Aposel 25:8 - Basef Buꞌwami Godi

⁸ Eaꞌ Pol nagwa basef naꞌi, “Aeꞌ ina andaꞌ anef waf awafi ma muꞌuli apaꞌ Judai, ipat luꞌunai Godi, aꞌa muꞌuli Sisari wapani, owaꞌatin.”

Aposel 25:8 Iomraidhean Croise

Aposel 23:1

Pol natiti amom Juda dembami mugumafi koti dindinip eaꞌ naꞌi, “Ipaꞌ sahope, aeꞌ afeꞌ naep Godi, eaꞌ okom aeꞌami andeandeꞌma feꞌ aeꞌani ma nogohnaep Godi, afiꞌi ataga deiꞌ. Malogol gagape opaf aeꞌ nomoni ina gihimbaꞌme anef waf awafi aeꞌ andaꞌafi, owaꞌ.”

Aposel 24:12

Eaꞌ amom Juda maꞌi mondakotima aeꞌi mati aeꞌ ina aꞌi anif basef afitapef aloma anin epen nomon ipat luꞌunai Godi, owaꞌ. Amom ina mati aeꞌ asaꞌma ukup asasipi ma sogapaꞌ ifagw esis Juda sandakolasugwi nomon aꞌa anagon nomona wambel ambalemba luꞌwambili, owaꞌatin.

Aposel 24:14

“Apaꞌ aeꞌ aꞌi ewalapa basef ifimba atifa inaꞌ. Ufiaꞌw akwamba esis Juda atis sandaiwaꞌmaꞌwi saꞌi waf afamba sagawala wambotagwafi ina endilisifi. Apaꞌ waf afambai endilisifi aeꞌ ahapilaf ailaf. Aeꞌ aila ufiaꞌw akwamba andaꞌ lotu ma God amom bafapapa apaꞌ Juda hiapai mandaꞌ lotumanai. Aeꞌ ahapifa basef hiafi fagape muꞌuli Godi naloma basef hiafi amom profet fowaꞌ mandaꞌafi.

Aposel 24:6

Eaꞌ anen naꞌi nondaꞌ ipat luꞌunai sandaꞌ lotuma Godanai aluguna wapani owaꞌ, apaꞌ mombaloꞌana [maꞌi mondaꞌ kotimana ma muꞌuli apeꞌini.

Aposel 25:10

Owaꞌ Pol naꞌi, “Ipat ataꞌe aeꞌ deiꞌ agalutuatai, ataꞌe ipat luꞌutai Sisari sandaꞌ kota. Ipat ataꞌe atota pegameꞌ basefa kot aeꞌataima. Inaꞌ atina negawa eaꞌ, aeꞌ ina andaꞌ anef waf awafi ma esis Juda, owaꞌatin.

Aposel 28:17

Nimaguf wanif fafeꞌ ma eaꞌ, Pol nofalai amom agufumi Judai mafiꞌi mandakolas. Eaꞌ naꞌipam naꞌamba naꞌi, “Ipaꞌ sahope, aeꞌ ina andaꞌ anin mae ahambombaga epes apeꞌisi ma egesambala waf amom bafapapa apeꞌimii, owaꞌatin. Apaꞌ owaꞌ amom dembami Judai mandaꞌ kalabusima aeꞌ Jerusalem eaꞌ mandaꞌe afiꞌi lagof amom Romi.

Aposel 28:21

Eaꞌ amom maꞌipana maꞌi, “Owaꞌ anom amam Judaimi mosapaꞌi anif basefa mogaꞌipafa inaꞌa, owaꞌatin. Eaꞌ ina anona aman Judainai nafiꞌi nape naꞌipafa andeandeꞌma naꞌi anif basef awafi ma inaꞌ, owaꞌatin.

2 Korin 1:12

Afaꞌ wandagala ma hiahawes isimba. Malagof fagape opalef apaꞌ nomoni fawalapa basef ifimba faꞌipafa wagafeꞌ waf usiꞌif hililiꞌi ma waf opalef buꞌwalififi God nagasoꞌafaf afaꞌi. Gawa epes itapasi ina nawalapa waf afambai ma afaꞌ, owaꞌatin. God nati uwahipifa aꞌowaꞌ natopalopafa dowaf deiꞌ wafeꞌ naꞌamba. Wafeꞌ waf afambai laꞌafena epes hiasi sagape itap apaꞌii eaꞌ wandaꞌas naꞌamba hiafi ma ipaꞌ.