi, anen Jisas.

Aposel 5:42

Amom ina makwaha maol inimba magawalipasa basef buꞌwafi ma Jisas anen Krais, God nandandepana nasapaꞌana nagafiꞌii, owaꞌatin. Nimaguf danda amom mandaꞌ maol mawalipa esis amam nematawa hiasi ipat Godi luꞌunai, ifagw asasigwi wapani.

Aposel 8:34

Eaꞌ aman anamba dembinai nugumafi maola kwini naꞌipa Filip naꞌi, “Aeꞌ aꞌi ihaliꞌina. Profet anamba naꞌi ami ma deiꞌ nandaꞌ basef ifimba? Naꞌifa anen atona aꞌa naꞌifa anin epen daian?”

Aposel 9:20

Eaꞌ nafeꞌ kwafalis ifagw hiagwi esis Juda sandakolasugwi nawalapa basef Jisasi naꞌi, “Jisas anen nogamana Godi.”

1 Korin 1:23

Apaꞌ afaꞌ wawalapa basefa Krais nagagaꞌ lawag usiꞌigai tiꞌwanaegai. Basef ifimba fahambombaga ukup esis Judai. Apaꞌ esis Grik ukup pandandaꞌmef paꞌi amamba basef wafimi gawa akami.

1 Korin 2:2

Deiꞌ main, okom aeꞌami mandandaꞌ naꞌamba. Afamba aeꞌ ape agalomepa ina ataꞌ okom mapoma anom maefah daiam, owaꞌ. Okom maseꞌe hiahaom. Aeꞌ okom mondapoma Jisas Krais atona. Ahoꞌ, anen nagaꞌ lawag usiꞌigai tiꞌwanaegai.

2 Korin 6:11

Ipaꞌ Korin alipipai, aeꞌ aꞌi basef hiafi buꞌwafi fagape okom aeꞌami awalapefa ipaꞌ alihif hiꞌalef, aeꞌ okom peleleꞌ maimailipa aꞌowaꞌ siꞌi agalopepa.

Efesus 4:21

Aeꞌ egawa endilisi ipaꞌ pegawa basef Kraisi eaꞌ. Ipaꞌ pagape sisihipama anini, amom mawalipipa eaꞌ ma basef ifimba endilisifi Jisas nigihimbaꞌmapafi.