Aposel 2:6 - Basef Buꞌwami Godi

⁶ Esis hiasi sameꞌ amalemb amamba eaꞌ anis amam nematawa hiasi daias safiꞌi sunduwaꞌanima sape. Eaꞌ epes isimba hiasi atona atin sameꞌ esis sagahapifanai eaꞌ saꞌi basef Godi ma diga naninani analemb walembi. Eaꞌ sosafel gogolalasis kwapeteꞌ aꞌowaꞌ ma sagameꞌ diga asasigai.

Aposel 2:6 Iomraidhean Croise

Matyu Nandaꞌafi 2:3

Afamba Dembinai King Herot nameꞌ basef ifimba, okom iwanim malamafeꞌma atiasi awani inimba netaga damben aꞌ niliꞌamona anen. Eaꞌ esis hiasi sagape Jerusalami wapani aꞌ ombal mahas saꞌi atiasi nemaf awafi aꞌ fetaga.

Luk Nandaꞌafi 21:25

“Atiasi ametal hianai notagama awin alipini owambini neloma ondowa. Ama itap apaꞌe amam nematawa hiasi sagape anep itap luꞌupai bololas endilisi. Esis ombal mohas kwapeteꞌ ma naoh luꞌwami mohafel luꞌum mutuwi mondaꞌam lilatin eaꞌ sowa solopam.

Aposel 2:2

Aꞌi owaꞌ main, owaꞌ sameꞌ anom amalemb luꞌwami mandaꞌam mafiꞌi heven. Amalemb amamba mandameꞌ siꞌi fufin banagonai nagaluwi eaꞌ ipat atamba esis sagapautai asiꞌitama amalemb amamba.

Aposel 3:11

Aman anamba nandagala ma nagataga boꞌona eaꞌ esis sasagih safiꞌi ma sogatolona ilaf afamba sagaꞌi ilaf Solomoni. Pita nati isimba, naꞌipa esis naꞌi, “Ipaꞌ epes Israel, deiꞌ maina nomonas hiahawes sagapoma amamba? Deiꞌ maina ipaꞌ pagatiti afaꞌ biafa? Paꞌi banagami afaꞌimi maloma waf usiꞌifi afaꞌisi atis sandaꞌ aman anamba nataga boꞌona nosafel nafeꞌ? Owaꞌatin endilisi.

1 Korin 16:9

Deiꞌ main, God nausiꞌmi ufiaꞌw kwagal alihiꞌw eaꞌ ma endaꞌ maol buꞌwani egaloma amam nematawa hiasi sombema nelelemba sogahipifana endilisi. Apaꞌ owaꞌ bousi hiasi sapaogon wapani.

2 Korin 2:12

Fowaꞌ Dembinai nandaꞌ ufiaꞌw kwagala aeꞌ afiꞌi agataga Troasa agawalapa basef buꞌwafi ma Krais.