Aposel 20:1 - Basef Buꞌwami Godi

¹ Esis salamapa sowala, Pol nofalai esis Kristen safiꞌmai anen, nasoꞌas anif basef nowaꞌ banaga opalef asasilifi. Eaꞌ nandaꞌmasa nemaf buꞌwafi esis nakwahis nafeꞌ itap luꞌupa Masedonia.

Aposel 20:1 Iomraidhean Croise

Aposel 11:26

Ama natolona, nofaꞌana nafiꞌi Antiok. Eaꞌ amom biam mape anagol afagol siꞌigili maloma esis Kristen amam nematawa sagape Antioki mawalipa miniꞌap laupi amam nematawa ma basef Godi. Eaꞌ esis amam nematawa sagaila Jisasi, anis daias sofalas agol agalemba Kristen dambadamba wambel ambalemba Antiok.

Aposel 16:12

Eaꞌ wakwaha wambel ambalemba aꞌ wafeꞌ Filipai, anamba fowaꞌ esis Rom safiꞌi sagapoma. Wambel ambalemba luꞌwambilima itap apamba Masedonia. Eaꞌ wape anamba anif nimaguf.

Aposel 16:9

Aꞌi owaꞌ owamb ambamba, Pol nati anom hiahaom siꞌi koh dondoꞌah, nati anona aman Masedoniainai nalutu nofalai Pol naꞌipana dindinip naꞌi, “Inaꞌ newala nimbuwi naoh aꞌ nifiꞌi Masedonia netopalopapa.”

Aposel 19:21

Aꞌi owaꞌ giꞌ, okom Poli mosafel banagem naꞌi nefeꞌ itap luꞌupa Masedonia esis Grik sagapoma, ma main aꞌ nefeꞌ Jerusalem. Anen naꞌias naꞌi, “Aeꞌ efeꞌ anamba ma main, aꞌ efeꞌ iti Rom wapani.”

Aposel 20:10

Eaꞌ Pol nisilaꞌ nasisil nowa natoma aman anamba saꞌunai nahapila lagol ananigili naꞌias naꞌi, “Ipaꞌ ina pesafel gogololasipa a ukup pepe awep, owaꞌi. Ambal ataꞌ lapaona.”

Aposel 20:2

Anen nafeꞌ anamba hiagoma nawalipasa basef hiafi esis Kristen nowaꞌ banaga opalef asasilifi. Ama main, nafeꞌ nataga itap luꞌupa esis Grik sagapoma.

Aposel 20:3

Anen nape aomb wanemb itap apamba. Ama main, naꞌi nofaꞌ sip nefeꞌ itap luꞌupa Siria owaꞌ, aꞌ nogawa esis Juda saꞌi basef sandameꞌmaefa sohana nogagaꞌ. Eaꞌ nanindifa okom ananimi naꞌi netanima nefeꞌ nuwis itap luꞌupa Masedonia laꞌafen.

Aposel 20:37

Ama main, amom hiami malef kwapeteꞌam mandalulupatanima eaꞌ mombaloꞌ Pol mapipiꞌasana masisiꞌ malogol magugumba dalogw Poli.

Basef Amama Pol Nandaꞌam Mafeꞌma Esis Romi 15:19

Ambal buꞌunai Godi nandaꞌ hiahaom banagami nowaꞌ banagae ma andaꞌ banagami mamimami. Epes hiasi sati banagami amamba eaꞌ sameꞌ basef Godi sailif. Dambadamba andaꞌam Jerusalem awalapa basef buꞌwafi ma Krais afeꞌ lauguni hiꞌalagon itambili itap luꞌupa Ilirikam.

Basef Amama Pol Nandaꞌam Mafeꞌma Esis Romi 16:16

Waf afamba apaꞌ amam nematawa Godi, ipaꞌ hipai atona atin pendagala pendasoꞌasa lagof esis sahin owan hiasi pindanifelis. Amam nematawa Kristen hiasi sagape naꞌai sandaꞌmepago nemaf buꞌwafi sandagalamepa.

1 Korin 16:20

Alipisi hiasi sagape naꞌaꞌi sandaꞌmepago nemaf buꞌwafi ipaꞌ. Waf apaꞌ amam nematawa Godi, ipaꞌ hipai atona atin pendasoꞌama lagof atin pelomago sahin owan ipeꞌisi.

1 Korin 16:5

Anaf aeꞌ efoꞌo iliꞌ ewala itap luꞌupa Masedonia, eaꞌ efoꞌo tagamepa. Deiꞌ main, aeꞌ okom mandandaꞌ aꞌi ataꞌ iliꞌ ewala itap apamba Masedonia efeꞌ.

2 Korin 13:12

Waf apeꞌifi amam nematawa hiapai atona atin Godi, pendasoꞌama lagof pelomago esis alipisi.

2 Korin 7:5

Fowaꞌ afaꞌ wafiꞌi ogataga itap luꞌupa Masedonia ma anamba wapani, alop afaꞌipi ina papoma nomaꞌw kwasakwasala, owaꞌatin. Nimanimi mamimami hiami matagamafa, saꞌi basef banagafi safitap salomafa. Eaꞌ ombel mahafa ukup palapafeꞌ.

1 Tesalonaika 5:26

Ipaꞌ pendasoꞌama lagof pendandaꞌma nemaf buꞌwafi peloma esis Kristen alipisi hiasi.

1 Timoti 1:3

Fowaꞌ aeꞌ afoꞌo itap luꞌupa Masedonia ma agaꞌipina deiꞌ naꞌamba atin, aꞌipina wapani. Inaꞌ ataꞌ nendape atapina naꞌamba Efesusa nigaꞌipa anom amam dindinipa ina aꞌ miꞌipasa anif basef basoꞌafi, owaꞌi. Miꞌipasa basef Godi atif.