Aposel 16:15 - Basef Buꞌwami Godi

¹⁵ Eaꞌ kofaꞌ baptais kwaloma esis sagape ipat atotai wapani. Akoꞌw kofaꞌ baptaisa eaꞌ, kwaꞌipafa kwaꞌi, “Iꞌi ipaꞌ ukup pandandaꞌ paꞌi aeꞌ ahapifa Dembinai endilisi, ipaꞌ fiꞌi pepe peloma aeꞌ ipat aeꞌatai.” Eaꞌ akoꞌw dindinapiꞌwa afaꞌ wafeꞌ waila basef akwaꞌufi.

Aposel 16:15 Iomraidhean Croise

Matyu Nandaꞌafi 10:41

Epen ami niti anona aman profeta nigaꞌi, ‘Aman anamba profet nandaꞌ maol Godii. Aeꞌ eseꞌana opaf endatopalopana.’ Epen inimba anaf aꞌ nefaꞌ hiahaom buꞌwami siꞌi profet anamba nogofaꞌami. Eaꞌ epen ami niti anona aman fasinai nifiꞌi ma anin niꞌi, ‘Aeꞌ aꞌi anen aman fasinai. Eaꞌ etopalopana eseꞌana opaf.’ Epen inimba bola nefaꞌ hiahaom fasimi siꞌi aman anamba fasinai nogofaꞌami.

Matyu Nandaꞌafi 3:6

Eaꞌ esis sawalapa waf awafi esis sandaꞌafi eaꞌ Jon napisiꞌas walemb Jordan.

Luk Nandaꞌafi 14:23

“Eaꞌ dembinai naꞌipana naꞌi, ‘Inaꞌ foꞌo ufiawa hiawai luꞌuwama nila indalelemb nefeꞌ aofah eaꞌ nehendeꞌai esis amam nematawa sifiꞌi suwisi nomon ipat aeꞌatai ma siꞌita.

Luk Nandaꞌafi 24:29

owaꞌ matalifana maꞌi, “Inaꞌ nepe nelomafa. Awin eaꞌ newala felefeleꞌma owamb.” Eaꞌ nawis nape nalomam.

Aposel 11:14

Ama nogaꞌipina anif basef inaꞌ ma basef ifimba atifa God notopalopa inaꞌ negaloma esis wambota ineꞌisi soloma esis sandaꞌ maol ineꞌinii ma nofaꞌepa nokwahomepa waf awafi pitanimai pegape andeandeꞌ.’

Aposel 16:31

Amom maꞌipana maꞌi, “Inaꞌ nihapifa Dembinai Jisas, ama atiasi God nofaꞌena nitanimai nogakwaha waf awafi ineꞌifi. Eaꞌ neloma wambota ineꞌisi wapani naꞌamba atin.”

Aposel 16:33

Eaꞌ deiꞌ atef anen nofaꞌ amom nasaꞌopamam esimbela melegw amamugwi sagahama, owamb ambamba atomb. Eaꞌ kwafalis anen naloma wambota awasi wauluꞌmana ananisi sofaꞌ baptais.

Aposel 16:34

Eaꞌ nofaꞌam mafeꞌ ipat ananitai nasoꞌama gwaꞌaisi. Eaꞌ anen naloma esis sagape ipat ananitai sandagala endilisi aꞌowaꞌ ma sagahapifa God.

Aposel 18:8

Anona aman agilinai nugumafi lotu esis Judai Krispus. Anen naloma esis wambota ananisi sahapifa Dembinai. Eaꞌ esis Korin hiasi sameꞌ basef Pol nagawalipasafi sahapifa Jisas sofaꞌ baptais.

Aposel 8:12

Eaꞌ Filip nawalipasa basef buꞌwafi esis hiasi. Nawalipasa agol Jisas Kraisi ma sogawis nomona maol Godi nope Dembinai nugumafias. Eaꞌ sahapifa basef ifimba sofaꞌ baptais.

Aposel 8:38

Eaꞌ naꞌias a main, wilkar negetawai, Filip naloma aman anamba dembinai misilaꞌ mafeꞌ mowala walemb. Eaꞌ Filip napisiꞌana.

Basef Amama Pol Nandaꞌam Mafeꞌma Esis Romi 16:23

Gaius nasapaꞌago dagala ma nemaf buꞌwafi ma ipaꞌ. Anen numafi aeꞌ Pol andeandeꞌ ipat ananitai, eaꞌ numafi esis Kristen hiasi wapani safiꞌi sandakolas naꞌaꞌe. Erastus anen nandaꞌ maola gavmani nugumafi otambai taun wambel ambalembai, eaꞌ sahomapa apeꞌinai Kwartus, amom biam masapaꞌo basefa dagala buꞌwani ma ipaꞌ.

2 Korin 12:11

Basef ifimba aeꞌ agaꞌiefi ifimba basef putuputaꞌafi aꞌif siꞌi epen okom magahani. Apaꞌ ipaꞌ pesaꞌma aeꞌ deiꞌ aꞌif naꞌamba. Iꞌi ipaꞌ pasaꞌma agol aeꞌagiliea, afamba waf usiꞌifi. Apaꞌ owaꞌ, owaꞌatin. Endilisi aeꞌ epen falafuwai, apaꞌ ina afeꞌ lafela amom amamba “aposel ipeꞌimi” magaliꞌi, owaꞌatin.

2 Korin 5:14

Okom Kraisi magamagailapai atom masaꞌmafa ma maol inimba. Deiꞌ main, afaꞌ ukup pandandaꞌ pegawa endilisi naꞌamba. Iꞌi aman atotona nohoꞌofa apaꞌ hiapai hiꞌalapa ma nagagaꞌ, isimba siꞌi apaꞌ hiapai aꞌ magaꞌ eaꞌ.

Galesia 6:10

Iꞌi apaꞌ muti ufiaꞌw fasiꞌuma, mondaꞌ waf fasifi ma epes hiasi mondatopalopas. Apaꞌ mondandaꞌam naꞌamba atin banagambel esis sahin owan sogahapifa Dembinaii mikilaꞌ mandaꞌasa anis daias.

Efesus 1:1

Aeꞌ Pol okom Godi atona nandandepe ataga aposel Jisas Kraisi ma andaꞌ maol ananini agawalapa basef ananifi. Aeꞌ andaꞌ basef ifimba fafeꞌmago ipaꞌ epes Godi deiꞌ pagape Efesusi, ipaꞌ pahapifa Krais Jisas datima pape sisihipa pagalomana.

Filipai 1:7

Aeꞌ ahapila ipaꞌ okom aeꞌami, egawa God notopalopepa deiꞌ anaf wapani naꞌamba atin. Isimba andeandeꞌ. Deiꞌ main, apaꞌ mandalaꞌatanima atina maol ananini. Nemaf afaꞌe deiꞌ agape kalabus aꞌa nimaguf fafimba aliꞌ agawalapa basef ifimba buꞌwafi epes hiasi atopalopasa sogogawa basef ifimba endilisifi atif, nimaguf ifimba hiafi God natopalopapa dowaf, nowaꞌ banagapa.

Filemon 1:17

Iꞌi inaꞌ okom mondandaꞌma aeꞌ niꞌi afaꞌ wandaoꞌoma endilisi wandaꞌ maol Kraisi, daoꞌ aꞌ andeandeꞌma inaꞌ nefaꞌ Onesimus notanimago sonehenamana siꞌi naꞌi negefaꞌ aeꞌ.

Hibrui 13:2

Ipaꞌ ina ukup peseꞌepama pegatopalopa esis epes anambel wambelisi sogafiꞌi ifagw ipeꞌigwii, owaꞌi. Ipaꞌ pegawa, fowaꞌ gani anis epes sandaꞌ waf afambai, ma sagatopalopa anis daiasi, esis sofaꞌ anom ensel safeꞌ sumafiam ifagw asasigwi. Esis ina sogawa saꞌi amom ensel mafiꞌi, owaꞌ. Saꞌi owaꞌ epes atis itapasi.

1 Pita 5:12

Aeꞌ aꞌipa owame Sailas nandaꞌago basef ifiꞌi aeꞌafi bandafi fafeꞌmago ipaꞌ. Aeꞌ ati anen nandaꞌ maola Krais datimai. Eaꞌ aꞌipipago basef amamba endilisimi God nagatopalopapa dowafami. Deiꞌ lutu atapipa ma amamba. Andaꞌ basef ifiꞌi aꞌi asaꞌma ukup ipeꞌipi egewaꞌ banagaipa.

2 Jon 1:10

Epen mamahina nifiꞌmai ipaꞌ ma ina nefaꞌai basef ifimba Kraisi, ipaꞌ ina petopalopa epen inimba piꞌipan nefeꞌ nelomepa niwis ifagw ipeꞌigwi, owaꞌi. Ina pinifelin piꞌipan pendaꞌman “Nemaf buꞌwafi” anin, hapaini.

3 Jon 1:5

Alipinai aeꞌ okom magamagailinai, maol hiani inaꞌ nandaꞌani ma nagatopalopa amom sahin owani, inimba inaꞌ nandaꞌan datima endilisi. Amom ina nati nogohnaepima negawam, owaꞌ. Apaꞌ inaꞌ natolom numafiam atin.

3 Jon 1:8

Isimba atis apaꞌ aꞌ mondatopalopama gwaꞌaisi maisa mondaꞌ maola basef endilisifi Kraisi mogalomam.