Aposel 8:21 - Basef Buꞌwami Godi

²¹ Inaꞌ owaꞌ boꞌwenama nigawisa maol inimba Godi afaꞌ wandaꞌania, owaꞌatin endilisi! Deiꞌ main, okom ineꞌinai ina usiꞌinama naep Godi, owaꞌatin.

Aposel 8:21 Iomraidhean Croise

Luk Nandaꞌafi 1:6

Esis bias Sekaraiai Elisabet sape usiꞌisa naep Godi saila muꞌuli ananini hiani hiꞌalan. Eaꞌ saila basef Godi andeandeꞌ datima, kofagema akas.

Jon Nandaꞌafi 21:17

Jisas naliꞌ nahaliꞌana bif eaꞌ deiꞌ nahaliꞌana wapani aꞌ wanif naꞌi, “Saimon nogama Joni, inaꞌ okom maimaili aꞌa owaꞌ?” Eaꞌ Pita okom iwanim naꞌipana naꞌi, “Dembinai, inaꞌ negawa hiahaom hiami. Inaꞌ negawa aeꞌ okom maimailina.” Eaꞌ Jisas naꞌipana naꞌi, “Inaꞌ neseꞌama gwaꞌaisi sipsip aeꞌami.

Aposel 8:37

[Eaꞌ Filip naꞌi, “Iꞌi inaꞌ nihapifana endilisi ma nembel ineꞌimbili, inaꞌ daoꞌ ila.” Eaꞌ nagwamana basef naꞌi, “Aeꞌ ahapifa Jisas Krais anen nogamana Godi.”]

Efesus 5:5

Ipaꞌ pegawa eaꞌ ma epes mamahisa sandaꞌ waf awafi soꞌa waulafii, a epes mamahisa ukup awamiisii kowagalama hiahaom anis daiasii, a epes isimba kowagalasa hiahawes daiasii siꞌi sagaila god basoꞌamunai. Epes isimbai ina atiasi sifiꞌi suwis anamba God naloma Krais magalaꞌambemagoma, owaꞌatin.

Hibrui 4:13

Ina anom hiahaom God nandaꞌami atiasi mondambahoꞌma anen, owaꞌatin. Hiahaom amamba hiami hiꞌalam eaꞌ mandawisiꞌ mape mandawalap alihim endilisi ma naep ananipi. Eaꞌ anaf apaꞌ miꞌipana waf maif hiafi hiꞌilaf apaꞌ mandaꞌafi.

Revelesen 2:23

Esis isimba sagaila basef akwaꞌufi wapani, atiasi ehas sogaꞌ. Ama esis amam nematawa hiasi Godi sogogawa Aeꞌ agawaloga nomonas saloma nelelemb epes hiasi andeandeꞌi. Eaꞌ atiasi egwamepa hiahawes ipaꞌ atona atin, sondahama waf ipaꞌ pandaꞌafi.

Revelesen 20:6

Epes isimba sotanima sogosafel nemaf afamba figaliꞌi, esis sonohas sope hililiꞌ. Eaꞌ gaꞌ inimba nigagiꞌi ina banagena negatalogofa epes isimba, owaꞌatin. Esis atiasi sope pris God noloma Kraisi sondolalimam. Eaꞌ sope dembesi soloma Kraisa sugumafi anis epes afagof 1,000-pelaiguf.

Revelesen 22:19

Ama iꞌi anin epen nehapeꞌ anif basef duꞌwanif Godi fagaꞌi hiahawes anaf sogotagai ma niliꞌamenefa buk akwaꞌe, anaf God niliꞌamona epen inimba eaꞌ nelefatan. Eaꞌ anin ina anaf laꞌifina negefaꞌ gwaꞌaisi ma lawag agamba ambal namiligai, owaꞌ. Anaf ina laꞌifina nefeꞌ negape andeandeꞌ wambel ambalemba boꞌwambel hililiꞌi, buk akwaꞌe kwagaꞌiagoma, owaꞌatin.”