Aposel 22:25 - Basef Buꞌwami Godi

²⁵ Eaꞌ amom mowaꞌana ma mogahana anota let, owaꞌ Pol nahaliꞌ anona kepten dembinai nagalutu felefeleꞌi naꞌamba naꞌi, “Aꞌi lo naꞌi ipaꞌ ila ma pendaꞌ basef naꞌamba ma aman anamba Romunai? Aeꞌ Romuwai. Ipaꞌ ina deiꞌ pandaꞌme kot eaꞌ ma deiꞌ ipaꞌ pagahe. Waf afambai andeandeꞌ?”

Aposel 22:25 Iomraidhean Croise

Matyu Nandaꞌafi 10:17

Ipaꞌ solawaipa andeandeꞌma anom amam. Amom atiasi aꞌ mondaꞌmepa kota amom dembami Juda eaꞌ mehepa nomon ifagw esis Juda sandakolasugwi.

Matyu Nandaꞌafi 27:54

Kepten anamba dembinai nugumafi soldia hiamii naloma amom soldia mape mugumafi Jisasi mati hiahaom amamba. Nogota atamba mati hiahaom mataga itap bol atin nape, ombal maham aꞌowaꞌ maꞌi, “Endilisi atis, aman anamba Nogamana Godi.”

Matyu Nandaꞌafi 8:8

Eaꞌ dembinai anamba soldia naꞌipana naꞌi, “Aeꞌ ina aman buꞌuwai ma inaꞌ nefoꞌo negawis ipat aeꞌatai, owaꞌ. Inaꞌ nindaꞌi basef atif, bola anen boꞌona. Deiꞌ main, aeꞌ ape lafela anom soldia dembami mumafi maseꞌe maol. Eaꞌ ape ilifa anom soldia aeꞌami imafiam. Igaꞌipa anona igaꞌi, ‘Inaꞌ foꞌo’, nameꞌe nafeꞌ. A igaꞌipa anona igaꞌi, ‘Inaꞌ fiꞌi’, nameꞌe nafiꞌi. Eaꞌ igaꞌipa anamba agol akanai nandaꞌme maoli igaꞌi, ‘Inaꞌ daꞌa maol inimba’, anan nameꞌe nandaꞌan. Inaꞌ dembinai. Eaꞌ aowas inimba atiasi nemeꞌ basef ineꞌifi aꞌ nefeꞌ. Deiꞌ inaꞌ nindaꞌi atin, bola anen boꞌona.”

Aposel 10:1

Anona aman nagape Sisariai agilinama Konilias, anen agilinai kepten nugumafi soldia 100-pelaimi. Amom miniꞌap soldia amamba sagaꞌi agol soldia Italimi.

Aposel 16:37

Owaꞌ Pol naꞌipa amom plisman naꞌi, “Afaꞌ biafa Romufai, amom ina mandaꞌ kotimafa andeandeꞌma mogati anef waf awafi ma afaꞌ biafa, owaꞌatin. Amom mahafa dowadowafa naep esis amam nematawai. Eaꞌ mandaꞌafa wandaꞌ kalabus. Owaꞌ deiꞌ maꞌi mondambahoꞌ aꞌ miliꞌamona afaꞌ ofeꞌ? Owaꞌatin endilisi! Amom ataꞌ mifiꞌi daoꞌ, moꞌwafa uwis andoꞌ.”

Aposel 22:26

Eaꞌ kepten anamba nameꞌ basef ifimba, nafeꞌ naꞌipa soldia anamba dembinai naꞌi, “Inaꞌ naꞌi nendaꞌ main? Aman anamba anen Romunai!”

Aposel 23:17

Eaꞌ Pol nofala anona soldia dembinai naꞌi, “Okwago aman anamba saꞌunai nefeꞌmago kepten dembinai ma amom soldia hiami. Anen anif basefa naꞌi nogaꞌipanaef.”

Aposel 23:27

Amom Juda maꞌi mombaloꞌ aman anamba maꞌi nohana nogaꞌ. Apaꞌ aeꞌ eaꞌ ameꞌanama basef anen naꞌi anen aman Romunai. Eaꞌ aeꞌ aloma amom soldia wafeꞌ watagama amom Juda wandalombamana lagof amamugufi.

Aposel 25:16

“Apaꞌ aeꞌ agwamama basef naꞌamba aꞌi, ‘Apaꞌ Rom waf afamba akapa ma mogasoꞌana akafimi dowadowafa anin epen, owaꞌ. Apaꞌ iꞌi basef figailani, anin ataꞌ niliꞌ nilutu nendaꞌ basefa nogohnaep esis isimba sandaꞌ kotimani ma apaꞌ ataꞌ mosoꞌana nogota anina negagwa anif basefa esis sandaꞌ kotimani.’”

Aposel 27:1

Eaꞌ anom dembami Rom maꞌi basef mandameꞌmaefa afaꞌ ofaꞌ sip ogafeꞌ itap luꞌupa Itali. Eaꞌ anom dembami daiam masapaꞌ Pol naloma anis daias sandaꞌ kalabusi ma anona soldia dembinai Julius nugumafias. Anen anona miniꞌap soldia gavman dembinai Sisari.

Aposel 27:3

Aꞌi owaꞌ wafilu wafeꞌ wail anambel wambel Saidon. Eaꞌ aman anamba Julius numafi Pol nandaꞌ waf fasifi ma anen. Naꞌi ahoꞌma anen nefeꞌ nigati alipisi ananisi ma nogofaꞌ gwaꞌaisi maisa esis.

Aposel 27:43

Owaꞌ dembinai soldia Julius naꞌi notopalopa Pol. Eaꞌ naꞌipam naꞌi ina aꞌ moham afum, owaꞌi. Mondape. Eaꞌ naꞌipa amam amamba mogogawa paoli ma motoma mindipaꞌ mopaol miliꞌ mogafeꞌ akata.