Aposel 12:7 - Basef Buꞌwami Godi

⁷ Eaꞌ kwafalis atis atef bif owaꞌ, ensel Dembinaii nataga naloma nogogalaꞌi nogalaꞌ nawis ipat sandaꞌ kalabusa nomon. Eaꞌ ensel napisi lambeh Pitai ninimbalana naꞌipana naꞌi, “Inaꞌ safel kwafalis.” Eaꞌ sen peleꞌatana dowaf lagof Pitai nowa naꞌoh itap.

Aposel 12:7 Iomraidhean Croise

Matyu Nandaꞌafi 2:13

Amom amamba gawaimi mafeꞌ, Josep naꞌoh owaꞌ, nandondoꞌah anona ensel Dembinaii nafiꞌmai anen naꞌipana naꞌi, “Inaꞌ safel aꞌ neꞌwa awani inimba neloma maꞌmana ananiꞌwi pefeꞌ anambel wambel lauguni itap luꞌupa Isip. Eaꞌ pipani Isip ama anaf pemeꞌ aeꞌ iꞌipipa wapani daoꞌ, pifiꞌi. Deiꞌ main, dembinai King Herot atiasi niꞌipa soldia ananimi molaꞌ molaoma awani inimba ma mohan negagaꞌ.”

Luk Nandaꞌafi 2:9

Owaꞌ anona ensel nafiꞌi nalumai mogogalaꞌi Dembinaii, mogalaꞌ malaꞌambema amom eaꞌ ombal maham endilisi.

Luk Nandaꞌafi 24:4

Eaꞌ awo nomonas salasafeꞌ hiahiasa isimba. Owaꞌ kwafalis atis wati anom amam biam malutu felefeleꞌ luwaguf amamifi mogalaꞌ aꞌowaꞌ.

Aposel 10:30

Eaꞌ Konilias nagwamana naꞌi, “Hiahawes sagatagama aeꞌi ma deiꞌ nimaguf aꞌ wanif fafeꞌ eaꞌ, isimba naꞌamba. Aeꞌ ape andabeten ipat aeꞌatai, nogota awin newala nagape owambuguma 3 klok. Nogota eaꞌ naꞌamba atin siꞌi deiꞌ. Andabeten ape owaꞌ, ati anona aman nalutu felefeleꞌma amaga aeꞌagai, luwaguf maim ananimi aꞌ mombal mataga magalaꞌ aꞌowaꞌ.

Aposel 12:23

Eaꞌ Herot ina ataꞌ nasaꞌma agol Godi, aꞌ owaꞌatin. Naꞌamba deiꞌ atef ensel Dembinaii nahana. Eaꞌ asagof uguf saꞌusaꞌusi sahana sahahapeꞌ alop ananinai eaꞌ afuna.

Aposel 12:6

Ama wafilu Herot naꞌi nofaꞌ Pita nefeꞌ kot. Eaꞌ nemaf afamba owaꞌ ataꞌ fetaga ulala, aꞌi owaꞌ owamb ambamba Pita naꞌoh laꞌafena anom soldia biam. Amom mowaꞌ Pita sen biafin. Anom soldia malutu mumafi uta ipat atamba sandaꞌ kalabusa.

Aposel 12:8

Eaꞌ ensel naꞌipana naꞌi, “Inaꞌ wahoꞌ let nugundisa klos la su boꞌwagah ineꞌigahi.” Eaꞌ Pita nandaꞌam siꞌi ensel nagaꞌipana. Eaꞌ ensel naꞌipana wapani naꞌi, “La saket ineꞌinai nigiꞌma aeꞌ nifiꞌi.”

Aposel 16:26

Eaꞌ kwafalis atis imauna luꞌunai nataga naola olalef mogombaloꞌ ipat kalabusi. Eaꞌ utagw mandawisiꞌ, sen negewaꞌ esis sandaꞌ kalabusi aꞌ nandatagwah.

Aposel 2:24

Apaꞌ owaꞌ, owaꞌatin. God notanima nasaꞌmana wapani aꞌ nakwaha akafimi ma gaꞌ ananimi. Deiꞌ main, gaꞌ inimba ina banagen aꞌowaꞌ ma nihapilana nogape, owaꞌatin.

Aposel 5:19

Ama aꞌi owamb, owaꞌ anona ensel Dembinaii nafiꞌi nawisiꞌ uta luꞌutai indalelemba kalabus eaꞌ nafelai amom aposel mawisi andoꞌ naꞌi,

Aposel 9:3

Eaꞌ Sol nafeꞌ nataga felefeleꞌma Damaskus owaꞌ, kwafalis atis anom mogogalaꞌi mafiꞌi misilaꞌi heven aꞌ mogalaꞌma anen aꞌowaꞌ.

Efesus 5:14

Deiꞌ main, hiahaom mamahoma mataga alihim mandawalapi, amamba mataga mape siꞌi mogogalaꞌi. Isimba atis deiꞌ anif basef fapan fagaꞌi naꞌamba faꞌi, “Ipaꞌ epes pagaꞌihi deiꞌ safel dasaꞌma mehip pekwaha koh! Ipaꞌ pesafel wandelef eaꞌ Krais neseꞌepa mogogalaꞌi mihihima ipaꞌ.”

Hibrui 1:14

Deiꞌ amom ensel mamahoma? Amom ambagof buꞌwagufi mandaꞌmana maol Godii. Anen nasapaꞌam mafiꞌi ma mogatopalopa epes isimba deiꞌ God nofaꞌas sogotanimai ma anaf sogofaꞌ poe buꞌwani.

Revelesen 18:1

Magiꞌ magatagai amamba, ati anona ensel nakwaha heven nisilaꞌi. Anen banagami magapaunai endilisi, sosaf ananinai nogalaꞌ nandaꞌ itap hiagoma nogalaꞌ aꞌowaꞌ.