Aposel 15:22 - Basef Buꞌwami Godi

²² Eaꞌ amom aposel maloma agufumi mugumafi maol Godi maloma esis Kristen hiasi saꞌi basef atifif sandandepa anom amam biam asasimi agufumi Judas agol waꞌagol Barsabas naloma Sailas. Amom biam amagah luꞌugahimi laꞌafena esis Kristeni. Eaꞌ saꞌi sosapaꞌam mefeꞌ Antiok moloma Poli Barnabas.

Aposel 15:22 Iomraidhean Croise

Aposel 1:23

Pita naꞌias naꞌamba ma main, esis Kristen asandandepa amam biam. Anona Josep, agol waꞌagol Barsabas, eaꞌ agol waꞌagol wapani saꞌi Jastus. Eaꞌ anona Matias.

Aposel 11:19

Fowaꞌ amom magaha Stiven nagagaꞌi mandaꞌ nimanimi luꞌwami matagama esis Kristen amam nematawa mahas. Eaꞌ esis sagahapifanai safaꞌ safeꞌagon ganigani eaꞌ sataga anambel wambel Antiok safeꞌ anep itap biafip luꞌwapi Saiprusi Fonisia sawalapa basef Godi ma esis Juda atis. Anis daias owaꞌatin.

Aposel 11:20

Apaꞌ anom amam Saiprusimi maloma anom Sairinimi mafeꞌ Antiok mawalapa basef ifimba ma esis Grik wapani. Amom mawalapa basef buꞌwafi ma Dembinai Jisas Krais.

Aposel 11:22

Eaꞌ esis amam nematawa Kristen sagape Jerusalemi sameꞌ basefa isimba eaꞌ sasapaꞌ Barnabas nafeꞌ Antiok.

Aposel 11:27

Nogota atamba anom profet magape Jerusalami miliana Antiok.

Aposel 15:23

Esis sasoꞌama anif basef fagail pipai ma lagof amom biami Judasi Sailas fagaꞌi naꞌamba faꞌi, “Afaꞌ aposel afaꞌ agufufai sahopepa ipeꞌifai, eaꞌ afaꞌ deiꞌ wandaꞌago basef ifimba fafeꞌmago ipaꞌ sahin owan owaꞌ Judaipaia. Ipaꞌ pagape wambel Antioki ma itap luꞌupa Siriai Silisia, afaꞌ waꞌi nemaf buꞌwafi ma ipaꞌ sahin owan.

Aposel 15:25

Afaꞌ wameꞌ basef ifimba eaꞌ waꞌipasa ukup pape atogon waꞌi basef wandameꞌmaef. Eaꞌ wandandepa amam amamba biama osapaꞌam mofeꞌmago ipaꞌ molomago biam apaꞌ ukup pagailam aꞌowaꞌi, Barnabasi Pol.

Aposel 15:27

Afaꞌ deiꞌ wasapaꞌago Judas naloma Sailas ama atiasi miꞌipipa basef ifimba atif afaꞌ waꞌif wandaꞌef fagafeꞌmago ipeꞌi malogof amamugufi.

Aposel 15:3

Esis Kristen sasapaꞌam mafeꞌ eaꞌ mafeꞌ laꞌafena itap luꞌupa Fonisiai Samaria. Maꞌipasa basef esis Kristen sagape itap apamba biafipi ma sogogawa God eaꞌ nambema ukupa anis epes daias owaꞌ Judaisia. Esis Kristen sameꞌ basef ifimba fandaꞌ esis sandagala aꞌowaꞌ.

Aposel 15:30

Eaꞌ esis sios sasapaꞌam mafiꞌi Antiok, makolasai esis Kristen atogon masoꞌasa pas isimba.

Aposel 15:32

Judas naloma Sailas amom profet. Deiꞌ maꞌipasa basef hiafi buꞌwafi esis Kristen, mowaꞌ banagas mafela ukup asasipi.

Aposel 15:40

Apaꞌ Pol naoꞌwa Sailas nalomana mafeꞌ. Eaꞌ esis Kristen hiasi sasapaꞌam saꞌi, “Okom luꞌunai Dembinai nope nolomepa notopalopepa dowaf numafipa.”

Aposel 16:19

Eaꞌ amom dembami mugumafiaꞌwi mogawa kofagema ma ufiaꞌw akwamba mogofaꞌ otambaꞌwi aꞌ owaꞌatin. Eaꞌ deiꞌ mombaloꞌ Poli Sailas mahondoꞌam mafeꞌma agufumi mugumafi koti mandatama magapoma.

Aposel 16:25

Ama aꞌi owaꞌ owamb laꞌafimba amanota Poli Sailas mandabeten mandaꞌ awalef masaꞌma agol Godi eaꞌ anis daias sandaꞌ kalabusi sameꞌ mandaꞌam.

Aposel 16:29

Eaꞌ anen galala nofalasa lam sofaꞌam safiꞌi eaꞌ nasagih nafiꞌi nawisi nomon. Anen ombal mahana endilisi bombobombol nape nindiwa nembawa notawa felefeleꞌma Poli Sailas.

Aposel 17:10

Ama owamb atomb ambamba esis Kristen sasapaꞌ Poli Sailas aꞌ mafeꞌ anambel wambel Beria. Amom mafeꞌ mataga Beria, mafeꞌ mawis ipat luꞌutai esis Juda sandakolasatai.

Aposel 17:14

Naꞌamba deiꞌ atef amom Kristen masapaꞌ Pol aꞌ niliana nafeꞌ naoh akata. Apaꞌ Sailasi Timoti atom mape Beria.

Aposel 17:4

Eaꞌ anis amam nematawa Judaisi sahapifa Krais eaꞌ saila Poli Sailas sataga wambota atotota Godi. Anis Grik sandaꞌ lotuma Godi hiasi saloma anowa nematawa dembiwai hiawai, esis wapani sataga wambota Godi saila amom biam.

Aposel 18:5

Sailasi Timoti makwaha itap luꞌupa Masedonia mafiꞌi Pol nagapoma, nogota atamba Pol nakwaha maol inimba nogosambala sel eaꞌ nandaꞌ maol atapina nawalapa basef buꞌwafi nimaguf hiafi. Nawalapef banagambela esis Juda naꞌamba naꞌi, “Jisas anen Krais, God nandandepana nasapaꞌana nagafiꞌii.”

Aposel 8:14

Amom aposel magape Jerusalami mameꞌ basefa esis Samaria asofaꞌ basef Godi. Naꞌamba masapaꞌ Pitai Jon mafeꞌma esis.

2 Korin 1:19

Nogamana Godi Jisas Krais, aeꞌi Sailas waloma Timoti wagawalapa basef ananifii, anen ina nagaꞌi naꞌambai nagaꞌi, “Ahoꞌ” i “Owaꞌ” atifi, owaꞌatin. Krais nagaꞌi ahoꞌ atini.

1 Tesalonaika 1:1

Aeꞌ Pol aloma Sailas Timoti wape naꞌaꞌe. Eaꞌ andaꞌ basef ifimba fafeꞌmago ipaꞌ Kristen pagape wambel Tesalonaikai. Ipaꞌ pape paloma God ahamapa apeꞌinai naloma Dembinai Jisas Krais. Ipaꞌ Kristen pape paloma amom eaꞌ amamipai siꞌipa. Afaꞌ waꞌi atiasi God notopalopago ipaꞌ dowafa opalef ipeꞌilifi fegape awanelef.

2 Tesalonaika 1:1

Aeꞌ Pol aloma Sailasi Timoti wape naꞌaꞌe. Eaꞌ andaꞌ basef ifimba fafeꞌmago ipaꞌ Kristen pagape wambel Tesalonaikai. Ipaꞌ pape paloma God ahamapa apeꞌinai naloma Dembinai Jisas Krais. Ipaꞌ Kristen pape palomam eaꞌ amamipai siꞌipa.

1 Pita 5:12

Aeꞌ aꞌipa owame Sailas nandaꞌago basef ifiꞌi aeꞌafi bandafi fafeꞌmago ipaꞌ. Aeꞌ ati anen nandaꞌ maola Krais datimai. Eaꞌ aꞌipipago basef amamba endilisimi God nagatopalopapa dowafami. Deiꞌ lutu atapipa ma amamba. Andaꞌ basef ifiꞌi aꞌi asaꞌma ukup ipeꞌipi egewaꞌ banagaipa.