Aposel 14:22 - Basef Buꞌwami Godi

²² eaꞌ mowaꞌ banaga esis Kristen. Amom maꞌipas dindinip naꞌamba maꞌi, “Ipaꞌ pendape banagepa pindahapifa Dembinai God. Apaꞌ mondameꞌ nimanimi akafimi mamimami ma mugawis nomona maol Godi nope Dembinai nugumafiapa.”

Aposel 14:22 Iomraidhean Croise

Matyu Nandaꞌafi 10:38

Aeꞌ efaꞌ akafimi andaꞌ maol Godi sehe egaꞌ lawag usiꞌigai tiꞌwanaegai. Epen ami owaꞌ nendaꞌas naꞌamba atin siꞌi aeꞌa ma nigailima, epen inimba ina laꞌifin netaga alipini aeꞌani, owaꞌatin.

Matyu Nandaꞌafi 16:24

Deiꞌ Jisas naꞌipa alipumi ananimi naꞌi, “Aeꞌ efaꞌ akafimi andaꞌ maol Godi sehe egaꞌ lawag usiꞌigai tiꞌwanaegai. Iꞌi anin epen niꞌi nila aeꞌ, anin nendaꞌas naꞌamba atin siꞌi aeꞌ ma nigaili. Eaꞌ nitalogofa okom ananimi ma maol main anin naꞌi nendaꞌani.

Matyu Nandaꞌafi 19:24

Aeꞌ aꞌi iꞌipipa wapani, Anin mafin luꞌunai kamel nogawis bolotaf nil sogosambala luwagufeli, anamba ila ma nogawis. Apaꞌ amam nematawa hiahaom hiamisi sofeꞌ sogawis nomona maol Godi, sondaꞌam dandaꞌ ahifim aꞌowaꞌ ma sofeꞌ sogawis. Maol inimba ahifim aꞌowaꞌ nikilaꞌ maol kamel nogawis bolotaf nili.”

Mak Nandaꞌafi 9:47

Iꞌi naep ipeꞌipi pendaꞌepa pewa ma waf awafi, pigip pikwahip. Atom atin pepe ma pegafeꞌ anamba God nagalaꞌambemagoma pegape andeandeꞌ lifilafima. Naꞌamba nam amamba mandaꞌan nandaꞌ waf awafii mope, aꞌ mofaꞌan nefeꞌ wambel awambili nif fagape lifilafiima.

Luk Nandaꞌafi 24:26

Krais anen ataꞌ niliꞌ nofaꞌ akafimi ma main, aꞌ nofaꞌ banagami mogogalaꞌi ananimi migiꞌ. Deiꞌ maina ipaꞌ owaꞌ pegegawaea?”

Jon Nandaꞌafi 15:18

“Iꞌi esis amam nematawa sagaila waf itapafi siꞌi sofala ipaꞌ boupai daoꞌ, ipaꞌ pendegawa esis fowaꞌ saliꞌ sofala aeꞌ bouwai.

Jon Nandaꞌafi 15:20

“Ipaꞌ ukup pendapoma basef ifimba aeꞌ agasiꞌipafi andeandeꞌ. Epen inimba agol akani nandaꞌ maol dowadowafi, anin ina nape ilifa dembinai ananinai, owaꞌ. Aeꞌ eaꞌ saliꞌ sandaꞌme waf awafi, eaꞌ atiasi esis sondaꞌmepa waf awafi, sondaꞌepa awepa wapani. Esis iꞌi sigiꞌma basef aeꞌafiai, daoꞌ atiasi esis sigiꞌma basef ipeꞌifi wapani. Owaꞌ, owaꞌatin.

Jon Nandaꞌafi 16:33

Aeꞌ aꞌi atiasi ipaꞌ pepe pelome nelelemb pepe saꞌombel. Eaꞌ deiꞌ aꞌipipa basef ifimba. Itap apaꞌe ipaꞌ atiasi pemeꞌ nelelemb nimanilimb. Apaꞌ nelelemb ipeꞌilimbi atiasi ambetaga banagelemb. Deiꞌ main, aeꞌ atalogofa waf itapafi a ikilaꞌaf eaꞌ.”

Jon Nandaꞌafi 3:5

Owaꞌ Jisas nagwamana naꞌipana naꞌi, “Ambal buꞌunai Godi laꞌifina nolan negataga dambain. Aeꞌ aꞌipina endilisi, iꞌi owaꞌ Ambal Godi nolana dambaina embela, ina atiasi laꞌifin nuwis nomona maol Godi, owaꞌatin. Apaꞌ iꞌi Ambal Godi nogolan dambaina, daoꞌ. Anin ilama nogawis nomona maol ananini.

Aposel 11:23

Anen nafeꞌ nataga nati God nandaꞌ esis boꞌwesa waf buꞌwafi numafias nandagalamas. Nafela ukup esis amam nematawa hiasi ma sogaila Dembinai banagambel dondol.

Aposel 11:26

Ama natolona, nofaꞌana nafiꞌi Antiok. Eaꞌ amom biam mape anagol afagol siꞌigili maloma esis Kristen amam nematawa sagape Antioki mawalipa miniꞌap laupi amam nematawa ma basef Godi. Eaꞌ esis amam nematawa sagaila Jisasi, anis daias sofalas agol agalemba Kristen dambadamba wambel ambalemba Antiok.

Aposel 11:29

Eaꞌ esis amam nematawa sagaila Jisas Kraisi saꞌi basef sandameꞌmaefa sogofaꞌ anin moni negafeꞌma esis alipisi sahin owan sagape Judai ma sogatopalopas. Esis Kristen atona atin ukup pandandaꞌma moni nagaꞌomasi sawalogon sasoꞌas duꞌwanin hiani nafeꞌma maol inimba. Anis otamba hiambai sasoꞌasa hiambai apaꞌ anis otamba kwaiaꞌumba sasoꞌasa kwaiaꞌumba. Hiasi sandaꞌas naꞌamba atin.

Aposel 13:43

Eaꞌ esis sakwaha ipat sandakolasatai sawisi andoꞌ eaꞌ esis Juda hiasi saloma anis epes hiasi daias sagiꞌmam. Epes isimba daias ina Juda, owaꞌ. Apaꞌ esis asofaꞌ waf esis Juda sandaꞌ lotuwafi eaꞌ. Eaꞌ amom biam masoꞌasa basef esis hiasi ma sape banages sahapifa God nandaꞌ waf buꞌwafi ma apaꞌ dowafi.

Aposel 14:20

Owaꞌ esis sagahapifa Godi safiꞌi salutu salipana, aꞌ nosafel wapani eaꞌ nafeꞌ nawis taun. Ama wafilu nafeꞌ naloma Barnabas mafeꞌ Derbe.

Aposel 14:28

Eaꞌ mapani anif nimaguf hiafi maloma esis sagahapifa Kraisi.

Aposel 15:32

Judas naloma Sailas amom profet. Deiꞌ maꞌipasa basef hiafi buꞌwafi esis Kristen, mowaꞌ banagas mafela ukup asasipi.

Aposel 15:41

Eaꞌ nafeꞌ laꞌafena itap apamba biafip luꞌupa Siriai Silisia naloma Sailas mafeꞌ mowaꞌ banaga esis Kristen.

Aposel 18:23

Pol napani nogota lautai kwasakwasala Antiok ama main, notanima nafeꞌ wapani analemb walemb hielimbi ganigani ma itap luꞌupa Galesiai Frigia fowaꞌ naliꞌ nagafeꞌma. Eaꞌ nandaꞌ maol nowaꞌ banaga esis Kristen hiꞌalas.

Aposel 6:7

Eaꞌ basef Godi fandasauliꞌ fafeꞌ. Amam nematawa hiasi sagape Jerusalami aꞌ sataga alipisi sahapifa Jisas. Owaꞌ pris amamba hiami wapani mahapifa Jisas mailana.

Aposel 9:16

Atiasi aeꞌ ihimbaꞌmana akafimi mamimami hiami moloma nimanimi ma nogawalapa agol aeꞌagili. Naꞌamba inaꞌ deiꞌ foꞌo netelona.”

Basef Amama Pol Nandaꞌam Mafeꞌma Esis Romi 8:17

Apaꞌ magape awasi Godii. Eaꞌ anaf mofaꞌ hiahaom Ahamapai moloma hiahaom anen nambeꞌama Krais nugumafiami, mofaꞌam moloma Krais. Iꞌi deiꞌ apaꞌ mofaꞌ akafimi mogalomanama, anaf mofaꞌ poe buꞌwani endilisi nondaꞌapa mogalaꞌ molomana.

1 Korin 1:8

Jisas Krais atiasi nowaꞌ banagaepa ma pegape banagepa atipipa pefeꞌ pegatagama nemaf afamba Dembinai apeꞌinai Jisas Krais nogafiꞌafii ma diga basef kofagesa akepa nemaf afamba.

Filipai 1:29

Deiꞌ main, God naseꞌepa waf fasifi ma pendaꞌ maol Kraisi. Anen ina naseꞌepa waf pagahapifanafi atef, owaꞌ. Anen naseꞌepa waf afamba pegefaꞌ akafimi wapani ma agol ananigili.

Kolosi 1:23

Apaꞌ ipaꞌ pindahapifa basef buꞌwafi Godi tatalaꞌif atapipa ma pigalutu banagepa endilisi siꞌi olaf fagaliꞌi fogowaꞌ banaga ipati. Naꞌamba ukup peseꞌepama pegegawa endilisi anaf pegefaꞌ hiahaom amamba fasimi basef buꞌwafi fagaꞌiami. Basef ifimba pagameꞌef eaꞌi sawalipasafa epes hiasi sagape itapi hiꞌalas. Basef ifimba aeꞌ Pol ataga aman andaꞌ maola agawalipasafi.

1 Tesalonaika 3:13

Waꞌi ipaꞌ pendaꞌ waf afambai ma God nogowaꞌ banaga opalef ipeꞌilifi. Ama anaf Dembinai apeꞌinai netambel nifiꞌi nogalumai esis hiasi sagahapifanai sagape hililiꞌi ma ipaꞌ pegape beꞌepa hililiꞌ diga basef akepa ma naep Godi ahamapa apeꞌinai.

2 Timoti 1:8

Inaꞌ owaꞌi ambal aola nigaꞌipasa basef Dembinai apaꞌinaia. Eaꞌ owaꞌi ambal aola aeꞌ wapania, owaꞌatin. Aeꞌ andaꞌ kalabusi, epen dembinaii. Inaꞌ nefaꞌ banagami Godi ma banagena nefaꞌ nimanimi nelome ogawalapa basef buꞌwafi ananifi.

2 Timoti 3:12

Ahoꞌ, epes ami soloma Krais Jisas sisihis sogapani ma sogaila waf Godi, bousi asasisi atiasi sondaꞌas kwapeteꞌas.

1 Pita 2:21

God nofalai ipaꞌ eaꞌ ma pigaila waf afambai pegefaꞌ akafimi ma waf buꞌwafi ipaꞌ pandaꞌafi. Deiꞌ main, Krais atona nameꞌ akafimi ma nagatopalopapa. Eaꞌ nihimbaꞌmepa waf afamba buꞌwafi ananifi ma pigailaf.

1 Pita 5:10

God anen kofagonama waf afamba hiafi hiꞌalaf nagatopalopapa dowafafi. Ipaꞌ sisihipama Krais, isimba atis deiꞌ God nofalepa ma pegape mogogalaꞌi banagami ananimi magape dondol lifilafii. Apaꞌ deiꞌ ipaꞌ pameꞌ akafimi nogota bandata. Ama main owaꞌ, anen atona nisindiꞌamonepa petaga beꞌepa, eaꞌ nowaꞌ banagaepa pilutu banagepa siꞌi olaf banagafi fogowaꞌ banaga ipati.

1 Pita 5:9

Ipaꞌ pihapifana pilutu banagepa ma pewaꞌ alafugahana pigaliꞌamonana. Deiꞌ main, sahin owan ipeꞌisi sagape itap hiagomai esis sofaꞌ akafimi naꞌamba atin.

2 Pita 1:11

Iꞌi ipaꞌ pigailam, daoꞌ andeandeꞌma anaf God nondaꞌ ufiaꞌw kogal alihiꞌwa pendagala pefeꞌ pigawis anamba anen nagalaꞌambemagoma nagape atapigin lifilafima. Anen atona nagatopalopapa ma deiꞌ magape andeandeꞌi.

Basef Ifimba Jut Nandaꞌafi 1:3

Alipipai endilisi, aeꞌ okom mandandaꞌ aꞌowaꞌ aꞌi ataꞌ endaꞌ anif basefa God nowambilai apaꞌ hiapai hiꞌalapa nofaꞌapa mutanimai magape andeandeꞌ. Apaꞌ owaꞌ, deiꞌ aꞌi ataꞌ endaꞌ anif basef daif iꞌipipago esaꞌma ukup ipeꞌipi ma pendaꞌ maol banagambel pimafiago basef endilisifi Kraisi apaꞌ magahapilafi. Ama pegahagasa boumi amamba magatalogofa basef ifimba Kraisi. Hapif inimba God aꞌ nasoꞌapan apaꞌ hiapai amam nematawa ananipai nemaf afamba atetef eaꞌ atapin nape.

Revelesen 1:9

Aeꞌ Jon sahomepa ipeꞌiwai. Aeꞌ alomepa, apaꞌ hiapai Jisasi atepa maloma anen sisihipa mape. Akolata alomepa mofaꞌ akafimi ma mugawis nomona maol Godi nope Dembinai nugumafiapa. Eaꞌ ape alomepa ma apaꞌ hiapai magalutu banagepa naꞌamba atina mogofaꞌ nimanimi. Aeꞌ awalapa basef Godi faloma basef endilisifi ma maol Jisas nandaꞌani. Isimba atis deiꞌ esis sandaiwaꞌme saliꞌamone eaꞌ afiꞌi ape ailan agilina saꞌi Patmos.

Revelesen 2:10

Ipaꞌ ina ombel mehepama nambimb pegefaꞌ akafimi, owaꞌi. Ipaꞌ pemeꞌ! Atiasi Satan nondaꞌ anipa ipaꞌ pendaꞌ kalabusa nogagwamba ipaꞌ eaꞌ pefaꞌ akafimi nimanimi amamba nimaguf ilifunamaif. Apaꞌ kwawiaꞌ, ipaꞌ pihapifi pilutu banagepa ma anis siꞌi sehepa pegagaꞌma, kwawiaꞌ, pilutu banagepa pindahapifi. Ama Aeꞌ atiasi egaseꞌepa ambal namili ipaꞌ siꞌi hiahaom buꞌwami esis sandaꞌ pilae sogofaꞌami.

Revelesen 7:14

Eaꞌ agwa basef aꞌi, “Dembinai aeꞌinai, inaꞌ atina negawas.” Anen naꞌipi naꞌi, “Epes isimba fowaꞌ sape itap sogofaꞌ nimanimi akafimi luꞌwami ma lagof esis bousi. Eaꞌ esis sasaꞌopa klos asasimi ma esimbel sipsip anamba noganai, deiꞌ mataga afitim.