Aposel 2:47 - Basef Buꞌwami Godi

⁴⁷ Lifilafi esis sasaꞌma agol Godi luꞌwagol, eaꞌ opalef esis amam nematawa hiasii sagape andoꞌi boꞌwalefa esis Kristen ama nimaguf hiafi. Eaꞌ Dembinai nandaꞌ maol nimaguf danda ma nogofaꞌ anis amam nematawa sakwaha waf awafi ma sagafiꞌmai anen, nowatani miniꞌap isimba sagahapifanai.

Aposel 2:47 Iomraidhean Croise

Luk Nandaꞌafi 19:48

Owaꞌ esis amam nematawa hiasi dindinapis aꞌowaꞌ ma sagameꞌ basef ananifi. Naꞌamba amom ina mati anoꞌw ufiaꞌwa mogahana, owaꞌatin.

Luk Nandaꞌafi 2:52

Jisas eaꞌ nataga dambena. Eaꞌ gawa ananini nataga luꞌwin andeandeꞌ fasin, eaꞌ God naloma epes wapani sagatolona amboꞌona aꞌowaꞌ.

Aposel 11:21

Eaꞌ banagami Dembinaii atom mape maloma amom, isimba atis deiꞌ amam nematawa hiasi sambema nelelemb safiꞌmai Dembinai.

Aposel 11:24

Barnabas anen aman buꞌunai, Ambal buꞌunai Godi nape siꞌinama anen, nagahapifana datimai. Eaꞌ natopalopa esis amam nematawa miniꞌap laupi ma sagahapifa Dembinai eaꞌ sawisi miniꞌap ananipi.

Aposel 13:48

Eaꞌ esis daias owaꞌ Judaisia sameꞌ basef ifimba sandagala aꞌowaꞌ. Esis sonahasa basef Dembinaii sasaꞌma agol ananigili. Eaꞌ amam nematawa isimba God nogosahoꞌasi ma sogape namis dondol lifilafi, isimba sagahapifa Jisasi.

Aposel 14:1

Eaꞌ Poli Barnabas mafeꞌ mataga Aikoniam mafeꞌ mawis ipat Juda sandakolasatai mawalapa basef siꞌi maliꞌ mandaꞌas. Amom mawalapa basef fasifi eaꞌ esis Judai hiasi saloma anis daias owaꞌ Judaia sahapifa God.

Aposel 14:21

Poli Barnabas mawalapa basef buꞌwafi Godi taun inimba eaꞌ masaꞌma ukup esis amam nematawa hiasii sataga Kristen, alipisi Jisasi. Ama main, aꞌ motanima mafeꞌ walemb ambalemba Listrai Aikoniam Antiok

Aposel 16:5

Eaꞌ deiꞌ esis Kristen sahapifa Jisas banages aꞌowaꞌ eaꞌ wambota esis Kristeni sataga sandanda nimaguf hiafi ahias aꞌowaꞌ.

Aposel 17:12

Eaꞌ deiꞌ amam nematawa Juda hiasi sahapifa Krais. Eaꞌ anowa nematawa hiawai agof luꞌwagufuwai waloma anom Grik hiami wapani sahapifana.

Aposel 2:39

Fowaꞌ God naꞌi basef endilisifi banagafi naꞌi neseꞌepa Ambal buꞌunai Ananinai nuwisipa peloma awasi ipeꞌisi soloma esis isimba amam nematawa hiasi ataꞌ sagapani laugunii anaf sigiꞌ sogatagai. Ahoꞌ God Dembinai apeꞌinai naꞌias eaꞌ ma nogasoꞌas Ambal buꞌunai Ananinai nuwis epes isimba mamahisa anaf nogofalasi.”

Aposel 2:41

Eaꞌ esis isimba eaꞌ sagameꞌ basef Pitai endilisii ma sagahapilafi, esis eaꞌ sofaꞌ baptais. Nemaf afamba God nowatani miniꞌap asasipi apataga laop eaꞌ 3,000-pelais sataga Kristen, eaꞌ sape saloma esis isimba amam nematawa sagahapifanai.

Aposel 4:21

Eaꞌ agufumi mowatania anif basef banagafi maꞌipamef amom biama mogasopama malogof, eaꞌ makwahom mafeꞌ. Esis hiasi sasaꞌma agol Godi luꞌwagol ma hiahaom amamba sati amom biam mandaꞌami. Naꞌamba agufumi ina mati anif basef kofagefa ma mogasoꞌama akafimi amom, owaꞌatin. Aman anamba amom biam mandaꞌ maol banagani ma buꞌunai, aowas ananini natagamana nape atapin nogota lautai afagof 40-pelaiguf.

Aposel 4:33

Amom aposel mawalapa basef maꞌipasefa Jisas Dembinai apeꞌinai notanima nogosafel, eaꞌ basef amamifi banagef aꞌowaꞌ. Eaꞌ okom Godi nagatopalopa esis dowafi aꞌ luꞌuna aꞌowaꞌ ma epes isimba hiasi sagahapifanai.

Aposel 4:4

Esis amam nematawa hiasi sameꞌ basef ifimba Jisas nogosafel nowaga wapani sahapifana. Isimba atis deiꞌ esis sagahapifanai sataga hias, amom atom mataga felefeleꞌma 5 tausen (5,000). Apaꞌ ina siamba awasi nematawa, owaꞌ.

Aposel 6:1

Nogota atamba esis alipisi sagaila Jisasi sataga hias aꞌowaꞌ. Esis Juda hiasi apaꞌ anis sagaꞌi diga Griki safitap saloma anis Juda sagaꞌi diga Hibrui eaꞌ saꞌi, “Nimaguf hiafi ipaꞌ pagatopalopa esis amam nematawa isimba gwaꞌaisi main akasi, apaꞌ anowa nematawa alifiwai apeꞌiwai owaꞌ.”

Aposel 6:7

Eaꞌ basef Godi fandasauliꞌ fafeꞌ. Amam nematawa hiasi sagape Jerusalami aꞌ sataga alipisi sahapifa Jisas. Owaꞌ pris amamba hiami wapani mahapifa Jisas mailana.

Aposel 9:31

Deiꞌ esis amam nematawa Kristen sagape anamba itap apamba luꞌupa hiagoma Judiai Galili a Samaria sape opalef awanelef sape andeandeꞌ wandaf mais aꞌ owaꞌatin eaꞌ esis Kristen sape banages. Esis sape lafela Dembinai eaꞌ Ambal buꞌunai Godi nowaꞌ banaga opalef asasilifi. Eaꞌ esis miniꞌap Kristen apataga loup.

Aposel 9:35

Eaꞌ epes hiasi walemb ambalemba bialemb Lidai Saron satolona sambema nelelemb safeꞌma Dembinai.

Basef Amama Pol Nandaꞌam Mafeꞌma Esis Romi 14:18

Epen ami nape nandaꞌ maola Kraisii ma owaꞌ nendaꞌ anef waf fendaꞌ Kristen ukup iwanipia, atiasi God okom boꞌoma waf ananifi eaꞌ epes wapani sogawa anin epen buꞌwani.

Basef Amama Pol Nandaꞌam Mafeꞌma Esis Romi 8:30

Epes isimba fowaꞌ nogosahoꞌas eaꞌi, anen nofalas wapani. Eaꞌ isimba nogofalas eaꞌi, anen naꞌi esis epes usiꞌisi ma naep ananipi eaꞌ nasoꞌas banagami mogogalaꞌi ananimi ma anaf sondati siꞌi anen.

Basef Amama Pol Nandaꞌam Mafeꞌma Esis Romi 9:27

Fowaꞌ profet Aisaia nondolaꞌwaifa esis Israel naꞌamba naꞌi, “Iꞌi esis Israel sotaga hias aꞌowaꞌ siꞌi koꞌonaga gagaꞌoh naoh akata ai, eaꞌ hapaisi. Anaf Dembinai nofaꞌai kwasalaꞌwis dowaf nokwahomas waf awafi sotanimai.

1 Korin 1:18

Endilisi, epes isimba sagape ufiaꞌw higiligalasaꞌwi, esis ukup pandandaꞌma basefa lawag agamba usiꞌigai tiꞌwanaegai sagandola Kraisagai saꞌi basef ambamba falafumi atom putuputaꞌimi. Apaꞌ amam nematawa deiꞌ God nape nofaꞌapa nakwahomapa waf awafi mogotanimaii eaꞌ mogawa basef amamba banagami Godi atom.