Aposel 8:14 - Basef Buꞌwami Godi

¹⁴ Amom aposel magape Jerusalami mameꞌ basefa esis Samaria asofaꞌ basef Godi. Naꞌamba masapaꞌ Pitai Jon mafeꞌma esis.

Aposel 8:14 Iomraidhean Croise

Matyu Nandaꞌafi 13:23

Apaꞌ anemb begewa itap fasipai siꞌi epes isimba sameꞌ basef buꞌwafi ma ukup asasipi pagapomef sahapilif sogawefa sandaꞌ waf fasifii. Anis sandaꞌ waf buꞌwafi siꞌi begela 100-pelaisi, apaꞌ anis siꞌi begela 60-pelaisi. Apaꞌ anis siꞌi begela 30-pelaim dowafi.”

Luk Nandaꞌafi 22:8

Jisas nasapaꞌ Pitai Jon naꞌipam naꞌi, “Ipaꞌ bipa pefeꞌ pendondombamafa gwaꞌaisi isimba Pasova ma afaꞌ ogwaꞌas.”

Jon Nandaꞌafi 12:48

Epen ami negaseꞌe alafuga aeꞌi ma anin owaꞌ nihapifa aeꞌa, anaf anona dembinai jas aꞌ nowaloga anin. Nemaf afamba akutaifi basef ifimba atif aeꞌ agaꞌiefi ifimba fendaꞌ anin aꞌ fewawalogon.

Aposel 11:1

Eaꞌ amom aposel maloma esis sahin owan sagahapifanai sagape anamba Judia hiagomai sameꞌ basef ifimba ma anis amam nematawa owaꞌ Judaisia wapani sofaꞌ basef Godi sagahapilif.

Aposel 15:4

Amom mafeꞌ mataga Jerusalem, amom aposel maloma esis amam nematawa Kristen saloma agufumi asasimi sosafel sandalalamam sandaꞌmam gude amom. Eaꞌ Pol naloma Barnabas mosafel maꞌipas basefa maol hiani God natopalopama mandaꞌani.

Aposel 17:11

Epes sagape Beriai opalef fafeꞌ endilisi sameꞌ basef sandaꞌ waf buꞌwafi sikilaꞌ esis sagape Tesalonaikai. Apaꞌ esis Beria daoꞌ sofaꞌ basef sandagalamef aꞌowaꞌ. Eaꞌ dondol satalifa basef fagail buk Baibeli, ma sogogawa basef Pol nagaꞌipasafi endilisifi aꞌa owaꞌ.

Aposel 2:41

Eaꞌ esis isimba eaꞌ sagameꞌ basef Pitai endilisii ma sagahapilafi, esis eaꞌ sofaꞌ baptais. Nemaf afamba God nowatani miniꞌap asasipi apataga laop eaꞌ 3,000-pelais sataga Kristen, eaꞌ sape saloma esis isimba amam nematawa sagahapifanai.

Aposel 8:1

Eaꞌ Sol nomonas atifis naloma amom magaha Stiven nagagaꞌi. Nogota atamba esis amam nematawa sandaiwaꞌma esis Kristen sagape Jerusalami, sahas sasoꞌas akafimi nimanimi luꞌwami. Eaꞌ isimba atis deiꞌ esis sagahapifanai asafaꞌ safeꞌagon hiꞌalagon atona biana ma anamba itap luꞌupa Judiai Samaria. Apaꞌ amom aposel atom ataꞌ mapani atapim Jerusalem.

Galesia 2:9

Esis Kristen saꞌi agufumi asasimi Jemsi Jon, maloma Pita. Amom mogawa God natopalope dowaf naseꞌe maol inimba. Eaꞌ mandaꞌafa alipufai ondaꞌ maol atitin Godi. Eaꞌ amom wanom maꞌi masoꞌafa lagof aeꞌi Barnabas mihimbaꞌma esis, afaꞌ waloma amom wape opalef atelef wandaꞌ maol atin Godi. Eaꞌ amom wanom maꞌi ahoꞌma ondawalagatanima ma afaꞌ biafa ogafeꞌ ma esis owaꞌ Judaisia, amom mefeꞌma esis Juda.

1 Tesalonaika 2:13

Fowaꞌ ipaꞌ pefaꞌ basef Godi malogof afaꞌigufi, eaꞌ pahapifif. Basef ifimba ina pefaꞌef siꞌi basef epesi atif, owaꞌatin. Pefaꞌ basef ifimba endilisifi Godi. Eaꞌ basef ifimba fatopalopa opalef ipeꞌilifi, deiꞌ paila waf buꞌwafi. Eaꞌ afaꞌ wanifela God dondola ipaꞌ pefaꞌ basef ananifi pagahapifana andeandeꞌ.

2 Tesalonaika 2:10

Anen nandaꞌ waf hiani basoꞌamunai ma waf awafi. Atiasi nombasoꞌma esis saꞌi higiligalasi. Apaꞌ iꞌi epes isimba sigaꞌi ahoꞌma basef endilisifi, daoꞌ atiasi God nofaꞌas sotanimai sope andeandeꞌ. Owaꞌ, sandaiwaꞌ.