Aposel 15:2 - Basef Buꞌwami Godi

² Amom maꞌias naꞌamba, mandaꞌ ukup Poli Barnabasi numbutip aꞌowaꞌ eaꞌ maꞌi basef banagafi mandahihianama maloma amom Judaimi. Eaꞌ esis Kristen sandandepa Poli Barnabas maloma anom amam magahapifa Kraisi wapani mondowasaꞌ Jerusalem maꞌi basef ifimba monandonaef maloma amom aposel maloma agufumi siosi.

Aposel 15:2 Iomraidhean Croise

Aposel 10:23

Eaꞌ Pita naꞌipam aꞌ mawis ipat nomon, naoꞌwam numafiam mape owamb ambamba. Wafilu nosafel aꞌ nafeꞌ nalomam. Anom amam Kristen Jopaimi mafeꞌ malomana.

Aposel 11:12

Eaꞌ Ambal buꞌunai Godi naꞌipi naꞌi, ‘Inaꞌ foꞌo lomago amom, inaꞌ owaꞌi okom molamefeꞌa.’ Amom sahope amamba wanom wanom mafeꞌ malome. Eaꞌ afaꞌ wafeꞌ wawis ipat aman anambai,

Aposel 11:30

Esis sandaꞌas naꞌamba, sasapaꞌ Barnabasi Sol biam mofaꞌ moni inimba mafeꞌma amom agufumi mugumafi esis amam nematawa Kristen sagape Jerusalami.

Aposel 15:25

Afaꞌ wameꞌ basef ifimba eaꞌ waꞌipasa ukup pape atogon waꞌi basef wandameꞌmaef. Eaꞌ wandandepa amam amamba biama osapaꞌam mofeꞌmago ipaꞌ molomago biam apaꞌ ukup pagailam aꞌowaꞌi, Barnabasi Pol.

Aposel 15:27

Afaꞌ deiꞌ wasapaꞌago Judas naloma Sailas ama atiasi miꞌipipa basef ifimba atif afaꞌ waꞌif wandaꞌef fagafeꞌmago ipeꞌi malogof amamugufi.

Aposel 15:4

Amom mafeꞌ mataga Jerusalem, amom aposel maloma esis amam nematawa Kristen saloma agufumi asasimi sosafel sandalalamam sandaꞌmam gude amom. Eaꞌ Pol naloma Barnabas mosafel maꞌipas basefa maol hiani God natopalopama mandaꞌani.

Aposel 16:4

Nimaguf hiafi amom malutu mafeꞌ walemb ambalemba hielimbi maꞌipasa basef esis. Basef ifimba fowaꞌ amom aposel maloma agufumi maꞌif mandameꞌmaef Jerusalami, ifimba deiꞌ masoꞌasef esis Kristen eaꞌ maꞌipas maꞌi, “Ipaꞌ pindaila basef ifimba.”

Aposel 21:18

Ama wafilu nemaf giꞌmaifi Pol nafeꞌ nalomafa ma negati Jems. Eaꞌ amom agufumi hiami ma esis Kristeni mape malomana.

1 Korin 1:1

Aeꞌ Pol aposel Jisas Kraisi andaꞌ maol ananini. Okom Godi atom nofale nandandepe andaꞌ maol inimba. Aeꞌ aloma owamapa Sostenes wape naꞌaꞌe wasapaꞌ dagala nemaf buꞌwafi nefeꞌmago ipaꞌ amam nematawa Kristen sios pagape Korini. Eaꞌ andaꞌ basef ifimba fafeꞌmago ipaꞌ. Ipaꞌ pagape sisihipama Krais Jisasi, God nandaꞌepa pape hililiꞌ nofalepa nosahoꞌepa eaꞌ ananipai atipa. Afaꞌ biafa waseꞌepa dagala ipaꞌ paloma epes hiasi ma walemb hielimbi sogofala agol Dembinai apeꞌinai Jisas Kraisi, anen dembinai ma apaꞌ, esis wapani.

2 Korin 11:5

Pemeꞌ! Aeꞌ ina okom mandandaꞌ aꞌi aeꞌ gawa ake ape lafela amom “Aposel amamba ipeꞌimi magaliꞌi,” owaꞌatin.

Galesia 2:5

Apaꞌ ina maꞌi ahoꞌma mogaila basef amamifi kwasakwasala, owaꞌatin. Deiꞌ main, apaꞌ maꞌi mumafi basef buꞌwami endilisimi mondape usiꞌima ipaꞌ pigahapifam andeandeꞌ.

Basef Ifimba Jut Nandaꞌafi 1:3

Alipipai endilisi, aeꞌ okom mandandaꞌ aꞌowaꞌ aꞌi ataꞌ endaꞌ anif basefa God nowambilai apaꞌ hiapai hiꞌalapa nofaꞌapa mutanimai magape andeandeꞌ. Apaꞌ owaꞌ, deiꞌ aꞌi ataꞌ endaꞌ anif basef daif iꞌipipago esaꞌma ukup ipeꞌipi ma pendaꞌ maol banagambel pimafiago basef endilisifi Kraisi apaꞌ magahapilafi. Ama pegahagasa boumi amamba magatalogofa basef ifimba Kraisi. Hapif inimba God aꞌ nasoꞌapan apaꞌ hiapai amam nematawa ananipai nemaf afamba atetef eaꞌ atapin nape.